Ɛksodɔs 32:15 - Krio Fɔs Oli Baybul

¹⁵ Mozis go dɔŋ di mawnten. I ol di tu ston tablɛt dɛn nain an we na pan dɛn di kɔmandmɛnt dɛn rayt; ɛn na di tu sayd pan dɛn di kɔmandmɛnt bin rayt.

Ɛksodɔs 32:15 Referans Kwoze

Ditarɔnɔmi 9:15

Mozis se in jɛs tek tɛm tek di tu tablɛt, ol dɛn nain tu an, tɔn saful ɛn go dɔŋ di mawnten we bin stil de kech.

Rɛvɛleshɔn 5:1

A si di Pɔsin we sidɔm na di fɔs ay chia we kiŋ kin sidɔm, i ol wan big big pepa we rol, nain raytan. Plɛnti tin bin rayt pan am, frɔnt ɛn bak, ɛn dɛn bin fasin am sɛvin say na di ɛj.

Di Sam Dɛm 19:7

PAPA GƆD de tich wi wetindu fɔ wi nɔmɔ; dis na wetin rayt ɛn i de gi wi abop na layf. Wi kin trɔs am ɛn du wetin i se ɔdɔyɔ sɛf go mɔs gɛt sɛns.

Ditarɔnɔmi 5:22

Mozis tɛl dɛn se na dɛn tin dɛn de PAPA GƆD bin tɛl dɛn we dɛn bin de na da Mawnten we i bin tɔk to dɛn lawd lawd wan insay da faya we bin gɛt tik tik smok we bin mek di ples dak. I se na dat nɔmɔ PAPA GƆD bin tɛl dɛn ɛn i bin rayt dɛn na tu ston tablɛt gi in di Mozis.

Ɛksodɔs 40:20

I tek di tu ston tablɛt ɛn put dɛn insay di Kɔvinant Bɔks. I krɔs di pol dɛn na di riŋ dɛn pan di bɔks ɛn put di kɔba pantap.

Ɛksodɔs 31:18

Wɛn PAPA GƆD dɔn tɔk dɔn to Mozis ɔp Mawnt Saynay, i gi am tu ston tablɛt dɛn. Na PAPA GƆD insɛf sɛf rayt in kɔmandmɛnt dɛn pan dɛn.

Ɛksodɔs 24:18

Di Klawd kɔba Mozis tek am go rayt ɔp di mawnten. I tek fɔti de ɛn fɔti nɛt ɔp na di mawnten.

Ɛksodɔs 16:34

Lɛkɛ aw PAPA GƆD tɛl Mozis nɔmɔ, na so Erɔn insɛf du. I put am bifo di Kɔvinant Bɔks fɔ lɛ i nɔ go lɔs.

2 Kɔrint 3:3

Una dɔn sho plen wan se na una na di lɛta we Krays rayt, we wi dɔn briŋ. Nɔto ink wi tek rayt am pan ston slab, na Gɔd we gɛt layf sote go, in Spirit rayt am na wi at.

2 Kɔrint 3:7

Bɔt if di Lɔ we rayt pan ston we briŋ day so wɔndaful, dat di Izrɛl pipul dɛn nɔ bin ebul luk Mozis in fes we bin de shayn brayt brayt wan, pan ɔl we da layt de bin de fed,

Di Ibru Pipul Dɛn 9:4

Insay da ples de dɛn bin gɛt smɔl gold tebul we dɛn bin de bɔn insɛns we gɛt fayn smɛl. Di bɔks we di agrimɛnt we Gɔd mek wit mɔtalman de, bin de insay dis sem ples ya. Gold bin kɔba di wan ol bɔks. Insay di bɔks dɛn bin de kip wan gold pɔt we dɛn kin put da tin we dɛn kɔl mana we Gɔd bin de gi dɛn fɔ it. Erɔn in wɔkin stik we lif gro pan, ɛn dɛn tu ston we Gɔd bin rayt in lɔ dɛn pan, dɛnsɛf bin lib de.

Ɛksodɔs 24:12

PAPA GƆD tɔk to Mozis. I se, “Kam ɔp di mawnten kam wet; a go gi yu ston tablɛt dɛn we na pan dɛn a dɔn rayt ɔl di lɔ ɛn kɔmandmɛnt dɛn we fɔ tich di Izrɛlayt dɛn.”

Ɛksodɔs 32:16

Na PAPA GƆD mek di tablɛt dɛn, ɛn nainsɛf sɛf rayt pan dɛn.

Ɛksodɔs 34:29

Wɛn Mozis lɛf Mawnt Saynay de kam dɔŋ wit di tu ston tablɛt we di Tɛn Kɔmandmɛnt bin rayt pan, na so in fes bin de shayn, bɔt Mozis nɔ bin no se in fes bin de shayn. Dat bi bikɔs i bin de tɔk wit PAPA GƆD.