Ɛksodɔs 32:13 - Krio Fɔs Oli Baybul

¹³ I tɛl PAPA GƆD se lɛ i nɔ fɔgɛt da prɔmis we i bin prɔmis in savant dɛn, dat na Ebraam, Ayzak ɛn Jekɔb, we i bin swɛ to insɛf se in go mek dɛn jɛnareshɔn dɛn bɔku lɛkɛ di sta dɛn na di skay ɛn gi dɛn bɔku, bɔku land we go bi dɛn yon sote go.

Ɛksodɔs 32:13 Referans Kwoze

Di Ibru Pipul Dɛn 6:13

Lɔntɛm, wɛn Gɔd bin prɔmis Ebraam, nainsɛf yon nem i bin tek oth se in go du wetin i bin prɔmis Ebraam, bikɔs nɔbɔdi nɔ pas am.

Jɛnɛsis 22:16

i se, “PAPA GƆD se in dɔn swɛ to insɛf se i go blɛs yu bikɔs yu gri fɔ gi am yu wangren bɔypikin ɛn nɔ ol am to yusɛf.

Jɛnɛsis 12:7

PAPA GƆD apia to Ebram, dɔn i tɛl am se, “Na dis kɔntri a go gi yu ɛn yu jɛnareshɔn dɛn.” So Ebram bil ɔlta fɔ wɔship PAPA GƆD na da ples de usay i bin apia to am.

Jɛnɛsis 15:5

So PAPA GƆD kɛr Ebram go na do ɛn tɛl am se, “Luk ɔp di skay ɛn tray fɔ kɔnt di sta dɛn; lɛkɛ aw di sta dɛn bɔku so na so yu jɛnareshɔn dɛn go tan.”

Jɛnɛsis 15:18

Da sem tɛm de PAPA GƆD mek Kɔvinant wit Ebram. I se, “A dɔn prɔmis fɔ gi yu jɛnareshɔn ɔl dis kɔntri frɔm di bɔda na Ijipt sote rich na Riva Yufretis,

Ditarɔnɔmi 7:8

Bɔt PAPA GƆD lɛk dɛn ɛn de kip in prɔmis we i bin dɔn prɔmis dɛn fɔstɛm-papa dɛn se i go pul dɛn kɔmɔt slevri na Ijipt dɛn kiŋ in an, ɛn dɛn go bi in yon pipul dɛn sote go.

Lɛvitikɔs 26:42

dɛn PAPA GƆD go mɛmba di Kɔvinant wit dɛn fɔstɛm-papa dɛn we na Ebaam, Ayzak ɛn Jekɔb ɛn i go mɛmba wetin i bin se bɔt di land.

Jɛnɛsis 48:16

mek di enjɛl we dɔn pul mi pan ɔl mi trɔbul, blɛs dɛn pikin ya so! Mek pipul dɛn mɛmba mi nem, mi papa Ayzak ɛn mi grampa Ebraam dɛn nem sote go! Mek dɛn jɛnareshɔn bɔku na dis wɔl!”

Jɛnɛsis 15:7

PAPA GƆD tɛl Ebram se, “Na mi na di PAPA GƆD, we pul yu kɔmɔt Ɔ we de na Babilonia, ɛn a go gi yu dis land fɔ mek i go bi yu yon.”

Ditarɔnɔmi 9:27

I se if PAPA GƆD vɛks te, du ya lɛ i mɛmba Ebraam, Ayzak ɛn Jekɔb we bin dɔn waka tret wit am, ɛn lɛ i nɔ luk dɛn pipul de dɛn traŋayes, dɛn bad we dɛn de du ɛn di sin dɛn we dɛn dɔn kɔmit.

Jɛnɛsis 12:2

A go mek yu jɛnareshɔn bɔku te dɛn bi wanol neshɔn. A go blɛs yu ɛn mek yu femɔs, ɛn yu go bi blɛsin to ɔda pipul dɛn.

Jɛnɛsis 17:8

Dis land we yu de so naw lɛkɛ trenja go blant yu ɛn yu jɛnareshɔn dɛn. A go gi yu jɛnareshɔn dɛn dis wanol Kenan. I go bi dɛn yon sote go, ɛn a go bi dɛn PAPA GƆD.”

Jɛnɛsis 24:7

PAPA GƆD, we na PAPA GƆD na ɛvin, bin pul mi kɔmɔt na mi papa in os ɛn usay ɔl mi fambul dɛn de, ɛn prɔmis mi se, in go gi mi ɛn mi jɛnareshɔn dɛn dis land ya so. Da sem PAPA GƆD de go sɛn in enjɛl bifo yu, so dat yu go gɛt wɛf fɔ mi pikin yanda.

Ɛksodɔs 13:5

I se dɛn fɔ sɛlibret da de de as ɔlide insay da mɔnt de wɛn PAPA GƆD go kɛr dɛn go na di ples usay dɛn Kenanayt, dɛn Itayt, dɛn Amɔrayt, dɛn Ivayt ɛn dɛn Jɛbyusayt dɛn de. I se na da land de PAPA GƆD bin swɛ se in go gi dɛn papa dɛn, ɛn da land we fayn fɔ plant ɛn fɔ mɛn animal dɛn.

Ɛksodɔs 13:11

Mozis tɛl di pipul dɛn bak se, PAPA GƆD go mɔs kɛr dɛn go na di Kenanayt dɛn kɔntri lɛk aw i bin prɔmis dɛn papa dɛn, ɛn wɛn PAPA GƆD dɔn gi dɛn di kɔntri,

Ɛksodɔs 33:1

PAPA GƆD tɔk to Mozis. I se, “Kɔmɔt na dis ples. Yu ɛn di pipul dɛn we yu pul kɔmɔt na Ijipt, una lɛf yaso ɛn go na di land we a bin prɔmis Ebraam, Ayzak ɛn Jekɔb se a go gi dɛn ɛn dɛn jɛnareshɔn.

Ditarɔnɔmi 1:10

I se PAPA GƆD we na dɛn PAPA GƆD dɔn mek dɛn dɔn bɔn pikin te dɛn bɔku lɛk di sta dɛn na di skay.

Jɛnɛsis 22:17

I prɔmis se i go mek yu jɛnareshɔn bɔku lɛkɛ di sta dɛn na di skay ɛn lɛkɛ sansan na bich. Dɛn go gɛt pawa oba dɛn ɛnimi ɛn dɛn go tek dɛn siti sɛf na dɛn an.