Ɛksodɔs 32:12 - Krio Fɔs Oli Baybul

¹² I se if i nɔ du so di Ijipshian dɛn go se na bad nɔmɔ i bin mekɔp fɔ du dɛn we i pul dɛn kɔmɔt na Ijipt, i mekɔp fɔ kil dɛn ɛn lɛ wan pan dɛn nɔ lɛf na di wɔl. I beg PAPA GƆD se duya lɛ i kol in at ɛn chenj in maynd, lɛ i nɔ mek in pipul dɛn sɔfa.

Ɛksodɔs 32:12 Referans Kwoze

Ditarɔnɔmi 9:28

Ɔ nɔ so, di pipul dɛn na Ijipt go tɔk se PAPA GƆD nɔ ebul pul di pipul dɛn we de na di land fɔ gi di Izrɛlayt dɛn, ɔ na bikɔs i et dɛn ɛn wan kil dɛn mek i kɛr dɛn go na di ples we pɔsin nɔ go ebul tap.

Jɔshwa 7:9

I tɛl PAPA GƆD se if di Kenanayt ɛn ɔl di ɔda pipul dɛn we de na di land yɛri bɔt dat, dɛn go jɔs sɔrawnd dɛn ɛn kil dɛn ɔl. So I aks se, wetin PAPA GƆD go du fɔ in yon rɛspɛkt.

Ɛksodɔs 32:14

PAPA GƆD chenj in maynd ɛn nɔ pɔnish di pipul dɛn igen lɛkɛ aw i bin se.

Zɛkaraya 8:14

PAPA GƆD Ɔlmayti se, lɛk aw i bin tɛl dɛn fɔstɛm-papa dɛn se in go pɔnish dɛn we i vɛks, di tɛm we dɛn bin ambɔg am ɛn i nɔ sɔri fɔ dɛn,

Jona 3:9

Di kiŋ se sɔntɛm dat go mek PAPA GƆD in at kol ɛn i nɔ vɛks da bad bad vɛks we i bin vɛks igen, dɔn i go sɔri fɔ dɛn ɛn nɔ dɔnawe wit dɛn.

Emɔs 7:6

PAPA GƆD we na GƆD chenj in maynd ɛn tɔk se dis sɛf nɔ go bi igen

Emɔs 7:3

PAPA GƆD chenj in maynd ɛn tɔk se, “Wetin yu dɔn si so nɔ go bi igen”

Izikɛl 20:22

Bɔt a bin ol mi at, ɛn a bin du so fɔseka mi nem, so dat dɛn nɔ go pwɛl mi nem to di neshɔn dɛm, we na bifo dɛn a bin sev dɛn.

Izikɛl 20:14

Bɔt a bin du so fɔseka mi nem, so dat dɛn nɔ go pwɛl mi nem bifo di neshɔn dɛm usay dɛn bin tap, we na bifo dɛn a bin sev dɛm.

Izikɛl 20:9

Bɔt a bin du so fɔseka mi nem, so dat dɛn nɔ go fityay mi bifo di neshɔn dɛn we dɛn bin tap, we na bifo dɛn a bin sho misɛf to dɛn bay we a bin pul dɛn kɔmɔt Ijipt.

Di Sam Dɛm 106:45

bikɔs i wan ɛp dɛn, i mɛmba wetin i bin se nain Kɔvinant, ɛn bikɔs in lɔv nɔ de chenj, i chenj in maynd.

Di Sam Dɛm 90:13

PAPA GƆD, aw lɔŋ yu go de vɛks pan wi nɔmɔ av masi pan wi naw.

Di Sam Dɛm 85:3

Yu bin ivin nɔ vɛks da bad bad vɛks we yu bin vɛks pan wi igen

Di Sam Dɛm 78:38

Pan ɔl dat, PAPA GƆD sho dɛn masi; i fɔgiv dɛn fɔ dɛn sin ɛn nɔ fala dɛn fɔ pwɛl dɛn. Ɔl di tɛm i de bia wit dɛn ɛn nɔ de gri mek i vɛks pan dɛn pasmak.

Di Sam Dɛm 74:18

PAPA GƆD mɔs mɛmba aw yu ɛnimi dɛn dɔn de provok yu, aw ivin di fulish pipul de laf yu nem.

Ɛzra 10:14

Dɛn se lɛ dɛn lida dɛn tinap bifo fɔ dɛn, ɛn lɛ ɔl udat we mared fɔrin uman kam di tɛm we dɛn go fiks. Ɛn ich siti fɔ gɛt in yon jɔj fɔ sɛtul dis mata, so dat dɛn go tɔk dis tɔk fɔ lɛ PAPA GƆD in at go kol.

Jɔshwa 7:26

Nain dɛn pak ston dɛn ay ay wan kɔba dɛn. Te to di tɛm we dɛn bin de rayt dis buk, dɛn bin stil de kɔl di ples, Trɔbul Vali ɛn di ston dɛn bin stil pak de. Afta dɛn dɔn kil Ekan, PAPA GƆD in at bin dɔn kol fɔ Izrɛl.

Ditarɔnɔmi 32:36

PAPA GƆD go sev in pipul dɛn ɛn sɔri fɔ in wokman dɛm, we i si se dɛn pawa dɔn dɔn, ɛn nɔn pan di fribɔn ɔ slev nɔ de igen

Ditarɔnɔmi 13:17

I advays dɛn se dɛn nɔ fɔ tek natin pan di tin dɛn we na fɔ PAPA GƆD. I se dɛn fɔ bɔn dɛn ɔl. Dat go mek PAPA GƆD nɔ go vɛks pan dɛn igen, bɔt i go de sɔri fɔ dɛn ɛn go mek bɛtɛ fala dɛn. I se i go mek dɛn bɔn bɔku pikin dɛn, jɔs lɛk aw i bin dɔn prɔmis dɛn fɔstɛm-papa dɛn,

Jɛnɛsis 6:6

i fil am bad we i mek mɔtalman ɛn put am na di wɔl. In at pwɛl,

Ɛksodɔs 33:13

Duya, if fɔ tru, tru se yu lɛk mi, tɛl mi wetin yu mekɔp fɔ lɛ a go de sav yu ɛn pliz yu. Nɔ fɔgɛt se na dɛn pipul ya yu dɔn pik fɔ bi yu yon.”

Di Nɔmba Dɛm 16:21

“Una kɔmɔt nia dɛn pipul ya mek a dɔnawe wit dɛn wantɛm.”

1 Samiɛl 12:22

Bikɔs ɔf in nem, PAPA GƆD nɔ go ib una oba as nain dɔn se una nain yon.

1 Kiŋ 8:51

bikɔs dɛn na yu pipul dɛn we yu pul kɔmɔt na Ijipt pan ɔt ɔt faya.

Jɛrimaya 28:16

Fɔseka dat, na dis PAPA GƆD se: ‘a go pul yu kɔmɔt na dis wɔl. Dis vɛri ia, yu go day, bikɔs yu dɔn tɔn agens PAPA GƆD bay wetin yu se.’”

Joɛl 2:17

I se midul usay dɛn kin kip kot ɛn usay di ɔlta de, di man dɛn we de mek sakrifays fɔ pipul sin, fɔ kray ɛn beg PAPA GƆD fɔ sɔri fɔ di pipul. Dɛn fɔ tɛl am lɛ i nɔ mek in yon pipul shem we go mek di ɔda neshɔn dɛn gɛt wɔd fɔ tɔk. I se i nɔ fɔ mek di ɔda neshɔn dɛn aks dɛn usay dɛn GƆD de.

Di Nɔmba Dɛm 14:19

Bay di kayn beberebe lɔv we yu gɛt, fɔgiv yu pipul dɛn sin jɛs lɛk aw yu bin dɔn de fɔgiv dɛn frɔm we dɛn lɛf Ijipt.

Ayzaya 64:7

Nɔbɔdi nɔ de we de pre to yu, we de stren insɛf fɔ go grip yu; bikɔs yu dɔn ayd yu fes pan wi, ɛn yu dɔn put wi na wi sin dɛn an.

Ayzaya 64:8

Pan ɔl dat, PAPA GƆD, na yu na wi Papa; wi na di kle, ɛn na yu na di man we de wok wit kle; wi ɔl na yu wok we yu du wit yu an.