Ɛksodɔs 32:1 - Krio Fɔs Oli Baybul

¹ We di pipul dɛn si se Mozis dɔn te ɔp di mawnten ɛn nɔ kam dɔŋ, dɛn go mit Erɔn ɛn tɛl am se, as fɔ Mozis we pul dɛn kɔmɔt na Ijipt, dɛn nɔ no wetin dɔn apin to am; so, lɛ in di Erɔn mek gɔd fɔ dɛn we go de lid dɛn.

Ɛksodɔs 32:1 Referans Kwoze

Apɔsul Dɛn Wok 7:40

dɛn tɛl Erɔn se, ‘Duya, mek sɔm gɔd dɛn fɔ wi we go de bifo wi wɛn wi de go; as fɔ Mozis we briŋ wi kɔmɔt Ijipt wi nɔ no wetin dɔn apin to am.’

Ditarɔnɔmi 9:9

Mozis se we in bin go ɔp di mawnten fɔ go tek di tablɛt dɛn we PAPA GƆD bin dɔn rayt ɔl wetin dɛn fɔ de du, ɛn nɔ fɔ de du fɔseka di Kɔvinant we dɛn bin mek wit am, in bin de de fɔ fɔti de ɛn i nɔ it natin; wata sɛf a i nɔ drink.

Pita In Sɛkɛn Lɛta 3:4

Dɛn go de se, “We di pɔsin we dɛn bin se go kam? Frɔm we wi grampapa papa dɛn day te tide natin nɔ chenj na di wɔl; natin nɔ chenj frɔm di tɛm we Gɔd mek di wɔl!”

Ɛksodɔs 24:18

Di Klawd kɔba Mozis tek am go rayt ɔp di mawnten. I tek fɔti de ɛn fɔti nɛt ɔp na di mawnten.

Matyu 24:48

Bɔt if di bɔy na bad pɔsin, i go se, ‘Mi masta nɔ de kam kwik’,

Apɔsul Dɛn Wok 17:29

We wi na Gɔd in pikin dɛn, lɛ wi mɛmba se mɔtalman nɔ go ebul tek gold, silva, ɔ ston mek Gɔd.

Apɔsul Dɛn Wok 19:26

Una dɔn si ɛn una dɔn yɛri fɔ unasɛf wetin bra Pɔl de du. I se dɛn gɔd we mɔtalman de mek, nɔto tru gɔd ɛn plɛnti pipul we de na Ɛfisɔs ɛn di pipul dɛn ɔlsay na Eshya dɔn biliv wetin i tɛl dɛn.

Mayka 6:4

A pul una kɔmɔt pan di slev layf we una bin de pan na Ijipt ɛn sɛn Mozis, Erɔn ɛn Miriam fɔ lid una.

Ozie 12:13

Na wan prɔfɛt PAPA GƆD yuz fɔ pul Izrɛl kɔmɔt Ijipt ɛn na prɔfɛt bak i yuz fɔ mek shɔ se dɛn de du wetin PAPA GƆD want.

Ɛksodɔs 32:11

Bɔt Mozis beg PAPA GƆD se lɛ i kol in at, lɛ i nɔ vɛks, bikɔs nain dɔn yuz in traŋa an fɔ sev dɛn ɛn pul dɛn kɔmɔt na Ijipt.

Ɛksodɔs 32:7

PAPA GƆD tɔk to Mozis. I se, “Mekes go dɔŋ di mawnten lɛ yu go si aw yu pipul dɛn we yu pul kɔmɔt Ijipt kam dɔn biev; dɛn dɔn du bad, bad tin ɛn tɔn dɛn bak pan mi.

Ɛksodɔs 14:11

Dɛn kɔmplen bita wan to Mozis ɛn aks if bɛriŋrɔn nɔ de na Ijipt.

Ɛksodɔs 13:21

Santɛm, PAPA GƆD kin de bifo dɛn lɛkɛ brayt klawd de gayd dɛn na rod, ɛn wɛn nɛt kam, i kin de bifo dɛn lɛkɛ faya fɔ de sho dɛn layt.

Ɛksodɔs 16:3

i bin fɔ bɛtɛ fɔ dɛn if PAPA GƆD bin dɔn mek dɛn day na Ijipt bikɔs dɛn bin fɔ de it bɛlful, dan fɔ kam mek dɛn day wit aŋri na di di ɛmti ples we pɔsin nɔ go ebul tap na.

Jɛnɛsis 44:15

Josɛf aks dɛn wetin mek dɛn tif in kɔp. I se if dɛn nɔ no se bigman lɛkɛ am kin luk grɔn fɔ no udat tek am.

Jɔshwa 7:13

PAPA GƆD tɛl Jɔshwa se mek i go tɛl di pipul dɛn se mek di pipul dɛn mek dɛnsɛf klin bifo in PAPA GƆD, bikɔs in PAPA GƆD we na dɛn PAPA GƆD se, di tin dɛn we i bin dɔn se fɔ nyakanyaka de na dɛn kamp, ɛn pas dɛn pul dɛn ɛn nyakanyaka dɛn, dɛn go de lɔs fɛt ɔltɛm.

Ɛksodɔs 33:3

Una de go na land we fayn fɔ plant ɛn fɔ mɛn animal dɛn.. Bɔt a nɔ de go wit una, bikɔs if a go, a go kil una na rod bikɔs una traŋayes bad.

Jɛnɛsis 44:4

We dɛn dɔn go fa lilibit frɔm di big siti, Josɛf tɛl in wokman se, lɛ i mekes kwik ɛn go biɛn di man dɛn. I se we i mit dɛn, i fɔ aks dɛn wetin mek dɛn du bad fɔ gud

Jɛnɛsis 39:8

Josɛf nɔ gri ɛn tɛl am se, in masta nɔ de wɔri insɛf fɔ ɛnitin na di os, bikɔs in de. I se i dɔn put am inchaj ɔf ɔl wetin i gɛt.

Jɛnɛsis 19:14

So Lɔt go to di man dɛn we gɛt fɔ mared in gyal pikin dɛn ɛn tɛl dɛn fɔ mekes kɔmɔt na di siti, as PAPA GƆD want fɔ pwɛl dis siti kpatakpata. Bɔt dɛn fil se na ple i de ple.

Matyu 24:43

Una fɔ no se if di edman na os bin no ustɛm tifman de kam na nɛt, i nɔ bin fɔ slip, ɛn i nɔ bin fɔ gri mek tifman brok in os ɛn tif in prɔpati.

Jɛnɛsis 21:26

Abimɛlɛk insɛf se, “A nɔ no udat du so. Yusɛf nɔ ɛva se ɛnitin bɔt dat; na di fɔs tɛm dis a de yɛri tin lɛkɛ dat.”

Ɛksodɔs 20:23

Dɛn nɔ fɔ tek silva mek gɔd ɛn se mi ɛn in na di sem. Dɛn nɔ fɔ tek gold sɛf mek gɔd.

Ɛksodɔs 32:23

I se na dɛn tɛl am se lɛ i mek gɔd fɔ dɛn we go de lid dɛn, bikɔs da man Mozis we pul dɛn kɔmɔt na Ijipt, dɛn nɔ no wetin dɔn apin to am.

Di Nɔmba Dɛm 14:22

nɔn pan di man dɛn we si ɔl di wɔnda we a ple na Ijipt ɛn na di ɛmti land we pɔsin nɔ go ebul tap bɔt we stil nɔ obe mi, bɔt de tɛst mi pawa bɔku bɔku tɛm,

Izikɛl 20:8

Bɔt dɛn bin tɔn dɛn bak pan mi ɛn nɔ gri lisin to mi; dɛn ɔl nɔ bin gri trowe di tin dɛn we a et bad bad wan we dɛn at bin de pan, ɛn dɛn nɔ bin gri kɔmɔt biɛn Ijipt dɛn laylay gɔd dɛn. Dɛn a bin tink se a fɔ put mi vɛksteshɔn pan dɛn ɛn put mi krɔs pan dɛn na Ijipt.

Ɛksodɔs 24:12

PAPA GƆD tɔk to Mozis. I se, “Kam ɔp di mawnten kam wet; a go gi yu ston tablɛt dɛn we na pan dɛn a dɔn rayt ɔl di lɔ ɛn kɔmandmɛnt dɛn we fɔ tich di Izrɛlayt dɛn.”

Ɛksodɔs 32:22

Erɔn beg Mozis lɛ i nɔ vɛks pan am. I se Mozis insɛf no se di pipul dɛn lɛk fɔ du bad.

Ditarɔnɔmi 9:1

Mozis tɛl di Izrɛlayt dɛn se, da de de, dɛn go krɔs Riva Jɔdan go oba say fɔ go kapchɔ di land; di pipul dɛn we de de plɛnti ɛn ebul fɛt pas Izrɛl. Dɛm siti dɛn big big ɛn dɛn wɔl dɛn ay ay te dɛn wan rich na di skay.

Ditarɔnɔmi 31:8

I tɛl am se PAPA GƆD go de bifo dɛn ɛn i go de wit dɛn ɔltɛm; i nɔ go kɔmɔt biɛn dɛn, so i nɔ sɔpoz fɔ fred natin ɔ pwɛl at.

Di Sam Dɛm 106:19

We dɛn bin de na Mawnt Ɔrɛb, dɛn mek wan pikin kaw wit ayɛn ɛn bigin wɔship am.