Ɛksodɔs 30:10 - Krio Fɔs Oli Baybul

¹⁰ Erɔn fɔ pafɔm sɛrimɔni fɔ mek di ɔlta klin wan tɛm fɔ ia; i fɔ put di blɔd we kɔmɔt pan di animal we dɛn sakrifays fɔ sin pan di ɔn dɛn na di ɔlta. Dis ɔlta oli ɛn ɛni jɛnareshɔn we kam fɔ de pafɔm dis sɛrimɔni.

Ɛksodɔs 30:10 Referans Kwoze

Lɛvitikɔs 16:18

Afta dat, i go go to di ɔlta we na de dɛn de mek sakrifays bifo PAPA GƆD ɛn mek am fit fɔ sakrifays bifo PAPA GƆD. I go tek sɔm pan di man kaw ɛn di got dɛn blɔd ɛn put dɛn pantap di ɔn dɛn rawnd di ɔlta.

Di Ibru Pipul Dɛn 9:25

Di Ju edman we kin mek sakrifays fɔ pipul sin, kin go insay di sɛkɛn ples na di Bafa wan tɛm ɛvri ia; i kin kɛr bif blɔd go insay de, nɔto in yon blɔd. Bɔt na wan tɛm nɔmɔ Krays go na di ples we Gɔd de ɛn sakrifays insɛf to Gɔd. I nɔ du dat pas wan tɛm.

Lɛvitikɔs 23:27

di tɛn de na di sɛvin mɔnt na de we na fɔ fɔgiv sin, so i fɔ bi tɛm we dɛn fɔ gɛda fɔ wɔship PAPA GƆD ɛn na di de we dɛn fɔ fast ɛn mek ɔfrin to PAPA GƆD na faya.

Di Ibru Pipul Dɛn 9:7

Bɔt na di edman we bin de mek sakrifays fɔ pipul sin, in wangren kin go insay di sɛkɛn ples we de insay insay, wan tɛm fɔ ia. Na di tɛm dat we i kin tek bif blɔd mek sakrifays to Gɔd fɔseka in yon sin, dɛn i kin mek sakrifays fɔ ɔl di ɔda pipul dɛn sin we dɛn nɔ bin no se na sin.

Di Ibru Pipul Dɛn 1:3

I de sho pipul Gɔd in wɔndaful pawa. Wɛn una si di Pikin, una dɔn si Gɔd, ɛn na di Pikin in wɔd we gɛt pawa de mek ɔltin na di wɔl de aw dɛn fɔ de. Afta di Pikin dɔn pul mɔtalman sin kɔmɔt pan dɛn, so dat dɛn go klin na Gɔd yay, i go na ɛvin ɛn sidɔm na Gɔd we de rul ɔltin, in raytan.

Rɛvɛleshɔn 9:13

Dɛn di enjɛl we mek siks blo in trɔmpɛt. Na de a yɛri vɔys de kɔmɔt na di fo kɔna dɛn na di gold tebul we de bifo Gɔd, da tebul we dɛn de mek sakrifays to Gɔd.

Ɛksodɔs 30:9

Yu nɔ fɔ ɛva bɔn insɛns we a nɔ gi yu pamishɔn fɔ bɔn de, yu nɔ fɔ ɛva mek animal sakrifays ɔ it sakrifays, ɔ wayn sakrifays de.

Ɛksodɔs 30:11

PAPA GƆD tɔk to Mozis. I se,

Lɛvitikɔs 16:2

I se Mozis fɔ tɛl in brɔda we na Erɔn se nɔto ɔltɛm i fɔ jɛs de go biɛn di do klos we ɛŋ insay di ples we oli pas ɔl, we na de di Ak ɔf di Kɔvinant in kɔba de, ɔ nɔ so i go day bikɔs in kin apia insay klawd ɛn sidɔm de.

Lɛvitikɔs 16:16

na so i go mek di ples we oli pas ɔl klin na PAPA GƆD yay ɛn mek am fit fɔ de beg PAPA GƆD padin de fɔ we di Izrɛlayt dɛn nɔ du wetin rayt we na wetin PAPA GƆD want ɛn na so i go du wit di wanol tɛnt usay dɛn kin mit PAPA GƆD we na rawnd am di Izrɛlayt dɛn de sin.

1 Kiŋ 1:50

Adonayja insɛf bigin fred Sɔlɔmɔn, so i grap go na di ɔlta ɛn go grip di ɔn dɛn we de, de.

1 Kronikuls 6:49

Earɔn ɛn in bɔypikin dɛm bin de mek bɔn sakrifays ɛn na di ɔlta we dɛn bin de bɔn insɛns fɔ ɔl di wok na di ples we oli pas ɔl, ɛn fɔ beg PAPA GƆD fɔ dɛn sin jɛs lɛk ɔl wetin Mozis we na bin PAPA GƆD in wokman, bin tɛl dɛn fɔ du.

Lɛvitikɔs 4:7

Dɔn di man we de mek sakrifays fɔ pipul sin go put sɔm pan di blɔd pan di ɔn dɛn na di insɛns ɔlta bifo PAPA GƆD we de na di tɛnt usay dɛn kin mit PAPA GƆD, ɛn di wan we lɛf pan di man kaw in blɔd, i go put am bɔtɔm na di ɔlta we dɛn kin bɔn di sakrifays we de na di domɔt na di tɛnt usay dɛn kin mit PAPA GƆD.

Lɛvitikɔs 4:18

Dɔn i go put sɔm pan di blɔd pan di ɔn dɛn na di ɔlta we de na di tɛnt usay dɛn kin mit PAPA GƆD usay PAPA GƆD de; ɛn di wan we lɛf pan di blɔd, i go put am bɔtɔm na di ɔlta we dɛn kin bɔn di sakrifays we de na di domɔt na di tɛnt usay dɛn kin mit PAPA GƆD.