Ɛksodɔs 3:9 - Krio Fɔs Oli Baybul

⁹ A dɔn yɛri we di Izrɛlayt dɛn de kray ɛn a dɔn si aw di Ijipshian dɛn de du dɛn bad.

Ɛksodɔs 3:9 Referans Kwoze

Ɛksodɔs 2:23

I tek sɔm tɛm dɔn di kiŋ na Ijipt day. Di Izrɛlayt dɛn bin dɔn taya fɔ de du slev wok. So dɛn beg PAPA GƆD fɔ pul dɛn pan di sɔfa we dɛn bin de sɔfa.

Ɛksodɔs 3:7

Na de PAPA GƆD tɛl am se, “A dɔn si aw mi pipul dɛn de sɔfa na Ijipt. A dɔn yɛri we dɛn de kray fɔ kɔmɔt ɔnda dɛn slev masta dɛn ɛn a bisin bɔt wetin de apin to dɛn. A no ɔl bɔt aw dɛn de sɔfa.

Ɛksodɔs 1:11

So di Ijipshian dɛn put masta dɛn oba di Izrɛlayt dɛn fɔ trit dɛn bad ɛn fos dɛn fɔ wok lɛk slev. Dɛn mek di Izrɛlayt dɛn bil Pitɔm ɛn Ramisis we na tu siti fɔ kip it ɛn ɔda tin dɛn fɔ di kiŋ.

Ɛksodɔs 1:22

So mek di kiŋ gi ɔda to ɔl in pipul dɛn fɔ mek dɛn trowe ɛni bɔypikin we dɛn Ibru uman go bɔn na Riva Nayl, bɔt dɛn fɔ lɛf di gyal pikin dɛn fɔ liv.

Ɛkliziastis 5:8

Nɔ sɔprayz we yu go ɛnisay ɛn si se dɛn de buli poman ɛn nɔ gi am in rayt; bikɔs di bigman dɛnsɛf gɛt dɛn yon bigman dɛn, ɛn dɛnwandɛnde sɛf gɛt dɛn yon bigman dɛn we pas dɛn.

Ɛkliziastis 4:1

A bin si ɔl di bad bad tin dɛn we pipul dɛn de du to dɛn kɔmpin dɛn na wɔl. A si dɛn we dɛn de kray ɛn nɔ gɛt pɔsin fɔ tɛl dɛn ɔsh. Nɔbɔdi nɔ gɛt maynd fɔ ɛp dɛn bikɔs di wan dɛn we de du dɛn bad gɛt pawa.

Di Sam Dɛm 12:5

PAPA GƆD se i dɔn yɛri ɔl di kɔmplen we dɛn wan we want mek i ɛp dɛn de mek ɛn bikɔs di bad wan dɛn de du dɛn bad in go grap ɛn fɛt dɛn kes.

Emɔs 4:1

Una lisin o, una dɛn na dɛn mawnten dɛn na Sameria we fat lɛk dɛn kaw na Beshan, we de fɔ mek dɛn de siz advantej pan poman, bikɔs una de mɔna una man dɛn se dɛn fɔ de kɛr wayn go fɔ una fɔ de drink!

Jɛnɛsis 16:11

Naw yu dɔn gɛt bɛlɛ ɛn na bɔypikin yu go bɔn. PAPA GƆD dɔn si yu waala, so yu fɔ gi di pikin nem Ishmɛl,

Ditarɔnɔmi 26:7

So dɛn bin pre to PAPA GƆD we na dɛn fɔstɛmpapa dɛn PAPA GƆD, ɛn i bin si ɔl wetin dɛn bin de pas.

1 Samiɛl 9:16

in go sɛn wan man we kɔmɔt na Bɛnjamin fambul go to am, di sem tɛm we i de tɔk to am so. PAPA GƆD se, fɔ anɔynt am fɔ bi di pɔsin we in pik fɔ lid Izrɛl ɛn nain go pul dɛn na di Filistin dɛn an. I se in dɔn sɔri fɔ in pipul dɛn naw.

2 Kiŋ 13:4

Jɛoaaz pre to PAPA GƆD ɛn i ansa am. PAPA GƆD si se di kiŋ na Siria bin de mɔna Izrɛl tumɔs,

Jɛnɛsis 31:12

Nain di enjɛl tɛl am se, mek in es in ed ɔp, opin in yay ɛn luk; ɔl di rangot dɛn dɔn gi di got ɛn ship dɛn we gɛt layn, ɛn spɔt bɛlɛ bikɔs in bin dɔn si ɔl wetin Leban dɔn de du in.

Ɛksodɔs 1:8

Afta sɔntɛm, wan kiŋ we nɔ no natin bɔt Josɛf ɛn wetin i bin dɔn du bigin fɔ rul na Ijipt.

Ɛksodɔs 2:25

PAPA GƆD bin si aw di Izrɛlayt dɛn de sɔfa i sɔri fɔ dɛn, ɛn i bin rɛdi fɔ ɛp dɛn.

2 Kiŋ 20:5

“Go bak go tɛl Ɛzikaya we de lid mi pipul dɛn se, mi PAPA GƆD we nain Papa Devid in PAPA GƆD se, a dɔn yɛri in prea ɛn si di kray we i kray, so a go mek i wɛl. Tri de frɔm tide, lɛ i grap go ɔp na mi os.

Nɛimaya 9:9

“Yu bin si di sɔfa we wi pipul dɛn bifo wi, sɔfa na Ijipt; yu yɛri we dɛn de ala midul di Rɛd Si.

Di Sam Dɛm 9:14

Mek a nɔ day so dat a go tɔk bɔt yu gudnɛs to ɔl udat de na Jerusɛlɛm. Dɔn a go gladi bikɔs yu sev mi.