Ɛksodɔs 3:8 - Krio Fɔs Oli Baybul

⁸ So a dɔn disayd fɔ pul dɛn kɔmɔt na di Ijipshian dɛn an ɛn kɛr dɛn go na dɛn yon land we gud ɛn big. Dis na land we fayn fɔ plant ɛn fɔ mɛn animal dɛn. Na dis land dɛn Kenanayt, Itayt, Amɔrayt, Pɛrizayt, Ivayt ɛn Jɛbyusayt dɛn tap.

Ɛksodɔs 3:8 Referans Kwoze

Jɛnɛsis 50:24

I tɛl in brɔda dɛn se, in kin day ɛnitɛm da tɛm de, bɔt PAPA GƆD go luk dɛn ɛn pul dɛn kɔmɔt na Ijipt ɛn kɛr dɛn go saful wan usay i bin dɔn prɔmis Ebraam, Ayzak ɛn Jekɔb.

Ɛksodɔs 3:17

ɛn a prɔmis fɔ pul dɛn kɔmɔt na Ijipt usay dɛn de sɔfa ɛn kɛr dɛn go na di land usay dɛn Kenanayt, dɛn Itayt, dɛn Amɔrayt, dɛn Pɛrizayt, dɛn Ivayt ɛn dɛn Jɛbyusayt dɛn de. Da land de na land we fayn fɔ plant, ɛn fɔ mɛn animal dɛn.

Ditarɔnɔmi 1:25

We dɛn bin kam bak, dɛn bin kam wit sɔm pan di frut dɛn we bin de gro na di land ɛn bin tɛl dɛn se di land we PAPA GƆD we na dɛn PAPA GƆD de gi dɛn, na land we gud fɔ plant.

Ɛksodɔs 13:5

I se dɛn fɔ sɛlibret da de de as ɔlide insay da mɔnt de wɛn PAPA GƆD go kɛr dɛn go na di ples usay dɛn Kenanayt, dɛn Itayt, dɛn Amɔrayt, dɛn Ivayt ɛn dɛn Jɛbyusayt dɛn de. I se na da land de PAPA GƆD bin swɛ se in go gi dɛn papa dɛn, ɛn da land we fayn fɔ plant ɛn fɔ mɛn animal dɛn.

Jɛrimaya 11:5

so dat a go du wetin a bin dɔn swɛ to una fɔstɛmpapa dɛn se a go du fɔ dɛm, dat na fɔ gi dɛn wan land we gud fɔ plant ɛn fɔ mɛn animal we dɛn gɛt so.” Nain a ansa se, “PAPA GƆD, lɛ i bi so.”

Di Nɔmba Dɛm 13:27

Na dis dɛn tɛl Mozis: Dɛn se, “Wi go na di land we yu sɛn wi ɛn na tru se na land we gud ɛn i de bia bɔku tin. Infakt luk sɔm di frut we wi kam wit.

Jɔn 6:38

bikɔs a nɔ kɔmɔt na ɛvin kam fɔ du wetin a want, a kam fɔ du wetin di wan we sɛn mi want mi fɔ du.

Izikɛl 20:6

Da de de, a bin swɛ to dɛn se a go pul dɛn kɔmɔt Ijipt, kam na wan land we a dɔn fɛn fɔ dɛm, land we gud fɔ plant ɛn fɔ mɛn animal, we na di land we fayn pas ɔl.

Di Sam Dɛm 91:15

I go kɔl am fɔ sev am ɛn i go ansa; I se, i go pul am pan trɔbul, i go blɛs am ɛn mek in ed big.

Di Sam Dɛm 34:8

Kam si fɔ yusɛf se PAPA GƆD na gud PAPA GƆD; I fayn fɔ di man, we de aks am fɔ kɔba am.

Ɛksodɔs 12:51

ɛn na di vɛri de we PAPA GƆD pul dɛn kɔmɔt na Ijipt bay fambul dɛn du am.

Jɛrimaya 32:22

ɛn yu gi dɛm dis land, we yu bin swɛ to dɛm fɔstɛmpapa fɔ gi dɛm; land we gud fɔ plant ɛn fɔ mɛn animal;

Di Sam Dɛm 12:5

PAPA GƆD se i dɔn yɛri ɔl di kɔmplen we dɛn wan we want mek i ɛp dɛn de mek ɛn bikɔs di bad wan dɛn de du dɛn bad in go grap ɛn fɛt dɛn kes.

Ditarɔnɔmi 27:3

dɔn dɛn fɔ rayt ɔl di lɔ dɛn pan dɛn.

Ditarɔnɔmi 7:1

Mozis bin tɛl di Izrɛlayt dɛn se we PAPA GƆD we na dɛn PAPA GƆD go dɔn ɛp dɛn kapchɔ di land ɛn pul di pipul dɛn kɔmɔt we na di Itayt dɛn, di Gigashayt dɛn, di Amɔrayt, di Kenanayt, di Pɛrizayt, di Ivayt dɛn ɛn di Jɛbyusayt dɛn we dɛn plɛnti ɛn ebul fɛt pas dɛn,

Jɛnɛsis 11:5

We di pipul dɛn de bil di tawa, PAPA GƆD kam dɔŋ kam luk wetin dɛn de du.

Jɔn 3:13

Ɛn nɔbɔdi nɔ go na ɛvin wande pas Mɔtalman Pikin we kɔmɔt ɔp na ɛvin, kam dɔŋ na dis wɔl.”

Ayzaya 64:1

Aw a wish se yu go chɛr di skay dɛn ɛn kam dɔŋ, so di mawnten dɛn shek we dɛn si yu-

Ɛksodɔs 34:11

Obe ɔl di lɔ dɛn we a de gi yu tide. As una de advans de go bifo, a go drɛb dɛn Amɔrayt, dɛn Kenanayt, dɛn Itayt, dɛn Pɛrizayt, dɛn Ivayt ɛn dɛn Jɛbyusayt dɛn.

Jɛnɛsis 18:21

so i de go dɔŋ de fɔ go si if wetin yɛri na tru.

Jɛnɛsis 15:14

Bɔt a go pɔnish di kɔntri we go tɔn dɛn to slev, ɛn we dɛn de kɔmɔt na da kɔntri de dɛn go jɛntri.

Nɛimaya 9:8

Yu fɛnɔt se i tret wit yu so yu mek Kɔvinant wit am se yu go gi di land we di Kenanayt, di Itayt, di Amɔrayt, di Pɛrizayt, di Jɛbyusayt ɛn di Gagashayt dɛn de to in jɛnareshɔn. Yu dɔn de kip yu prɔmis bikɔs yu nɔ miks pan bɛnbɛn.

Ditarɔnɔmi 28:11

PAPA GƆD go gi dɛn ɔltin plɛnti plɛnti wan na di land we i bin dɔn swɛ to dɛn fɔstɛm-papa dɛn se, i go gi dɛn: pikin, kaw, ship ɛn got, ɛn di tin dɛn we dɛn de plant.

Jɛnɛsis 11:7

Lɛ wi go dɔŋ go miksɔp dɛn laŋwej so dat dɛn nɔ go ebul fɔ ɔndastand dɛnsɛf.”

Jɛrimaya 2:7

Ɛn a briŋ una kam na land we plɛnti de fɔ it, mek una go ɛnjɔy di frut dɛm ɛn di gud tin dɛm. Bɔt wɛn una bin kam de, una dɔti di land na mi yay, ɛn mek di tin we a gi una tɔn bad bad tin we a et.

Jɔshwa 9:1

Ɔl di kiŋ dɛn we dɛn kɔntri dɛn de na di wɛst pat na Riva Jɔdan yɛri aw Izrɛl bin kɔnka dɛn ɛnimi. Di kiŋ dɛn ɔp di il ɛn di wan dɛn we de dɔŋ say na Palɛstayn, di wan dɛn we de na dɛn siti dɛn we de nia di Mɛditarenian Si ɛn di kiŋ dɛn we de fawe na di nɔth, dat na Libanɔn, sɛf bin yɛri bɔt dat. Di kiŋ dɛn we yɛri bɔt aw Izrɛl kɔnka dɛn ɛnimi dɛn na di Itayt kiŋ, di Amorayt dɛn kiŋ, di Kenanayt dɛn kiŋ, di Pɛrizayt dɛn kiŋ, di Ivayt dɛn kiŋ ɛn di Jɛbyusayt dɛn kiŋ.

Ditarɔnɔmi 1:7

I tɛl dɛn fɔ pak dɛn tiŋs dɛn mek dɛn kɔntinyu dɛn patrol. I se dɛn fɔ go na dɛn Amɔrayt dɛn kɔntri we gɛt plɛnti plɛnti il, ɛn to dɛn neba dɛn kɔntri we de na di vali; to di kɔntri dɛn we de na il, di wan dɛn we de na flat grɔn, di ɔt ɛn dray ples, di wan dɛn we de nia di watasay, di Kenanayt dɛn kɔntri, na di nɔth say, te rich dɛn Libanɔn Mawnten, na di ist say, te rich di big big riva we na Riva Yufretis.

Di Nɔmba Dɛm 13:19

I se dɛn fɔ wach aw di grɔn tan usay dɛn tap, if i fayn ɔ i nɔ fayn, aw dɛn siti dɛn tan, if dɛn mek wɔl rawnd di siti ɔ if i nɔ gɛt wɔl.

Jɛnɛsis 15:13

Nain PAPA GƆD tɛl am se, “No naw fɔ tru tru se, yu jɛnareshɔn dɛn go bi trenja na ɔda kɔntri; dɛn go bi slev de ɛn dɛn go trit dɛn bad fɔ fo ɔndrɛd ia.

Jɛnɛsis 46:4

A go go Ijipt wit yu ɛn a mɔs briŋ yu jɛnareshɔn kam bak na ya. Yu go day na Ijipt ɛn Josɛf go de nia yu we yu de day.”

Ɛksodɔs 5:23

Frɔm di tɛm we a tɛl di kiŋ yu mɛsej nain i bigin fɔ trit dɛn pipul ya bad bad wan, ɛn yu nɔ du natin bɔt dat.”

Ɛksodɔs 12:41

ɛn na di vɛri de we mek dɛn fo ɔndrɛd ɛn tati ia ɔl di Izrɛlayt famili dɛn kɔmɔt na Ijipt.

Ditarɔnɔmi 6:3

Mozis koks di Izrɛlayt dɛn fɔ obe di lɔ dɛn so dat dɛn go gɛt blɛsin jɛs lɛkɛ aw PAPA GƆD we na dɛn fɔstɛm-papa dɛn PAPA GƆD bin dɔn se, ɛn dɛn go bɔn bɔku bɔku pikin dɛn na di land we gud fɔ animal ɛn fɔ plant.

Emɔs 2:10

A pul una kɔmɔt Ijipt ɛn mek una pas na di ɛmti land we pɔsin nɔ go ebul tap fɔ foti ia fɔ mek a go gi una di Amɔrayt dɛn land.

Jɛnɛsis 43:11

Dɛn papa tɛl dɛn se if na so i gɛt fɔ bi, fayn. Bɔt lɛ dɛn tek sɔm fayn tin dɛn we dɛn gɛt go gi di gɔvna fɔ prɛzɛnt: lɛkɛ tin fɔ rɔb, ɔni, spays, pistashio ɛn almɔn.

Lɛvitikɔs 20:24

Bɔt PAPA GƆD in dɔn tɛl dɛn se, dɛn go gɛt di land as dɛn prɔpati, dɛn go kapchɔ am, land we fayn fɔ plant ɛn mɛn animal dɛn. I se nain na PAPA GƆD we na dɛn PAPA GƆD ɛn nain dɔn mek dɛn difrɛn frɔm ɔda pipul.

Di Nɔmba Dɛm 13:18

I se dɛn fɔ wach aw di ples tan, if di pipul dɛn we tap de gɛt trɛnk ɔ if dɛn na daydo ɛn if dɛn plɛnti ɔ nɔ plɛnti.

Jɔshwa 5:6

Bɔt insay di fɔti ia we dɛn tek de waka na di ɛmti ples we pipul nɔ go ebul tap, ɔl di man dɛn we bin dɔn machɔ fɔ ebul fɛt, bin dɔn day. Dɛn nɔ bin rɛspɛkt PAPA GƆD ɛn I bin dɔn swɛ se in nɔ go mek dɛn si di land we gud fɔ plant ɛn fɔ mɛn animal, we i bin dɔn prɔmis dɛn fɔstɛm-papa dɛn.

Jɔshwa 9:7

Bɔt Jɔshwa dɛn se dɛn nɔ go jɔs mek wan wɔd wit dɛn bikɔs dɛn nɔ ivin no if na dɛn ɔl de nia.

1 Kronikuls 1:15

di Ivayt dɛm, di Akayt dɛm, di Sinayt dɛn,

Di Sam Dɛm 12:6

PAPA GƆD nɔ gɛt bɛnbɛn, wetin i dɔn se, klin; i tan lɛk silva we dɛn dɔn pas insay faya fɔ mek i klin sɛvin tɛm.

Ayzaya 36:17

te a go kam kam pul una kɔmɔt de kɛr una na land we tan lɛk una yon, land we gɛt bɔku it, wayn, bred, greps gadin. “Una nɔ lisin to Ɛzikaya bikɔs na ful i de mek una we i de tɛl una se PAPA GƆD go sev una.