Ɛksodɔs 3:7 - Krio Fɔs Oli Baybul

⁷ Na de PAPA GƆD tɛl am se, “A dɔn si aw mi pipul dɛn de sɔfa na Ijipt. A dɔn yɛri we dɛn de kray fɔ kɔmɔt ɔnda dɛn slev masta dɛn ɛn a bisin bɔt wetin de apin to dɛn. A no ɔl bɔt aw dɛn de sɔfa.

Ɛksodɔs 3:7 Referans Kwoze

Di Sam Dɛm 145:19

I nɔ de gi dɛn wan we gɛt fred ɛn rɛspɛkt fɔ am, wetin dɛn fɔ gɛt; i de ansa dɛn prea ɛn sev dɛn.

Di Sam Dɛm 106:44

Bɔt we dɛn pre ɛn kɔmplen i yɛri dɛn ɛn ansa dɛn prea;

Di Sam Dɛm 34:6

Dis poman we nɔ gɛt nɔbɔdi sɛf pre to PAPA GƆD, i yɛri am; i pul ɔl in trɔbul kɔmɔt pan am.

Nɛimaya 9:9

“Yu bin si di sɔfa we wi pipul dɛn bifo wi, sɔfa na Ijipt; yu yɛri we dɛn de ala midul di Rɛd Si.

Ɛksodɔs 22:23

If una ambɔg dɛn dɔn dɛn kray to mi, a go yɛri dɛn kray,

Ayzaya 63:9

Insay ɔl dɛn siknɛs, insɛf bin sik, ɛn di enjɛl we kin de ɔlsay we i de, bin sev dɛm; na wit lɔv ɛn di sɔri we i de sɔri fɔ dɛn mek i ridim dɛm; I es dɛn ɛn tot ɔl dɛn lɔntɛm dez dɛm.

Di Sam Dɛm 34:4

A pre to PAPA GƆD ɛn i yɛri mi; i pul de fred kɔmɔt pan mi.

Ɛksodɔs 1:11

So di Ijipshian dɛn put masta dɛn oba di Izrɛlayt dɛn fɔ trit dɛn bad ɛn fos dɛn fɔ wok lɛk slev. Dɛn mek di Izrɛlayt dɛn bil Pitɔm ɛn Ramisis we na tu siti fɔ kip it ɛn ɔda tin dɛn fɔ di kiŋ.

Jɛnɛsis 29:32

Lia gɛt bɛlɛ ɛn i bɔn wan bɔypikin. I se, “PAPA GƆD dɔn si mi trɔbul, ɛn naw mi man go lɛk mi,” so i gi di pikin nem Rubɛn.

Di Sam Dɛm 22:24

PAPA GƆD na PAPA GƆD we nɔ de sɛt yay pan udat de sɔfa i nɔ de gi in bak to udat want am fɔ ɛp am, ɛn i nɔ de lɔk in yes pan udat de beg am fɔ ɛp am.

1 Samiɛl 9:16

in go sɛn wan man we kɔmɔt na Bɛnjamin fambul go to am, di sem tɛm we i de tɔk to am so. PAPA GƆD se, fɔ anɔynt am fɔ bi di pɔsin we in pik fɔ lid Izrɛl ɛn nain go pul dɛn na di Filistin dɛn an. I se in dɔn sɔri fɔ in pipul dɛn naw.

Di Ibru Pipul Dɛn 4:15

Di edman we de mek sakrifays fɔ pipul sin na di wan we wi gɛt we ɔndastand ɔltin we traŋa fɔ wi, bikɔs insɛf na bin wan pan wi, ɛn ɔl wetin de mit wi fɔ tray wi bin dɔn mit am. Bɔt i nɔ sin wande.

Di Sam Dɛm 142:3

Wɛn a giv ɔp, na yu nɔmɔ no wetin a fɔ du. Dɛn dɔn sɛt trap fɔ mi na di rod we a de pas.

Jɛnɛsis 18:21

so i de go dɔŋ de fɔ go si if wetin yɛri na tru.

Apɔsul Dɛn Wok 7:34

A dɔn si di waala we mi pipul dɛn de pan na Ijipt. A dɔn yɛri we dɛn de pini bikɔs dɛn de sɔfa ɛn a dɔn kam dɔŋ naw fɔ kam pul dɛn pan dɛn waala. So kam, mek a sɛn yu go Ijipt.’

Jɛnɛsis 16:11

Naw yu dɔn gɛt bɛlɛ ɛn na bɔypikin yu go bɔn. PAPA GƆD dɔn si yu waala, so yu fɔ gi di pikin nem Ishmɛl,

Jɛnɛsis 21:17

PAPA GƆD yɛri di bɔbɔ de kray, nain PAPA GƆD in enjɛl aks Ega se, “Ega, wetindu yu de kray so, nɔ fred. PAPA GƆD dɔn yɛri we di bɔbɔ de kray usay i de.

Jɛnɛsis 31:12

Nain di enjɛl tɛl am se, mek in es in ed ɔp, opin in yay ɛn luk; ɔl di rangot dɛn dɔn gi di got ɛn ship dɛn we gɛt layn, ɛn spɔt bɛlɛ bikɔs in bin dɔn si ɔl wetin Leban dɔn de du in.

Jɛnɛsis 31:42

If nɔto fɔ PAPA GƆD, di PAPA GƆD we na mi papa in PAPA GƆD, ɛn Ebraam insɛf yon PAPA GƆD, we Ayzak de fred, a no se yu bin fɔ dɔn drɛb mi ɛn nɔ gi mi natin. PAPA GƆD insɛf si se a dɔn sɔfa ɛn a dɔn wok fɔ yu, nain mek i apia to yu yɛstade nɛt ɛn wɔn yu fɔ kɔmɔt biɛn mi.”

Ɛksodɔs 5:6

Da sem de de di kiŋ gi ɔda to di Izrɛlayt edman dɛn fɔ di wok

Ɛksodɔs 5:10

Di slev masta dɛn ɛn di Izrɛlayt dɛn we dɛn pik fɔ bi edman fɔ di wok go tɛl di Izrɛlayt dɛn se di kiŋ se. Dɛn se di kiŋ se nɔ fɔ gi dɛn strɔ igen

Ɛksodɔs 33:13

Duya, if fɔ tru, tru se yu lɛk mi, tɛl mi wetin yu mekɔp fɔ lɛ a go de sav yu ɛn pliz yu. Nɔ fɔgɛt se na dɛn pipul ya yu dɔn pik fɔ bi yu yon.”

Di Nɔmba Dɛm 20:16

bɔt we dɛn kray to PAPA GƆD, i yɛri dɛn ɛn sɛn wan enjɛl we pul dɛn kɔmɔt na Ijipt. I se dɛn fɔ tɛl am se da tɛm de we dɛn de na Kedɛsh so dɛn de nain kɔntri in bɔda,

2 Samiɛl 22:28

Yu rɛdi fɔ ɛp udat nɔ prawd bɔt de brok udat de mek gbiŋbin in fɛda dɔŋ.

2 Kiŋ 13:4

Jɛoaaz pre to PAPA GƆD ɛn i ansa am. PAPA GƆD si se di kiŋ na Siria bin de mɔna Izrɛl tumɔs,

Di Sam Dɛm 35:22

PAPA GƆD, yu dɔn si dis; nɔ kip kwayɛt duya nɔ kɔmɔt nia mi

Ɛksodɔs 1:8

Afta sɔntɛm, wan kiŋ we nɔ no natin bɔt Josɛf ɛn wetin i bin dɔn du bigin fɔ rul na Ijipt.

2 Kiŋ 20:5

“Go bak go tɛl Ɛzikaya we de lid mi pipul dɛn se, mi PAPA GƆD we nain Papa Devid in PAPA GƆD se, a dɔn yɛri in prea ɛn si di kray we i kray, so a go mek i wɛl. Tri de frɔm tide, lɛ i grap go ɔp na mi os.

Di Sam Dɛm 9:14

Mek a nɔ day so dat a go tɔk bɔt yu gudnɛs to ɔl udat de na Jerusɛlɛm. Dɔn a go gladi bikɔs yu sev mi.

Di Sam Dɛm 12:6

PAPA GƆD nɔ gɛt bɛnbɛn, wetin i dɔn se, klin; i tan lɛk silva we dɛn dɔn pas insay faya fɔ mek i klin sɛvin tɛm.