Ɛksodɔs 3:5 - Krio Fɔs Oli Baybul

⁵ PAPA GƆD tɛl Mozis se, “Jɛs tap usay yu de, ɛn pul yu sandals kɔmɔt na yu fut bikɔs di ples we yu tinap so oli.”

Ɛksodɔs 3:5 Referans Kwoze

Jɔshwa 5:15

Nain di kɔmanda fɔ PAPA GƆD in ami tɛl am se mek i pul in sandal bikɔs usay i tinap na oli grɔn. Nain Jɔshwa pul in sandal.

Apɔsul Dɛn Wok 7:33

Gɔd, di Masta tɛl am se, ‘Pul yu sus kɔmɔt na yu fut, bikɔs da ples de we yu tinap na ples we dɛn dɔn put wansay fɔ mi.

Ɛksodɔs 19:12

Mek bawndri we nɔbɔdi nɔ go krɔs, ɛn wɔn dɛn se dɛn nɔn nɔ fɔ krɔs da bawndri de ɔ go ɔp di mawnten, ɔ nɔ so dɛn go kil di pɔsin.

Ɛkliziastis 5:1

Tek tɛm we yu de go na PAPA GƆD in os; fɔ de lisin PAPA GƆD in wɔd bɛtɛ pas we fulman mek sakrifays, bikɔs dɛn nɔ no se dɛn de du bad.

Di Ibru Pipul Dɛn 12:20

bikɔs wetin di vɔys tɛl dɛn fɔ du pas di pawa we dɛn bin gɛt. Di vɔys se, “If ɛnitin tɔch da ay il de, ilɛk na bif sɛf, mek pipul ston am sote i day.”

Ɛksodɔs 19:21

Na de PAPA GƆD tɔk to Mozis. I se, “Go dɔŋ go wɔn dɛn pipul de se dɛn nɔn nɔ fɔ krɔs di bawndri ɛn fos fɔ kam luk mi PAPA GƆD mek dɛn nɔ go day.

Lɛvitikɔs 10:3

Mozis mɛmba Erɔn se na dat PAPA GƆD min we i se, i go sho in pipul dɛn we de nia am se in oli, ɛn na bifo dɛn dɛn go rɛspɛkt am. Erɔn nɔ se natin.

Pita In Sɛkɛn Lɛta 1:18

Wisɛf bin yɛri di vɔys we kɔmɔt ɛvin, bikɔs wi ɔl bin de wit wi Masta, Jizɔs Krays pantap di ay il we Gɔd bin tɔk to wi.

Ditarɔnɔmi 23:14

I tɛl dɛn se di kamp nɔ fɔ gɛt natin we go mek i nɔ klin na PAPA GƆD in yay, bikɔs PAPA GƆD we na dɛn PAPA GƆD go de wit dɛn ɔltɛm, fɔ de sev dɛn ɛn fɔ mek dɛn ebul fɔ de bit dɛn ɛnimi dɛn. So dɛn nɔ fɔ mek i si ɛnitin we go mek i vɛks kɔmɔt biɛn dɛn.

Jɛrimaya 30:21

Dɛn bigman go bi wan pan dɛm, dɛn rula go kɔmɔt pan dɛm; A go mek i kam nia mi, ɛn i go kam mit mi, bikɔs udat kres fɔ kam mit mi we a nɔ kɔl am? Na so PAPA GƆD se.

Ɛksodɔs 4:28

Mozis tɛl Erɔn ɔl wetin PAPA GƆD tɛl am fɔ du ɛn ɔl di wɔnda we i dɔn tɛl am fɔ ple.