Ɛksodɔs 3:2 - Krio Fɔs Oli Baybul

² Na da ples de, PAPA GƆD in enjɛl apia to am na wan big faya we bin de kech pan wan smɔl tik, bɔt di tik nɔ bin de bɔn. Mozis sɔprayz fɔ si tin lɛk dat.

Ɛksodɔs 3:2 Referans Kwoze

Ayzaya 43:2

We yu de pas na wata, a go de wit yu; ɛn we yu de pas na dɛn riva, yu nɔ go drawn; we yu waka insay faya, yu nɔ go bɔn ɛn di flem nɔ go kil yu.

Mak 12:26

We una de aks if dɛn pipul we dɔn day go rayz frɔm dɛn grev, una nɔ rid yet wetin Gɔd bin mek Mozis rayt nain Buk, da say we tɔk bɔt di smɔl tik we bin de bɔn we Gɔd bin tɛl Mozis se, ‘Mi na Gɔd fɔ Ebraam, Ayzak, ɛn Jekɔb?’

Ditarɔnɔmi 33:16

Mek dɛn gɛt ɔl di gud tin dɛn we di land gɛt, we na bin di blɛsin we di Gɔd we bin tɔk na bush we de bɔn, gi dɛn. I se mek dɛn blɛsin de pan Josɛf in jɛnareshɔn dɛn bikɔs nain na bin di lida fɔ in brɔda dɛn.

Lyuk 20:37

Mozis insɛf sho se dɛn dayman de rayz frɔm dɛn grev go ɛvin bikɔs na da say we rayt na Gɔd in Buk bɔt da tɛm we i bin tinap bifo da smɔl tik we de bɔn, i bin se di Masta we na Gɔd, na Gɔd fɔ Ebraam, fɔ Ayzak, ɛn fɔ Jekɔb.

Di Sam Dɛm 66:12

Yu put man dɛn oba wi ed we mek wi trɔbul fish na banda sɛf tɛl lay bɔt yu dɔn briŋ wi kam usay ɔltin de wɔp.

Malakay 3:1

PAPA GƆD Ɔlmayti se in de sɛn wan mɛsenja we go mek shɔ se ɔltin ɔrayt fɔ am dɔn dɛn go si PAPA GƆD lɛk aw dɛn de luk fɔ am as i go kam nain os; nain na di mɛsenja we dɛn wan fɔ si bikɔs we in kam i go mek shɔ se dɛn kip in Kɔvinant.

Ayzaya 63:9

Insay ɔl dɛn siknɛs, insɛf bin sik, ɛn di enjɛl we kin de ɔlsay we i de, bin sev dɛm; na wit lɔv ɛn di sɔri we i de sɔri fɔ dɛn mek i ridim dɛm; I es dɛn ɛn tot ɔl dɛn lɔntɛm dez dɛm.

Ɛksodɔs 3:16

“Go gɛda ɔl di lida dɛn na Izrɛl ɛn tɛl dɛn se, ‘mi PAPA GƆD we na di PAPA GƆD we dɛn fɔstɛm-papa dɛn dat na Ebraam, Ayzak ɛn Jekɔb, bin de wɔship apia to yu ɛn tɛl yu se, a dɔn de wach dɛn, ɛn a dɔn si ɔl wetin de apin to dɛn na Ijipt

Daniɛl 3:27

Ɛn ɔl di rɛsidɛnt minista dɛn, kapten, ɛn ɔl di kiŋ in kanselɔ gɛda ɛn dɛn si se di faya nɔ bin gɛt ɛni pawa pan di man dɛn bɔdi; di ia na dɛn ed nɔ bɔn af sɛf, ɛn natin nɔ bin du dɛn klos ɛn nɔn faya sɛnt sɛf nɔ bin de pan dɛn.

Jɛnɛsis 48:16

mek di enjɛl we dɔn pul mi pan ɔl mi trɔbul, blɛs dɛn pikin ya so! Mek pipul dɛn mɛmba mi nem, mi papa Ayzak ɛn mi grampa Ebraam dɛn nem sote go! Mek dɛn jɛnareshɔn bɔku na dis wɔl!”

Ditarɔnɔmi 4:20

Mozis se PAPA GƆD bin dɔn mek Izrɛl in yon pipul dɛn nain mek i bin pul dɛn kɔmɔt pan di trɔbul we dɛn bin de pan na Ijipt da tɛm de.

Lɛta Fɔ Rom 8:3

Gɔd dɔn du wetin di Lɔ nɔ ebul du bikɔs mɔtalman nɔ ebul ɛp insɛf. Gɔd kɔndɛm di sin we de wok insay mɔtalman in at wɛn i sɛn in yon Pikin lɛkɛ mɔtalman kam na wɔl fɔ pul sin kɔmɔt na mɔtalman in at.

Jɔn 1:14

Di Wɔd kam bi mɔtalman ɛn tap wit wi, i mek wi no ɔltin we tru bɔt Gɔd, ɛn i du wi gud ɔltɛm. Wi si di wɔndaful ɔna ɛn pawa we i gɛt, ɛn na Gɔd gi am da wɔndaful ɔna ɛn pawa de, bikɔs in na di Papa in wangren Pikin.

Zɛkaraya 13:7

PAPA GƆD Ɔlmayti se, di sɔd dɛn fɔ rɛdi fɔ fɛt in lida dɛn we fɔ de wok wit am. I se we dɛn ambɔg di lida dɛn, di pipul dɛn go rɔnawe go ɔlɔbɔt, dɔn na di lili wan dɛn i go ebul dil wit.

Sɛkɛn Lɛta Fɔ Tɛsalonayka 1:7

ɛn i go mek una we de sɔfa naw nɔ sɔfa igen, ɛn wisɛf nɔ go sɔfa igen. Gɔd go du dat di tɛm we Masta Jizɔs go kɔmɔt na ɛvin kam ɛn in enjɛl dɛn we gɛt pawa go fala am kam,

Jɛnɛsis 21:17

PAPA GƆD yɛri di bɔbɔ de kray, nain PAPA GƆD in enjɛl aks Ega se, “Ega, wetindu yu de kray so, nɔ fred. PAPA GƆD dɔn yɛri we di bɔbɔ de kray usay i de.

Jɛnɛsis 22:11

nain PAPA GƆD in enjɛl na ɛvin ala, “Ebraam, Ebraam!” Ebraam ansa se, “Yɛs, luk mi.”

Ɛksodɔs 19:18

Di wanol Mawnt Saynay bin kɔba wit smok bikɔs PAPA GƆD bin kam dɔŋ lɛkɛ faya. Di smok bin de go ɔp lɛkɛ we big faya de kech ɛn dat mek di wanol mawnten shek.

Ɛksodɔs 23:20

“A de sɛn wan enjɛl go bifo una fɔ de gyad una na rod te una rich na di ples we a dɔn rɛdi fɔ una.

Ɛksodɔs 24:17

Di we aw PAPA GƆD apia na di mawnten bin tan lɛkɛ faya we de bɔn na di Izrɛlayt dɛn yay.

Di Jɔj Dɛm 13:13

Nain PAPA GƆD in enjɛl tɛl am se mek in wɛf jɛs mek shɔ se i du ɔl wetin in bin dɔn tɛl am.