Ɛksodɔs 3:19 - Krio Fɔs Oli Baybul

¹⁹ A no se di kiŋ na Ijipt nɔ go gri fɔ mek una go pas a fos am.

Ɛksodɔs 3:19 Referans Kwoze

Ɛksodɔs 6:1

PAPA GƆD ansa Mozis I se, “Yu go si wetin a go du wit di kiŋ. A go fos am fɔ mek i lɛf di pipul dɛn fɔ go. Wetin a go du, go mek na drɛb i go drɛb dɛn fɔ kɔmɔt na di kɔntri.

Ɛksodɔs 5:2

Bɔt di kiŋ ansa se, udat na da PAPA GƆD de ɛn wetin fɔ mek in lisin to dɛn ɛn mek di Izrɛlayt dɛn go. I se in nɔ no da PAPA GƆD de ɛn a nɔ go mek di Izrɛlayt dɛn go.

Ɛksodɔs 4:21

PAPA GƆD tɛl Mozis se we i go bak na Ijipt i fɔ mek shɔ se i ple ɔl di wɔnda dɛn we i gi am pawa fɔ du bifo di kiŋ. I se in go mek di kiŋ traŋa in at so i nɔ go gri fɔ mek di pipul dɛn go.

Ɛksodɔs 8:28

Di kiŋ tɛl Mozis se, in go alaw dɛn fɔ mek dɛn go sakrifays to dɛn PAPA GƆD na di ples we pɔsin nɔ go ebul tap, bɔt una nɔ fɔ go fawe. I beg dɛn fɔ pre fɔ am.

Ɛksodɔs 9:7

Di kiŋ sɛn in ɔfisa dɛn fɔ go chɛk if na tru se nɔn pan di Izrɛlayt dɛn animal dɛn nɔ day. Bɔt ivin we i gɛt fɔ no se na tru, dat nɔ mek i chenj. I stil traŋayes ɛn nɔ gri fɔ mek di pipul dɛn go.

Ɛksodɔs 9:35

Di kiŋ nɔ gri fɔ mek di Izrɛlayt dɛn go jɛs lɛk aw PAPA GƆD bin dɔn tɛl Mozis.

Ɛksodɔs 10:20

Bɔt PAPA GƆD mek di kiŋ traŋa in at ɛn nɔ gri fɔ mek di pipul dɛn go.

Ɛksodɔs 11:9

PAPA GƆD tɛl Mozis se, “Di kiŋ nɔ go gri fɔ du wetin yu se, ɛn dat go mek a go pafɔm mirekul dɛn na Ijipt.”

Ɛksodɔs 11:10

Mozis ɛn Erɔn pafɔm ɔl dɛn mirekul ya bɔt PAPA GƆD bin mek di kiŋ in at traŋa so dat i stil nɔ gri fɔ mek di Izrɛlayt dɛn kɔmɔt nain kɔntri.

Ɛksodɔs 13:15

Wɛn di kiŋ bin traŋa in at ɛn nɔ gri fɔ lɛf una fɔ go, PAPA GƆD kil ɔl di fɔs-bɔy-pikin ɛn man animal dɛn na Ijipt. So na dat mek unasɛf de gi PAPA GƆD ɔl di fɔs-bɔy-pikin dɛn, bɔt una kin bay dɛn bak na PAPA GƆD in an.