Ɛksodɔs 3:18 - Krio Fɔs Oli Baybul

¹⁸ Di Izrɛlayt lida dɛn go biliv wetin yu se, ɛn una ɔl go go to di kiŋ na Ijipt ɛn tɛl am se, PAPA GƆD we na di PAPA GƆD we di Ibru pipul dɛn de wɔship apia to una ɛn tɛl una se una fɔ travul fɔ tri de go patrol na di ples we pɔsin nɔ go ebul tap fɔ go ɔfa sakrifays to am.

Ɛksodɔs 3:18 Referans Kwoze

Ɛksodɔs 9:1

PAPA GƆD tɛl Mozis se, “Go to di kiŋ ɛn tɛl am se, mi, we na Ibru dɛn PAPA GƆD se, fɔ i lɛf mi pipul dɛn, mek dɛn go wɔship mi.

Ɛksodɔs 7:16

Tɛl di kiŋ se, di PAPA GƆD we di Ibru pipul dɛn de wɔship se mek a tɛl yu se, lɛ i lɛf in pipul dɛn lɛ dɛn go wɔship am na di ples we pɔsin nɔ go ebul tap. Bɔt te naw i nɔ gri fɔ yɛri dɛn.

Ɛksodɔs 10:3

So Mozis ɛn Erɔn go mit di kiŋ ɛn se, “Di Ibru dɛn PAPA GƆD se, ‘aw lɔŋ yu nɔ go gri fɔ put yusɛf dɔŋ ɛn obe am. I se mek yu lɛf in pipul dɛn mek dɛn go wɔship am.

Ɛksodɔs 9:13

PAPA GƆD tɛl Mozis I se, “Grap ali mɔnin go mit di kiŋ ɛn tɛl am se, di PAPA GƆD we di Ibru dɛn de wɔship se lɛ i lɛf mi pipul dɛn mek de go wɔship mi.

Di Sam Dɛm 110:3

Di de we yu go rɛdi fɔ fɛt yu ɛnimi ɔl yu man dɛn go gladi fɔ go frɔnt. Na so dɛn go de blɔf bikɔs dɛn ɔl go frɛsh lɛk udat jɛs grap ali mɔnin fɔ kam fɛt fɔ yu.

2 Kronikuls 30:12

PAPA GƆD sɛf in an bin de pan Juda fɔ gi, dɛn wan at fɔ du wetin di kiŋ ɛn di prins dɛn kɔmand akɔdin to PAPA GƆD in wɔd.

Jɔshwa 1:17

Dɛn tɛl am igen se, dɛn go obe am jɔs lɛk aw dɛn bin de obe Mozis ɛn dɛn pre se lɛ PAPA GƆD we na dɛn PAPA GƆD de wit am ɔltɛm lɛk aw I bin de wit Mozis.

Di Nɔmba Dɛm 17:4

Put di wɔkinstik dɛn insay di Tɛnt usay dɛn kin mit PAPA GƆD, frɔnt usay di Kɔvinant Bɔks de usay wi tu kin mit.

Ɛksodɔs 30:6

We yu dɔn mek di ɔlta dɔn, put am bifo di klos nia di Kɔvinant bɔks, na de a go de fɔ de tɔk to yu.

Ɛksodɔs 25:22

A go de kam dɔŋ de kam mit yu. A go de oba di kɔba midul di tu Chɛryubim we de pantap di bɔks. Na de a go de fɔ de tɔk wit yu ɛn gi yu ɔl mi lɔ dɛn fɔ di Izrɛlayt dɛn.

Ɛksodɔs 19:1

Di Izrɛlayt dɛn lɛf Refidim we de na Ijipt fɔ go Mawnt Saynay.

Ɛksodɔs 4:31

Di edman dɛn biliv se na PAPA GƆD sɛn Mozis ɛn Erɔn. We dɛn yɛri se PAPA GƆD dɔn si aw dɛn de sɔfa ɛn i rɛdi fɔ ɛp dɛn, dɛn baw dɛn ed ɛn wɔship am.

Ɛksodɔs 4:24

Mozis ɛn i famili bin gɛt fɔ slip na rod. Da nɛt de PAPA GƆD apia Mozis ɛn bin want fɔ kil am.

Ɛksodɔs 3:16

“Go gɛda ɔl di lida dɛn na Izrɛl ɛn tɛl dɛn se, ‘mi PAPA GƆD we na di PAPA GƆD we dɛn fɔstɛm-papa dɛn dat na Ebraam, Ayzak ɛn Jekɔb, bin de wɔship apia to yu ɛn tɛl yu se, a dɔn de wach dɛn, ɛn a dɔn si ɔl wetin de apin to dɛn na Ijipt

Ɛksodɔs 3:12

Na de PAPA GƆD se, “A go de wit yu, ɛn fɔ sho se na mi sɛn yu we yu pul di Izrɛlayt dɛn kɔmɔt Ijipt, na dis mawnten una ɔl go kam wɔship mi.”

Jɛnɛsis 48:3

Jekɔb tɛl Josɛf se PAPA GƆD Ɔlmayti bin apia to am na Luz insay Kenan ɛn i blɛs am.

Jɛnɛsis 17:1

We Ebram bin ol naynti-nayn ia, PAPA GƆD apia to am ɛn tɛl am se, “Mi na PAPA GƆD Ɔlmayti. Obe mi ɛn du wetin rayt ɔltɛm.

Jɛnɛsis 15:1

Afta ɔl wetin bin dɔn apin, PAPA GƆD apia to Ebram na vishɔn. I tɛl am se, “Nɔ fred, Ebram. A go kɔba yu ɛn a go gi yu ɔlkayn gud tin.”

Jɛnɛsis 12:1

PAPA GƆD tɛl Ebram se, “Lɛf yu fambul dɛn, yu papa in os, kɔmɔt na yu kɔntri ɛn go na wan kɔntri we a go sho yu.

Jɛrimaya 26:5

ɛn fɔ pe atɛnshɔn to wetin mi wokman dɛn we na di prɔfɛt dɛn we a sɛn to una ɔjɛnt ɔjɛnt wan, ɔldo una nɔ lisin dɛm,

Jɛrimaya 2:6

Dɛn nɔ bin se, “We PAPA GƆD we bin fɛt pul wi kɔmɔt na Ijipt, we bin de bifo wi na di dray ɛn ɛmti ples, land we na so so ɛmti ples we pipul nɔ ebul tap wit dip dip ol dɛm, land we dak bad bad wan ɛn wata nɔ de, land we pipul dɛn nɔ de pas kɔmɔt wan say go ɔda say, ples we nɔbɔdi nɔ tap?’

Jɛrimaya 2:2

“Go anawns na Jerusɛlɛm lɛ ɔlman yɛri, se, Na so PAPA GƆD se, A mɛmba aw una nɔ bin tek mi mek jok we una bin yɔŋ, di lɛk we una bin lɛk mi lɛk nyu yawo, aw una bin de biɛn mi na di dray ɛn ɛmti ples, land we dɛn nɔ plant wande.

Ayzaya 64:5

Yu de tɛl di wan dɛn we de waka tret na yu yay, kɔba, dɛm wan dɛm we de mɛmba yu bay we dɛn de du wetin yu se dɛn fɔ de du. Wan tɛm, yu bin vɛks, ɛn wi bin kɔmit sin; wi dɔn de insay wi sin fɔ lɔng, ɛn ɛnibɔdi go sev wi?

Ɛksodɔs 30:36

Bit am na mataodo lɛ i tɔn to pawda, dɔn yu put sɔm bifo di Kɔvinant bɔks na di Tɛnt usay a go de mit yu. Mek shɔ se yu andul dis insɛns lɛkɛ tin we di.

Jɛnɛsis 14:13

Bɔt wan man bin rɔnawe ɛn go tɛl Ebram, da Ibru man, ɔl wetin apin. Da tɛm de Ebram bin tap nia Mamrɛ da Amɔrayt man in ok tik dɛn. Mamrɛ ɛn in tu brɔda dɛn, Ɛshkɔl ɛn Ana, na bin Ebram in tayt padi dɛn.

Ɛksodɔs 4:1

Mozis aks PAPA GƆD se, if di pipul dɛn nɔ biliv am ɛn nɔ gri lisin to wetin in de tɛl dɛn, ɛn dɛn se, na lay i de lay PAPA GƆD nɔ apia to am, wetin in fɔ se.

Ɛksodɔs 5:1

Afta dat, Mozis ɛn Erɔn go mit di Kiŋ. Dɛn tɛl am se, dis na wetin di Izrɛlayt dɛn PAPA GƆD se, mek yu lɛf in pipul dɛn fɔ go na di ples we pɔsin nɔ go ebul tap fɔ go mek wan fɛstival to mi.

Ɛksodɔs 5:3

Mozis ɛn Erɔn ansa di kiŋ se, di Ibru pipul dɛn PAPA GƆD bin apia to dɛn. I se i fɔ go na di ples we pɔsin nɔ go ebul tap fɔ go ɔfa sakrifays to am ɛn na tri de dɛn go tek na rod. I se if dɛn nɔ go in go mek sik kil dɛn ɔ dɛn go day na wa.

Ɛksodɔs 8:1

Afta dat PAPA GƆD tɛl Mozis se, “Go bak to di kiŋ ɛn tɛl am se, mi se lɛ i lɛf mi pipul dɛn mek go wɔship mi.

Ɛksodɔs 8:20

PAPA GƆD tɛl Mozis. I se, “Grap ali mɔnin go mit di kiŋ as i de go dɔn di riva. Tɛl am se na wetin PAPA GƆD se yu de tɛl am so. Se lɛ mi pipul dɛn lɛ dɛn go wɔship mi.

Ɛksodɔs 17:5

PAPA GƆD ansa Mozis. I se, “Tek sɔm pan di bigman dɛn ɛn waka go bifo. Ol di tik we yu bin tek nak Riva Nayl na yu an ɛn go.

Ɛksodɔs 4:23

so i fɔ lɛf dɛn fɔ go wɔship am. I se if di kiŋ nɔ gri, PAPA GƆD go kil di kiŋ in yon fɔs pikin fɔ dat.

Ɛksodɔs 8:23

A go trit yu pipul dɛn difrɛn wan frɔm aw a go trit mi yon pipul. Ɛn na tumara a go pafɔm dis mirekul.”