Ɛksodɔs 3:17 - Krio Fɔs Oli Baybul

¹⁷ ɛn a prɔmis fɔ pul dɛn kɔmɔt na Ijipt usay dɛn de sɔfa ɛn kɛr dɛn go na di land usay dɛn Kenanayt, dɛn Itayt, dɛn Amɔrayt, dɛn Pɛrizayt, dɛn Ivayt ɛn dɛn Jɛbyusayt dɛn de. Da land de na land we fayn fɔ plant, ɛn fɔ mɛn animal dɛn.

Ɛksodɔs 3:17 Referans Kwoze

Jɛnɛsis 50:24

I tɛl in brɔda dɛn se, in kin day ɛnitɛm da tɛm de, bɔt PAPA GƆD go luk dɛn ɛn pul dɛn kɔmɔt na Ijipt ɛn kɛr dɛn go saful wan usay i bin dɔn prɔmis Ebraam, Ayzak ɛn Jekɔb.

Jɔshwa 24:11

PAPA GƆD se we di Izrɛlayt dɛn krɔs Riva Jɔdan go Jɛriko di Jɛriko pipul dɛn fɛt dɛn, bɔt in mek Izrɛl bit dɛn. Dɔn di Amɔrayts dɛn o, di Pɛrizayt dɛn o, di Kenanayt dɛn o, di Itayt dɛn o, di Gigashyt dɛn o, di Ivayt dɛn o, di Jɛbyusayt dɛn o, ɔl fɛt Izrɛl, bɔt in mek Izrɛl bit dɛn ɔl.

Jɛnɛsis 46:4

A go go Ijipt wit yu ɛn a mɔs briŋ yu jɛnareshɔn kam bak na ya. Yu go day na Ijipt ɛn Josɛf go de nia yu we yu de day.”

Jɛnɛsis 50:25

Josɛf mek in pipul dɛn swɛ to am se, we dɛn de go na di kɔntri we PAPA GƆD dɔn prɔmis dɛn; dɛn go kɛr in bɔdi go.

Ɛksodɔs 6:6

So tɛl di Izrɛlayt pipul dɛn se, Mi na PAPA GƆD ɛn a go pul una kɔmɔt pan di waala we di Ijipshian dɛn put pan dɛn. A go pul dɛn kɔmɔt pan di slev layf we dɛn liv ɛn a go sho dɛn mi pawa.

Ɛksodɔs 13:5

I se dɛn fɔ sɛlibret da de de as ɔlide insay da mɔnt de wɛn PAPA GƆD go kɛr dɛn go na di ples usay dɛn Kenanayt, dɛn Itayt, dɛn Amɔrayt, dɛn Ivayt ɛn dɛn Jɛbyusayt dɛn de. I se na da land de PAPA GƆD bin swɛ se in go gi dɛn papa dɛn, ɛn da land we fayn fɔ plant ɛn fɔ mɛn animal dɛn.

Ɛksodɔs 32:34

PAPA GƆD tɛl am se lɛ i lid di pipul dɛn go na di ples we i dɔn tɛl am fɔ go. I se in enjɛl go de bifo am fɔ de gayd am. I se di tɛm we in go rɛdi fɔ dɛn i go pɔnish dɛn fɔ dɛn sin.

Ɛksodɔs 33:3

Una de go na land we fayn fɔ plant ɛn fɔ mɛn animal dɛn.. Bɔt a nɔ de go wit una, bikɔs if a go, a go kil una na rod bikɔs una traŋayes bad.

Di Nɔmba Dɛm 13:27

Na dis dɛn tɛl Mozis: Dɛn se, “Wi go na di land we yu sɛn wi ɛn na tru se na land we gud ɛn i de bia bɔku tin. Infakt luk sɔm di frut we wi kam wit.

Ditarɔnɔmi 6:3

Mozis koks di Izrɛlayt dɛn fɔ obe di lɔ dɛn so dat dɛn go gɛt blɛsin jɛs lɛkɛ aw PAPA GƆD we na dɛn fɔstɛm-papa dɛn PAPA GƆD bin dɔn se, ɛn dɛn go bɔn bɔku bɔku pikin dɛn na di land we gud fɔ animal ɛn fɔ plant.

Ditarɔnɔmi 26:9

Afta dat, PAPA GƆD bin kɛr dɛn go na da ples de ɛn gi dɛn da land de; di land we gud fɔ plant ɛn fɔ mɛn animal.

Jɔshwa 9:1

Ɔl di kiŋ dɛn we dɛn kɔntri dɛn de na di wɛst pat na Riva Jɔdan yɛri aw Izrɛl bin kɔnka dɛn ɛnimi. Di kiŋ dɛn ɔp di il ɛn di wan dɛn we de dɔŋ say na Palɛstayn, di wan dɛn we de na dɛn siti dɛn we de nia di Mɛditarenian Si ɛn di kiŋ dɛn we de fawe na di nɔth, dat na Libanɔn, sɛf bin yɛri bɔt dat. Di kiŋ dɛn we yɛri bɔt aw Izrɛl kɔnka dɛn ɛnimi dɛn na di Itayt kiŋ, di Amorayt dɛn kiŋ, di Kenanayt dɛn kiŋ, di Pɛrizayt dɛn kiŋ, di Ivayt dɛn kiŋ ɛn di Jɛbyusayt dɛn kiŋ.

Jɛrimaya 32:22

ɛn yu gi dɛm dis land, we yu bin swɛ to dɛm fɔstɛmpapa fɔ gi dɛm; land we gud fɔ plant ɛn fɔ mɛn animal;

Lɛvitikɔs 20:24

Bɔt PAPA GƆD in dɔn tɛl dɛn se, dɛn go gɛt di land as dɛn prɔpati, dɛn go kapchɔ am, land we fayn fɔ plant ɛn mɛn animal dɛn. I se nain na PAPA GƆD we na dɛn PAPA GƆD ɛn nain dɔn mek dɛn difrɛn frɔm ɔda pipul.

Jɔshwa 5:6

Bɔt insay di fɔti ia we dɛn tek de waka na di ɛmti ples we pipul nɔ go ebul tap, ɔl di man dɛn we bin dɔn machɔ fɔ ebul fɛt, bin dɔn day. Dɛn nɔ bin rɛspɛkt PAPA GƆD ɛn I bin dɔn swɛ se in nɔ go mek dɛn si di land we gud fɔ plant ɛn fɔ mɛn animal, we i bin dɔn prɔmis dɛn fɔstɛm-papa dɛn.

1 Kronikuls 1:15

di Ivayt dɛm, di Akayt dɛm, di Sinayt dɛn,

Di Sam Dɛm 102:21

Da tɛm de ɔlman go tɔk bɔt yu na Zayɔn ɛn insay Jerusɛlɛm, dɛn go tɔk wetindu ɔlman fɔ prez yu,

Jɛrimaya 11:5

so dat a go du wetin a bin dɔn swɛ to una fɔstɛmpapa dɛn se a go du fɔ dɛm, dat na fɔ gi dɛn wan land we gud fɔ plant ɛn fɔ mɛn animal we dɛn gɛt so.” Nain a ansa se, “PAPA GƆD, lɛ i bi so.”

Izikɛl 20:6

Da de de, a bin swɛ to dɛn se a go pul dɛn kɔmɔt Ijipt, kam na wan land we a dɔn fɛn fɔ dɛm, land we gud fɔ plant ɛn fɔ mɛn animal, we na di land we fayn pas ɔl.