Ɛksodɔs 3:16 - Krio Fɔs Oli Baybul

¹⁶ “Go gɛda ɔl di lida dɛn na Izrɛl ɛn tɛl dɛn se, ‘mi PAPA GƆD we na di PAPA GƆD we dɛn fɔstɛm-papa dɛn dat na Ebraam, Ayzak ɛn Jekɔb, bin de wɔship apia to yu ɛn tɛl yu se, a dɔn de wach dɛn, ɛn a dɔn si ɔl wetin de apin to dɛn na Ijipt

Ɛksodɔs 3:16 Referans Kwoze

Di Sam Dɛm 8:4

i kin mek a tink se udat na mɔtalman we yu bisin bɔt am bifo a se mi we yu patikla bɔt.

Ɛksodɔs 4:31

Di edman dɛn biliv se na PAPA GƆD sɛn Mozis ɛn Erɔn. We dɛn yɛri se PAPA GƆD dɔn si aw dɛn de sɔfa ɛn i rɛdi fɔ ɛp dɛn, dɛn baw dɛn ed ɛn wɔship am.

Ɛksodɔs 4:29

Afta dat Mozis ɛn Erɔn go na Ijipt ɛn gɛda di Izrɛlayt dɛn edman dɛn.

Jɛnɛsis 50:24

I tɛl in brɔda dɛn se, in kin day ɛnitɛm da tɛm de, bɔt PAPA GƆD go luk dɛn ɛn pul dɛn kɔmɔt na Ijipt ɛn kɛr dɛn go saful wan usay i bin dɔn prɔmis Ebraam, Ayzak ɛn Jekɔb.

Apɔsul Dɛn Wok 15:14

Saymɔn jɛs tɛl una bɔt aw Gɔd dɔn sho se i kia bɔt dɛn pipul we nɔto Ju ɛn i dɔn kɔl dɛn fɔ bi in yon pipul.

Pita In Fɔs Lɛta 5:1

Mi, Pita, na wan pan dɛn bigman na chɔch we de sho pipul di wok we dɛn fɔ du. A si we Krays de sɔfa wit mi yon yay, ɛn a no se misɛf go de wit am di tɛm we i go kam bak, wɛn Gɔd go mek ɔlman si in pawa ɛn misɛf go gɛt pan da big blɛsin de. A de beg una dɛn bigman na chɔch.

Pita In Fɔs Lɛta 2:12

Di we we una liv wit dɛn pipul we nɔ no Gɔd fɔ fayn, so dat wɛn dɛn go de tɔk se una de du bad, dɛnsɛf go si se una dɔn du gud wok, fɔ tru, ɛn dat go mek, di de we Gɔd go kam fɔ jɔj di wɔl, dɛn go prez Gɔd.

Apɔsul Dɛn Wok 20:17

Wɛn Pɔl bin de na Maylitɔs, i sɛn mɛsej go Ɛfisɔs fɔ mek di chɔch bigman dɛn kam mit am na Maylitɔs.

Apɔsul Dɛn Wok 11:30

Dɛn gi Banabas ɛn Sɔl kɔpɔ fɔ kɛr go fɔ dɛn pipul na Jerusɛlɛm.

Lyuk 19:44

Dɛn go ib una ɛn una pikin dɛn na grɔn ɔlɔbɔt ɛn dɛn nɔ go lɛf wan ston pan in kɔmpin insay una tɔŋ, bikɔs una nɔ bin no wɛn Gɔd bin kam fɔ sev una.”

Lyuk 1:68

I se: “Lɛ wi prez wi Masta we na di Izrɛl pipul dɛn Gɔd, bikɔs i dɔn kam to in pipul dɛn fɔ fri dɛn.

Matyu 26:3

Di bigman dɛn we de mek sakrifays fɔ pipul sin ɛn di ɔda Ju bigman dɛn mek mitin na Kaye fas in os; Kaye fas na bin edman fɔ dɛn man we de mek sakrifays fɔ pipul sin.

Ruth 1:6

In naw wit in dɔtɛnlɔ dɛn lɛf Moab bikɔs bay da tɛm de, i bin dɔn yɛri se PAPA GƆD dɔn sɔri fɔ in pipul ɛn gi dɛn tin fɔ it.

Ɛksodɔs 13:19

Mozis kɛr Josɛf in bon dɛn go wit am, bikɔs Josɛf bin dɔn mek di Izrɛlayt dɛn swɛ se dɛn go pul in ban dɛn kɔmɔt na Ijipt we PAPA GƆD sev dɛn ɛn pul dɛn kɔmɔt de. I bin shɔ se PAPA GƆD go mɔs du dat.

Ɛksodɔs 4:5

PAPA GƆD tɛl Mozis se, “Pafɔm dis mirekul fɔ mek di Izrɛlayt dɛn go biliv se na mi PAPA GƆD, di PAPA GƆD we dɛn fɔstɛm-papa dɛn dat na Ebraam Ayzak ɛn Jekɔb, bin de wɔship apia to yu.”

Ɛksodɔs 2:25

PAPA GƆD bin si aw di Izrɛlayt dɛn de sɔfa i sɔri fɔ dɛn, ɛn i bin rɛdi fɔ ɛp dɛn.

Ɛksodɔs 24:11

PAPA GƆD nɔ du di Izrɛl edman dɛn natin; dɛn si PAPA GƆD ɛn dɛn ɔl it ɛn drink togɛda.

Ɛksodɔs 18:12

Nain Jɛthro, dat na Mozis in fadɛnlɔ gi wan animal fɔ mek dɛn bɔn am as sakrifays to PAPA GƆD. Erɔn ɛn di ɔda Izrɛlayt bigman dɛn jɔyn Mozis in fadɛnlɔ pan di sakrifays ɛn it wit am ɛn wɔship PAPA GƆD.

Ɛksodɔs 15:14

Wɛn ɔda neshɔn dɛn yɛri wetin yu du, dɛn trimbul; Bad, bad pen grip di pipul dɛn na Filistia, ɛn dɛn bɔtɔm bɛlɛ bwɛl.

Ɛksodɔs 3:2

Na da ples de, PAPA GƆD in enjɛl apia to am na wan big faya we bin de kech pan wan smɔl tik, bɔt di tik nɔ bin de bɔn. Mozis sɔprayz fɔ si tin lɛk dat.

Jɛnɛsis 21:1

PAPA GƆD blɛs Sera, lɛkɛ aw i bin prɔmis.

Jɛnɛsis 1:7

So PAPA GƆD mek dis tin ya. I mek wata de ɔnda am ɛn wata de pantap am.

Jɛnɛsis 28:13

PAPA GƆD insɛf bin tinap nia am ɛn tɛl am se, “Mi na PAPA GƆD, Ebraam yu grampa, ɛn Ayzak, yu papa dɛn PAPA GƆD, A go gi yu ɛn yu jɛnareshɔn dɛn dis land usay yu lidɔm so.

Jɛnɛsis 48:15

Dɔn i blɛs Josɛf. I se, “Mek PAPA GƆD, we mi papa dɛn Ebraam ɛn Ayzak bin de sav, di PAPA GƆD we dɔn de wit mi ɔl dis tɛm ya,

Ɛksodɔs 3:6

I se, “Mi na di PAPA GƆD we yu fɔstɛm-papa dɛn we na Ebraam, Ayzak ɛn Jekɔb, bin de wɔship.” We Mozis yɛri dis, i tek in an kɔba in fes bikɔs i bin de fred fɔ luk PAPA GƆD.

Ɛksodɔs 4:1

Mozis aks PAPA GƆD se, if di pipul dɛn nɔ biliv am ɛn nɔ gri lisin to wetin in de tɛl dɛn, ɛn dɛn se, na lay i de lay PAPA GƆD nɔ apia to am, wetin in fɔ se.

Ɛksodɔs 17:5

PAPA GƆD ansa Mozis. I se, “Tek sɔm pan di bigman dɛn ɛn waka go bifo. Ol di tik we yu bin tek nak Riva Nayl na yu an ɛn go.

Di Sam Dɛm 33:18

Bɔt PAPA GƆD yay de pan ɔl udat abop pan am; ɛn i de wach dɛn wan we abop pan in lɔ we nɔ de chenj;

Ɛksodɔs 1:8

Afta sɔntɛm, wan kiŋ we nɔ no natin bɔt Josɛf ɛn wetin i bin dɔn du bigin fɔ rul na Ijipt.

Di Sam Dɛm 102:21

Da tɛm de ɔlman go tɔk bɔt yu na Zayɔn ɛn insay Jerusɛlɛm, dɛn go tɔk wetindu ɔlman fɔ prez yu,