Ɛksodɔs 3:15 - Krio Fɔs Oli Baybul

¹⁵ PAPA GƆD tɔk bak se, “Tɛl di Izrɛlayt dɛn se, na PAPA GƆD we una fɔstɛm-papa dɛn dat na di PAPA GƆD we Ebraam, Ayzak ɛn Jekɔb bin de wɔship sɛn yu to dɛn. Na mi nem dis sote go. Na dis nem ya ɔl di jɛnareshɔn dɛn go de yuz fɔ kɔl mi.”

Ɛksodɔs 3:15 Referans Kwoze

Di Ibru Pipul Dɛn 13:8

Jizɔs Krays na di sem yɛstade, tide, ɛn i go bi di sem sote go, i nɔ go chenj.

Malakay 3:6

I tɛl dɛn se, bikɔs in we na PAPA GƆD nɔ de chenj, in nɔ dɔn fɔ dɛn we na Jekɔb in jɛnareshɔn yet.

Ozie 12:5

PAPA GƆD we na Ɔlmayti Gɔd, we in pawa pas ɔl, nain nem PAPA GƆD.

Mayka 4:5

Ɔl di neshɔn dɛn go de wɔship dɛn yon gɔd dɛn bɔt di wan dɛn we na PAPA GƆD in yon pipul go wɔship ɛn obe am sote go.

Ɛksodɔs 3:6

I se, “Mi na di PAPA GƆD we yu fɔstɛm-papa dɛn we na Ebraam, Ayzak ɛn Jekɔb, bin de wɔship.” We Mozis yɛri dis, i tek in an kɔba in fes bikɔs i bin de fred fɔ luk PAPA GƆD.

Ayzaya 9:6

Bikɔs dɛn dɔn bɔn wan pikin gi wi, dɛn dɔn gi wi bɔypikin ɛn nain ed di gɔvmɛnt go de, ɛn in nem we dɛn go kɔl am, na, “Wɔndaful Kanselɔ, Mayti Gɔd, Ɛvalastin Papa, Prins ɔf pis.”

Di Sam Dɛm 102:12

Bɔt PAPA GƆD yu na PAPA GƆD we go bi kiŋ sote go; ɔl di jɛnareshɔn dɛn go tɔk bɔt yu.

Di Sam Dɛm 135:13

E PAPA GƆD! Ɔlman go no se yu na PAPA GƆD, ɔl dɛn jɛnareshɔn go de tɔk bɔt yu sote go.

Apɔsul Dɛn Wok 7:32

‘Na mi na da Gɔd we yu grampapa papa dɛn bin de pre to, na mi na di Gɔd we Ebraam bin de pre to, na mi na di Gɔd we Ayzak bin de pre to, ɛn we Jekɔb bin de pre to.’ Wɛn Mozis yɛri dat, i trimbul, i fred fɔ es in yay ɔp, luk.

Ditarɔnɔmi 1:11

I pre mek PAPA GƆD, we na dɛn papa dɛn PAPA GƆD, mek dɛn bɔku wan tawzin tɛm mɔ, ɛn lɛ i blɛs dɛn jɛs lɛk aw i bin dɔn prɔmis dɛn.

Ɛksodɔs 4:5

PAPA GƆD tɛl Mozis se, “Pafɔm dis mirekul fɔ mek di Izrɛlayt dɛn go biliv se na mi PAPA GƆD, di PAPA GƆD we dɛn fɔstɛm-papa dɛn dat na Ebraam Ayzak ɛn Jekɔb, bin de wɔship apia to yu.”

Ayzaya 63:12

we mek in pawaful an fɔ go na Mozis in raytan, we sheb di Si bifo dɛm fɔ mek nem we go de sote go, fɔ insɛf,

Di Sam Dɛm 72:19

Lɛ wi prez in nem sote go in nem we big ɛn pawaful; lɛ di wanol wɔl ebul fɔ si ɔl di wɔndaful tin dɛn we i de du ɛn aw i lɛk ɛn bisin bɔt in pipul. Emɛn, Emɛn

Di Sam Dɛm 72:17

Mek in nem nɔ day; mek i de lɛk di san we de de sote go. Ɔlman na wɔl go pre fɔ gɛt blɛsin lɛk am ɛn tɔk bɔt in yon blɛsin.

2 Kronikuls 28:9

Bɔt wan pan PAPA GƆD in prɔfɛt dɛm we nem Odɛd, bin de de; i gi go mit di ami man dɛm we kam Sameria ɛn tɛl dɛn se, “A de tɛl una, na we PAPA GƆD we na una fɔstɛmpapa dɛn Gɔd vɛks pan Juda, mek i put dɛm na una an, bɔt una dɔn kil dɛm wit pasmak wamat we mek kɔmplen dɔn rich ɛvin.

Matyu 22:32

‘Mi na Gɔd fɔ Ebraam, Ayzak ɛn Jekɔb.’ If Gɔd na Gɔd fɔ wan pɔsin dat min se da pɔsin de nɔto pɔsin we day, bɔt na pɔsin we gɛt layf.”

Ditarɔnɔmi 4:1

Mozis bin se Izrɛl fɔ de mɛmba ɛn du ɔl wetin i bin tɛl dɛn se PAPA GƆD se dɛn fɔ de du, so dat dɛn go gɛt lɔŋ layf fɔ ɛnjɔy di land we PAPA GƆD we na dɛn fɔstɛm-papa dɛn PAPA GƆD, dɔn gi dɛn.

Ditarɔnɔmi 1:35

bikɔs dɛn we de da tɛm de na pipul dɛn we de mɛmba fɔ du bad, dɛn nɔn nɔ go si di land we i bin dɔn prɔmis se in go gi dɛn fɔstɛm-papa dɛn;

Apɔsul Dɛn Wok 3:13

Na di Gɔd we wi grampapa papa dɛn, Ebraam, Ayzak, ɛn Jekɔb bin de pre to, na dis sem Gɔd dɔn gi Jizɔs we nain savant, di pawa fɔ mɛn dis man. Wɛn una bin kɛr Jizɔs go bifo Paylet ɛn Paylet bin want mek Jizɔs fri, una bin tɔk bad bɔt am.

Di Ibru Pipul Dɛn 11:16

Bɔt dɛn bin want ples we bɛtɛ pas dat, dat na di ples we de na ɛvin. So Gɔd nɔ shem wɛn dɛn kɔl am dɛn yon Gɔd, bikɔs i bin dɔn rɛdi ples fɔ dɛn.

Jɛnɛsis 24:12

So i pre se, “PAPA GƆD, yu we na mi masta Ebraam in PAPA GƆD, mek bɛtɛ fala mi tide ɛn sho mi masta se yu lɛk am ɛn de du gud to am.

Ɛksodɔs 3:13

Nain Mozis tɔk bak se, if in go to di Izrɛlayt dɛn ɛn tɛl dɛn se di PAPA GƆD we dɛn papa dɛn bin de wɔship sɛn am to dɛn nɔ go biliv am, ɛn if dɛn aks am se, ‘wetin nain nem,’ wetin in fɔ ansa dɛn se.

Ɛksodɔs 4:1

Mozis aks PAPA GƆD se, if di pipul dɛn nɔ biliv am ɛn nɔ gri lisin to wetin in de tɛl dɛn, ɛn dɛn se, na lay i de lay PAPA GƆD nɔ apia to am, wetin in fɔ se.

Ɛksodɔs 6:2

PAPA GƆD tɔk bak to Mozis se, “Mi na PAPA GƆD.

Ɛksodɔs 15:2

Na PAPA GƆD gi mi trɛnk fɔ siŋ fɔ am, ɛn nain de sev mi. In na mi PAPA GƆD, ɛn a go prez am, na mi papa in PAPA GƆD, a go es am ɔp.

Ɛksodɔs 15:3

PAPA GƆD na big big fɛtman; in nem na PAPA GƆD.

Lɛvitikɔs 24:11

we mek di wan we nɔto piɔ Izrɛlayt tɔk bad bɔt da Nem ɛn yuz am fɔ swɛ. Sɔm pipul we yɛri am kɛr am go to Mozis. In mama bin nem Shelomit we na bin Dibri in gyal pikin ɛn i kɔmɔt na Dan fambul.

Di Sam Dɛm 30:4

Lɛ ɔlman we na PAPA GƆD in pipul siŋ to PAPA GƆD; siŋ ɛn prez PAPA GƆD, in na oli PAPA GƆD.

Prɔvabs 18:10

PAPA GƆD na lɛkɛ big kɔtintri, pɔsin we de waka tret na PAPA GƆD in yay kin go ayd biɛn am.

Ayzaya 26:8

Na di rod fɔ yu jɔjmɛnt dɛn wi de wet fɔ yu E PAPA GƆD; wetin wi sol want bad bad wan na fɔ de mɛmba yu nem.

Ayzaya 42:8

Na mi na PAPA GƆD, na dat na mi nem; a nɔ de gi mi glori to ɛni ɔda pɔsin, ɔ mi prez to dɛn laylay gɔd.

Jɛrimaya 33:2

Na dis PAPA GƆD we mek di wɔl se, di GƆD we mol am mek i de aw i de so – na PAPA GƆD na In nem:

Daniɛl 2:23

Yu we na mi papa dɛn PAPA GƆD, A de tɛl yu tɛnki ɛn prez yu bikɔs na yu dɔn gi mi sɛns ɛn trɛnk, ɛn yu dɔn mek a no naw wetin wi bin de aks yu fɔ, bikɔs yu dɔn mek wi no di kiŋ in prɔblɛm.”

1 Kronikuls 16:16

Di Kɔvinant we i mek wit Ebraam; di swɛ we i swɛ to Ayzak,

1 Kronikuls 29:18

PAPA GƆD we na Ebram, Ayzak ɛn Jekɔb we na wi papa dɛn, dɛn Gɔd, bin dɔn mek dɛn pipul ya gri sote go fɔ dɛn kayn tin ya na dɛn at, ɛn mek dɛn at de to yu.

Di Sam Dɛm 30:5

I nɔ de vɛks fɔ lɔŋ, bɔt i rɛdi fɔ blɛs yu fɔ layf; if sɔntin mek yu kray na nɛt, di kray nɔ go las te mɔnin. Bay mɔnin, na laf yu go de laf.

Di Sam Dɛm 68:5

Nain na papa to udat nɔ gɛt papa, ɛn i de fɛt fɔ poman. In na di PAPA GƆD na ɛvin.

Di Sam Dɛm 102:13

Yu go tinap ɛn sɔri fɔ Zayɔn, di tɛm dɔn rich fɔ mek yu mek in at swit.

Ozie 12:6

Naw, i want dɛn fɔ kam bak to PAPA GƆD. Lɛ dɛn tek in wɔd fɔ lɛk dɛnsɛf, trit dɛn kɔmpin fayn ɛn jɛs de du wetin PAPA GƆD want.