Ɛksodɔs 3:14 - Krio Fɔs Oli Baybul

¹⁴ PAPA GƆD ansa am se, “NA MI NA UDAT A BI.” Na dat yu fɔ tɛl di Izrɛlayt dɛn. Se na NA MI sɛn yu to dɛn.”

Ɛksodɔs 3:14 Referans Kwoze

Di Ibru Pipul Dɛn 13:8

Jizɔs Krays na di sem yɛstade, tide, ɛn i go bi di sem sote go, i nɔ go chenj.

Jɔn 8:58

Jizɔs se, “A de tɛl una fɔ tru se, bifo Ebraam bɔn, a dɔn de.”

Rɛvɛleshɔn 1:8

Gɔd we na wi Masta we gɛt pawa pas ɔl, we bin dɔn de bifo di wɔl mek, we de naw ɛn we go kam bak na dis wɔl, nain de tɛl wi se “Mi na di Fɔs ɛn di Las.”

Di Sam Dɛm 90:2

Bifo yu mek di mawnten dɛn ɛn infakt sɛf bifo yu mek di wɔl, yu bin dɔn bi di PAPA GƆD we wi de wɔship, ɛn yu go stil bi wi PAPA GƆD sote go.

Ayzaya 44:6

Na dis PAPA GƆD we na kiŋ na Izrɛl ɛn di wan we de sev dɛn, we nain na PAPA GƆD Ɔlmayti, se: “Na mi na di fɔs ɛn na mi na di las; apat frɔm mi nɔn ɔda gɔd nɔ de.

Rɛvɛleshɔn 1:4

Na mi Jɔn de rayt to una we de na dɛn sɛvin chɔch na Eshya. Mek Gɔd we de naw, ɛn we bin de bifo dis wɔl mek, ɛn we go kam bak na dis wɔl, sho una aw i gud ɛn gi una kol at; semwe so, mek Gɔd in sɛvin spirit dɛn, we tinap bifo am di say we i sidɔm de rul, du una gud ɛn gi una kol at;

Rɛvɛleshɔn 1:17

Wɛn a si am, a fɔdɔm flat nain fut lɛkɛ pɔsin we dɔn day. I put in raytan pan mi, i se, “Nɔ fred. Na mi na di fɔs pɔsin, na mi go bi di las pɔsin.

Ɛksodɔs 6:3

A apia to Ebraam, to Ayzak ɛn Jekɔb as PAPA GƆD Ɔlmayti, bɔt a nɔ bin mek dɛn no mi bay mi oli nem.

Rɛvɛleshɔn 4:8

Dɛn ɔl fo bin gɛt siks siks wiŋ dɛn; soso yay bin kɔba dɛn ɔlɔbɔt. Ol de ol nɛt dɛn nɔ de tap fɔ siŋ se, “Gɔd na di Masta we gɛt pawa pas ɔl, nain wangren na Gɔd, i nɔ sin wande, i gud pas ɔl. I bin de bifo di wɔl mek, i de naw ɛn i go kam bak.”

2 Kɔrint 1:20

bikɔs in na di ansa, “Yɛs,” fɔ ɔl dɛn prɔmis we Gɔd dɔn prɔmis wi. Na dat mek wɛn wi se “Emɛn,” na bay Jizɔs Krays wi de tɔk so, fɔ mek Gɔd gɛt di prez.

Jɔn 8:28

So Jizɔs se, “Wɛn una lif Mɔtalman Pikin ɔp, una go no se, ‘Mi na di pɔsin we a bi;’ da tɛm de, una go no se a nɔ de du ɛnitin bay misɛf, na wetin mi Papa tɛl mi fɔ tɔk nɔmɔ a de tɔk.

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Di Sam Dɛm 68:4

Lɛ wi siŋ to PAPA GƆD, wi fɔ siŋ ɛn prez PAPA GƆD fɔ udat i bi, Wi fɔ siŋ ɛn mek nɔys fɔ PAPA GƆD we de rayd pantap di klawd In nem na PAPA GƆD, so wi fɔ prez am.

Matyu 18:20

Bikɔs ɛni say we tu ɔ tri Kristiɛn gɛda fɔ pre to mi ɛn ɔna mi, a go de wit dɛn.”

Job 11:7

Pɔsin nɔ ebul fɔ ɔndastand PAPA GƆD. Yu nɔ go ebul fɔ no aw PAPA GƆD Ɔlmayti de wok.

Jɔn 8:24

Na dat mek a tɛl una se, una go day wit ɔl una sin. Ɛn una go day wit una sin, if una nɔ biliv se ‘Mi na di pɔsin we a bi.’”

Ɛksodɔs 3:13

Nain Mozis tɔk bak se, if in go to di Izrɛlayt dɛn ɛn tɛl dɛn se di PAPA GƆD we dɛn papa dɛn bin de wɔship sɛn am to dɛn nɔ go biliv am, ɛn if dɛn aks am se, ‘wetin nain nem,’ wetin in fɔ ansa dɛn se.

Ɛksodɔs 6:2

PAPA GƆD tɔk bak to Mozis se, “Mi na PAPA GƆD.

Ɛksodɔs 23:21

Una rɛspɛkt am ɛn du wetin i se bikɔs na mi sɛn am. If una mek traŋayes i go dil wit una.

Ɛksodɔs 15:3

PAPA GƆD na big big fɛtman; in nem na PAPA GƆD.

Ayzaya 42:8

Na mi na PAPA GƆD, na dat na mi nem; a nɔ de gi mi glori to ɛni ɔda pɔsin, ɔ mi prez to dɛn laylay gɔd.