Ɛksodɔs 3:13 - Krio Fɔs Oli Baybul

¹³ Nain Mozis tɔk bak se, if in go to di Izrɛlayt dɛn ɛn tɛl dɛn se di PAPA GƆD we dɛn papa dɛn bin de wɔship sɛn am to dɛn nɔ go biliv am, ɛn if dɛn aks am se, ‘wetin nain nem,’ wetin in fɔ ansa dɛn se.

Ɛksodɔs 3:13 Referans Kwoze

Ayzaya 9:6

Bikɔs dɛn dɔn bɔn wan pikin gi wi, dɛn dɔn gi wi bɔypikin ɛn nain ed di gɔvmɛnt go de, ɛn in nem we dɛn go kɔl am, na, “Wɔndaful Kanselɔ, Mayti Gɔd, Ɛvalastin Papa, Prins ɔf pis.”

Matyu 1:21

Meri go bɔn bɔy pikin ɛn yu go kɔl di pikin Jizɔs; bikɔs i go sev Gɔd in pipul dɛn frɔm dɛn sin.”

Jɛrimaya 23:6

Nain tɛm Juda go sav, ɛn Izrɛl go liv de wit kolat. Ɛn na dis nem dɛn go kɔl am: ‘PAPA GƆD na wi tret waka.’

Ayzaya 7:14

Fɔseka dat, PAPA GƆD insɛf go gi una sayn. Wan yɔŋgyal go gɛt bɛlɛ ɛn go bɔn pikin, ɛn i go gi am nem, Imanyuɛl.

Prɔvabs 30:4

Ɛnibɔdi de we dɔn go ɛvin ɛn kam dɔŋ bak? Ɛnibɔdi de we dɔn ɛva kech briz? Ɛnibɔdi de we dɔn ɛva tek in klos tot wata? Ɛnibɔdi de we mek di ath in bawndri? Ɛnibɔdi no udat? Wetin nain bɔypikin in nem? Tɛl mi if yu no!

Ɛksodɔs 3:14

PAPA GƆD ansa am se, “NA MI NA UDAT A BI.” Na dat yu fɔ tɛl di Izrɛlayt dɛn. Se na NA MI sɛn yu to dɛn.”

Jɛnɛsis 32:29

Nain Jekɔb aks di man, wetin nain yon nem Bɔt di man aks am wetin mek i want fɔ no in yon nem. Dɔn i blɛs Jekɔb de.

Matyu 1:23

“Wan yɔŋ uman we nɔ no bɔt man yet go gɛt bɛlɛ ɛn i go bɔn bɔy pikin, dɛn go gi di pikin nem Imanyuɛl” (Imanyuɛl min se, Gɔd de wit wi).

Di Jɔj Dɛm 13:17

So Manoa aks di enjɛl se wetin nain nem. I se dɛn wan no in nem so dat we di pikin bɔn, dɛn go mɛmba am.

Di Jɔj Dɛm 13:6

So di uman tɛl in man se wan man we de tɔk bɔt PAPA GƆD bin go to am bɔt i luk difrɛn frɔm mɔtalman; i se i biev lɛk PAPA GƆD in enjɛl ɛn i bin fiaful. I se in nɔ aks am usay i kɔmɔt ɛn in nɔ tɛl am in nem.

Ɛksodɔs 15:3

PAPA GƆD na big big fɛtman; in nem na PAPA GƆD.

Apɔsul Dɛn Wok 3:13

Na di Gɔd we wi grampapa papa dɛn, Ebraam, Ayzak, ɛn Jekɔb bin de pre to, na dis sem Gɔd dɔn gi Jizɔs we nain savant, di pawa fɔ mɛn dis man. Wɛn una bin kɛr Jizɔs go bifo Paylet ɛn Paylet bin want mek Jizɔs fri, una bin tɔk bad bɔt am.

Ɛksodɔs 3:12

Na de PAPA GƆD se, “A go de wit yu, ɛn fɔ sho se na mi sɛn yu we yu pul di Izrɛlayt dɛn kɔmɔt Ijipt, na dis mawnten una ɔl go kam wɔship mi.”

Ɛksodɔs 3:15

PAPA GƆD tɔk bak se, “Tɛl di Izrɛlayt dɛn se, na PAPA GƆD we una fɔstɛm-papa dɛn dat na di PAPA GƆD we Ebraam, Ayzak ɛn Jekɔb bin de wɔship sɛn yu to dɛn. Na mi nem dis sote go. Na dis nem ya ɔl di jɛnareshɔn dɛn go de yuz fɔ kɔl mi.”

Ɛksodɔs 7:16

Tɛl di kiŋ se, di PAPA GƆD we di Ibru pipul dɛn de wɔship se mek a tɛl yu se, lɛ i lɛf in pipul dɛn lɛ dɛn go wɔship am na di ples we pɔsin nɔ go ebul tap. Bɔt te naw i nɔ gri fɔ yɛri dɛn.

Ayzaya 52:6

Fɔseka dat, mi pipul dɛn go no mi nem; so, na da de de dɛn go no se, na Mi de tɔk; luk Mi na ya.”