Ɛksodɔs 3:12 - Krio Fɔs Oli Baybul

¹² Na de PAPA GƆD se, “A go de wit yu, ɛn fɔ sho se na mi sɛn yu we yu pul di Izrɛlayt dɛn kɔmɔt Ijipt, na dis mawnten una ɔl go kam wɔship mi.”

Ɛksodɔs 3:12 Referans Kwoze

Jɔshwa 1:5

PAPA GƆD tɛl Jɔshwa se, wans in de, tete Jɔshwa go day, nɔn ɔda neshɔn nɔ go ebul bit Izrɛl. I se as in nɔ bin kɔmɔt biɛn Mozis, na so in nɔ go ɛva kɔmɔt biɛn dɛn.

Lɛta Fɔ Rom 8:31

Wɛn wi luk ɔl dɛn tin ya, wetin wi go se? If Gɔd de fɔ wi, nɔbɔdi nɔ go ebul wi.

Ayzaya 41:10

Nɔ fred, bikɔs a de wit yu, nɔ pwɛl at, bikɔs mi na yu Gɔd; a go gi yu trɛnk, a go ɛp yu, a go ol yu ɔp wit mi raytan we de win ɔltɛm.

Ditarɔnɔmi 31:23

PAPA GƆD bin gi Jɔshwa we na Nɔn in bɔypikin di pawa fɔ bi Izrɛl dɛn lida, ɛn bin tɛl am se, lɛ i tinap lɛk man, ɛn lɛ i nɔ fred natin; nain na di pɔsin we fɔ kɛr di Izrɛlayt dɛn go na di land we i bin dɔn swɛ se in go gi dɛn, ɛn in go de wit am.

Jɛnɛsis 31:3

Nain PAPA GƆD tɛl Jekɔb se, “Go bak to yu fambul dɛn na da kɔntri we yu papa dɛn kɔmɔt. A go de wit yu.”

Ɛksodɔs 4:15

Yu go tɔk to am ɛn yu go de tɛl am wetin fɔ se. A go ɛp una ɔl tu fɔ tɔk ɛn a go de tɛl una wetin fɔ se.

Ɛksodɔs 4:12

Go wantɛm go du wetin a tɛl yu. A go ɛp yu fɔ tɔk ɛn a go tɛl yu wetin fɔ se.”

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Ayzaya 43:2

We yu de pas na wata, a go de wit yu; ɛn we yu de pas na dɛn riva, yu nɔ go drawn; we yu waka insay faya, yu nɔ go bɔn ɛn di flem nɔ go kil yu.

Apɔsul Dɛn Wok 11:21

Gɔd in pawa bin de pan dɛn, dat mek plɛnti pipul biliv pan Jizɔs ɛn tek Jizɔs fɔ dɛn Masta.

Mak 16:20

Di lanin bɔy dɛn go ɔlɔbɔt na wɔl de tɛl pipul di Gud Nyuz, ɛn di Masta bin de ɛp dɛn, ɛn mek dɛn du plɛnti wɔndaful wok we fɔ mek pipul no se na tru dɛn de tɔk.] 9 Di uman dɛn go to Pita ɛn in kɔmpin dɛn ɛn tɛl dɛn ɔl wetin di yɔŋ man tɛl dɛn, dɛn nɔ tek lɔŋ fɔ du dat. 10 Afta dat, Jizɔs sɛn in lanin bɔy dɛn go ɔlɔbɔt na wɔl fɔ tɛl pipul di mɛsej bɔt aw Gɔd go sev dɛn, dat na di mɛsej we go de sote go ɛn we Gɔd insɛf sɛn kam na wɔl.

Di Ibru Pipul Dɛn 13:5

Una nɔ put ɔl una at pan kɔpɔ ɔltɛm, una fɔ satisfay wit wetin una gɛt, bikɔs Gɔd dɔn se, “A nɔ go lɛf yu, a go de wit yu ɔltɛm fɔ ɛp yu.”

Ayzaya 7:14

Fɔseka dat, PAPA GƆD insɛf go gi una sayn. Wan yɔŋgyal go gɛt bɛlɛ ɛn go bɔn pikin, ɛn i go gi am nem, Imanyuɛl.

Di Sam Dɛm 86:17

PAPA GƆD du sɔntin fɔ sho se yu stil lɛk mi so dat mi ɛnimi dɛn go si ɛn kɔle. Lɛ dɛn shem ɛn disgres bikɔs yu PAPA GƆD we na mi PAPA GƆD dɔn ɛp mi, yu dɔn koks mi.

Ayzaya 37:30

Na de Ayzaya tɛl Kiŋ Ɛzikaya se i gɛt fɔ si wan sayn. Di sayn na, da ia de, i go it wetin bɔs na grɔn fɔ insɛf. Di nɛks ia, na wetin lɛf pan di tin dɛn we bin bɔs i go it; dɔn di ɔda ia i go plant ɛn avɛst kɔn, vayn ɛn grep we i go it.

Di Jɔj Dɛm 7:11

ɛn we i yɛri wetin dɛn de tɔk, i go gɛt maynd fɔ go atak di kamp. So, in ɛn in wokman we nem Pura go waka na di gyad dɛn we ol wɛpɔn dɛn eria na di kamp.

Di Jɔj Dɛm 6:21

PAPA GƆD in enjɛl tek di tik we i bin ol tɔch di bif ɛn di bred we nɔ gɛt yist; nain faya kech na di ston ɛn bɔn di bif ɛn di bred. Wantɛm wantɛm PAPA GƆD in enjɛl jɛs lɔs kɔmɔ de.

Di Jɔj Dɛm 6:17

Nain Gidiɔn tɛl PAPA GƆD se if PAPA GƆD dɔn pik am fɔ tru, lɛ i du sɔntin we go sho se fɔ tru tru, nain PAPA GƆD de tɔk to am.

Jɛnɛsis 15:1

Afta ɔl wetin bin dɔn apin, PAPA GƆD apia to Ebram na vishɔn. I tɛl am se, “Nɔ fred, Ebram. A go kɔba yu ɛn a go gi yu ɔlkayn gud tin.”

Jɛnɛsis 15:8

Bɔt Ebram aks am se, “PAPA GƆD, aw a go no se i go bi mi yon?”

Apɔsul Dɛn Wok 7:7

Bɔt a go jɔj di pipul dɛn we tek dɛn mek slev. Da tɛm de yu grampikin pikin dɛm go kɔmɔt pan slev layf ɛn dɛn go kam na Jerusɛlɛm fɔ kam pre to mi.’

Ɛksodɔs 3:1

Mozis bin de mɛn in fadɛnlɔ we bin nem Jɛthro in ship ɛn got dɛn. Jɛthro na man we bin de mek sakrifays fɔ pipul sin na Midian. Wande, Mozis bin kɛr di ship ɛn got dɛn go insay di ples we pɔsin nɔ go ebul tap te rich Mawnt Ɔrɛb, we na we PAPA GƆD in mawnten.

Ɛksodɔs 3:13

Nain Mozis tɔk bak se, if in go to di Izrɛlayt dɛn ɛn tɛl dɛn se di PAPA GƆD we dɛn papa dɛn bin de wɔship sɛn am to dɛn nɔ go biliv am, ɛn if dɛn aks am se, ‘wetin nain nem,’ wetin in fɔ ansa dɛn se.

Ɛksodɔs 18:5

Jɛthro kɛr Mozis in wɛf ɛn in tu bɔypikin go mit Mozis na di di ɛmti ples we pɔsin nɔ go ebul tap na usay i bin de na di oli mawnten.

Ɛksodɔs 33:14

PAPA GƆD ansa Mozis. I se, “Misɛf sɛf go de wit yu ɛn yu go gɛt kol at.”

Di Nɔmba Dɛm 16:28

Mozis tɛl dɛn se na dis go mek dɛn no se na PAPA GƆD sɛn am fɔ du ɔl wetin i de du ɛn dat nɔto bay insɛf i de du am.

Di Nɔmba Dɛm 23:21

I nɔ de luk se Izrɛl in jɛnareshɔn bin du am bad ɔ pan ɔl di bad tin dɛn we di Izrɛlayt dɛn dɔn du. PAPA GƆD we na dɛn PAPA GƆD de wit dɛn; nain de tɔk fɔ dɛn.

Di Jɔj Dɛm 6:16

Nain PAPA GƆD ansa an se in go de wit an ɛn in go mek i ebul kil ɔl di Midianayt dɛn lɛk we dɛn go kil wan pɔsin.

2 Kiŋ 19:29

Na de Ayzaya tɛl Kiŋ Ɛzikaya se i gɛt fɔ si wan sayn. Di sayn na da ia de i go it wetin bɔs na grɔn fɔ insɛf di nɛks ia na wetin lɛf pan di tin dɛn we bin bɔs i go it; dɔn di ɔda ia i go plant ɛn avɛst kɔn, vayn ɛn grep we i go it.

Jɛrimaya 1:8

Nɔ fred dɛm, bikɔs a de wit yu fɔ sev yu,” na so PAPA GƆD se.

Jɛnɛsis 26:3

Nɔ muf na ya naw ɛn a go de wit yu ɛn blɛs yu. A go gi yu ɛn yu jɛnareshɔn ɔl dis land lɛkɛ aw a bin dɔn swɛ to yu papa Ebraam se a go du.

Ɛksodɔs 8:27

I tɛl di kiŋ se dɛn gɛt fɔ travul tri de go na di ples we pɔsin nɔ go ebul tap ɛn ɔfa sakrifays to dɛn yon PAPA GƆD, lɛkɛ aw i dɔn kɔmand wi fɔ du.

Di Jɔj Dɛm 6:12

PAPA GƆD in enjɛl apia to Gidiɔn ɛn tɛl am se in na man we brev ɛn gɛt trɛnk, ɛn PAPA GƆD de wit am.

1 Samiɛl 14:10

Bɔt if dɛn tɛl dɛn fɔ go mit dɛn, dɛn fɔ go bikɔs dat go sho se PAPA GƆD de ɛp dɛn fɔ bit di Filistin dɛn.

1 Kronikuls 9:20

Na Finias we na Ɛlieza in bɔypikin, na bin dɛn fɔstɛm kɔmand; PAPA GƆD bin de wit am.