Ɛksodɔs 3:10 - Krio Fɔs Oli Baybul

¹⁰ A de sɛn yu go naw to di kiŋ fɔ go pul mi pipul dɛn we na di Izrɛlayt dɛn kɔmɔt na Ijipt.”

Ɛksodɔs 3:10 Referans Kwoze

Mayka 6:4

A pul una kɔmɔt pan di slev layf we una bin de pan na Ijipt ɛn sɛn Mozis, Erɔn ɛn Miriam fɔ lid una.

Di Sam Dɛm 105:26

I sɛn in savant Mozis, ɛn Erɔn we i pik go na Ijipt.

1 Samiɛl 12:6

Samiɛl tɛl di pipul dɛn se na PAPA GƆD bin pik Mozis ɛn Erɔn we pul dɛn grampa dɛn kɔmɔt na Ijipt.

Apɔsul Dɛn Wok 7:34

A dɔn si di waala we mi pipul dɛn de pan na Ijipt. A dɔn yɛri we dɛn de pini bikɔs dɛn de sɔfa ɛn a dɔn kam dɔŋ naw fɔ kam pul dɛn pan dɛn waala. So kam, mek a sɛn yu go Ijipt.’

Di Sam Dɛm 77:20

Yu lid yu pipul lɛk aw man we de mɛn ship kin lid in ship dɛn yu yuz Mozis ɛn Erɔn fɔ lid yu pipul.

Apɔsul Dɛn Wok 7:36

Mozis du plɛnti wɔndaful tin dɛn we mek i ebul pul in pipul dɛn kɔmɔt na Ijipt, insay di wata we nem Rɛd Si, ɛn pul dɛn kɔmɔt na di dɛzat we dɛn bin de fɔti ia.

Ozie 12:13

Na wan prɔfɛt PAPA GƆD yuz fɔ pul Izrɛl kɔmɔt Ijipt ɛn na prɔfɛt bak i yuz fɔ mek shɔ se dɛn de du wetin PAPA GƆD want.

Apɔsul Dɛn Wok 7:6

Gɔd bin tɛl Ebraam se, ‘Ebraam, dɛn go tek yu grampikin pikin dɛm mek slev, ɛn dɛn go kɛr dɛn go na ɔda kɔntri ɛn di pipul dɛn na di ɔda kɔntri go du yu grampikin pikin dɛm bad. Yu grampikin pikin dɛm go bi slev fɔ fo ɔndrɛd ia.

Apɔsul Dɛn Wok 7:7

Bɔt a go jɔj di pipul dɛn we tek dɛn mek slev. Da tɛm de yu grampikin pikin dɛm go kɔmɔt pan slev layf ɛn dɛn go kam na Jerusɛlɛm fɔ kam pre to mi.’

Jɛnɛsis 15:13

Nain PAPA GƆD tɛl am se, “No naw fɔ tru tru se, yu jɛnareshɔn dɛn go bi trenja na ɔda kɔntri; dɛn go bi slev de ɛn dɛn go trit dɛn bad fɔ fo ɔndrɛd ia.

Jɛnɛsis 15:14

Bɔt a go pɔnish di kɔntri we go tɔn dɛn to slev, ɛn we dɛn de kɔmɔt na da kɔntri de dɛn go jɛntri.

Ɛksodɔs 6:26

Na dɛn sem Erɔn ɛn Mozis ya, PAPA GƆD bin sɛn fɔ go pul di Izrɛlayt dɛn kɔmɔt na Ijipt akɔdin to dɛn fambul.

Ɛksodɔs 12:40

Di Izrɛlayt dɛn bin de na Ijipt fɔ fo ɔndrɛd ɛn tati ia,

Ɛksodɔs 12:41

ɛn na di vɛri de we mek dɛn fo ɔndrɛd ɛn tati ia ɔl di Izrɛlayt famili dɛn kɔmɔt na Ijipt.

Ɛksodɔs 33:12

Mozis tɔk to PAPA GƆD. I se, “Na tru se yu dɔn pik mi fɔ lid dɛn pipul ya, bɔt yu nɔ tɛl mi udat go go wit mi. Yɛs, yu dɔn tɔk se yu no mi gud gud fashin ɛn yu lɛk mi.

Ɛksodɔs 33:13

Duya, if fɔ tru, tru se yu lɛk mi, tɛl mi wetin yu mekɔp fɔ lɛ a go de sav yu ɛn pliz yu. Nɔ fɔgɛt se na dɛn pipul ya yu dɔn pik fɔ bi yu yon.”

1 Samiɛl 12:8

I tɛl dɛn aw Jekɔb ɛn in famili bin go de na Ijipt we di Ijipshian dɛn bin de du dɛn bad, dɛn beg PAPA GƆD fɔ ɛp dɛn dɔn in sɛn Mozis ɛn Erɔn we go pul dɛn grampa dɛn na Ijipt ɛn lɛf dɛn fɔ sɛtul usay dɛn de so.

Di Jɔj Dɛm 6:14

Nain PAPA GƆD tɔn to am ɛn tɛl am se in de sɛn am naw; lɛ i go lɛk man lɛk we in na trɛnkman so, go fri Izrɛl kɔmɔt na di Midianayt dɛn an.