Ɛksodɔs 3:1 - Krio Fɔs Oli Baybul

¹ Mozis bin de mɛn in fadɛnlɔ we bin nem Jɛthro in ship ɛn got dɛn. Jɛthro na man we bin de mek sakrifays fɔ pipul sin na Midian. Wande, Mozis bin kɛr di ship ɛn got dɛn go insay di ples we pɔsin nɔ go ebul tap te rich Mawnt Ɔrɛb, we na we PAPA GƆD in mawnten.

Ɛksodɔs 3:1 Referans Kwoze

1 Kiŋ 19:8

I grap bak, i it ɛn drink; na da it de de nain bɛlɛ we gi am trɛnk fɔ fɔti de ɛn fɔti nɛt te i rich Saynay we na PAPA GƆD in mawnten.

Ɛksodɔs 17:6

A go tinap bifo yu pantap wan rɔk na Mawnt Ɔrɛb. Tek di tik nak di rɔk, dɛn wata go bɔs kɔmɔt pan am fɔ lɛ di pipul dɛn go drink.” Mozis du wetin PAPA GƆD tɛl am bifo di bigman dɛn na Izrɛl dɛn yay.

Di Nɔmba Dɛm 10:29

Mozis tɛl Obab, in fadɛnlɔ Ruɛl in bɔypikin we na Midianayt se dɛn de go na di ples we PAPA GƆD bin dɔn tɛl dɛn se in go gi dɛn. I tɛl am se lɛ i go wit dɛn. I se dɛn go trit am fayn bikɔs PAPA GƆD dɔn prɔmis fɔ gi di Izrɛlayt dɛn gud tin.

Malakay 4:4

I se dɛn fɔ mɛmba ɔl wetin i bin dɔn tɛl in savant, Mozis na Mawnt Saynay se dɛn fɔ du.

Di Jɔj Dɛm 4:11

As ɔl dat bin de apin, wan man we nem Ibɔ we na Kenayt, bɔt bin dɔn kɔmɔt nia di Kenayt pipul dɛn we na Mozis in fadɛnlɔ, Obab, in jɛnareshɔn, ɛn bin dɔn go bil in tɛnt nia wan kɔtin tri na Zananim nia Kedɛsh.

Ɛksodɔs 19:11

rɛdi dɛnsɛf fɔ di tɔd de, bikɔs na da de de a go kam dɔŋ na Mawnt Saynay usay ɔlman go si mi.

Lyuk 2:8

Na da sem pat de, sɔm shɛpad dɛn bin sidɔm de wach dɛn ship, na bin nɛt.

Di Sam Dɛm 106:19

We dɛn bin de na Mawnt Ɔrɛb, dɛn mek wan pikin kaw wit ayɛn ɛn bigin wɔship am.

Ditarɔnɔmi 4:10

I se dɛn fɔ tɛl dɛn aw na da de we dɛn bin de usay PAPA GƆD we na dɛn PAPA GƆD bin bɔs pan dɛn na Mawnt Saynay, PAPA GƆD bin tɛl am mek i gɛda ɔl di pipul dɛn bikɔs i want lɛ dɛn yɛri ɔl wetin i de tɔk, so dɛn go no se dɛn fɔ rɛspɛkt am te dɛn day ɛn dɛn fɔ lan dɛn pikin bɔt ɔl dɛn tin dɛn de.

Ditarɔnɔmi 1:6

PAPA GƆD we na dɛn GƆD bin tɛl dɛn na Mawnt Saynay se i dɔn du so we dɛn de na da mawnten de.

Ɛksodɔs 24:13

So Mozis go ɔp di mawnten. I kɛr in asistant Jɔshwa ɔp di oli mawnten.

Ɛksodɔs 19:3

Mozis go ɔp di mawnten fɔ go mit PAPA GƆD. Na ɔp di mawnten i de we PAPA GƆD kɔl am ɛn tɛl am se; “Mozis, tɛl di Izrɛlayt dɛn, dat na Jekɔb in jɛnareshɔn dɛn se,

Ɛksodɔs 3:5

PAPA GƆD tɛl Mozis se, “Jɛs tap usay yu de, ɛn pul yu sandals kɔmɔt na yu fut bikɔs di ples we yu tinap so oli.”

Ɛksodɔs 2:16

Wan man bi de Midian we bin de mek sakrifays fɔ pipul sin. I bin gɛt sɛvin gyal pikin. Dɛn bin go na di wɛl fut gɛt wata tɔn am na di dɛn papa in ship ɛn got dɛn de drink.

Emɔs 1:1

Dis na wetin Emɔs we de mɛn ship we kɔmɔt Tɛkoa tɔk. PAPA GƆD sho ɔl dɛn tin ya to Emɔs bɔt Izrɛl tu ia bifo di athkwek bi, di tɛm we Uzaya na bin kiŋ na Juda, dɔn Jɛroboam we na Jɛoash in bɔypikin na bin kiŋ na Izrɛl.

Ɛksodɔs 4:27

PAPA GƆD tɛl Erɔn fɔ go na di ples we pɔsin nɔ go ebul tap fɔ go mit Mozis, in ɛn Mozis mit na PAPA GƆD in mawnten, i kis am fɔ tɛl am adu.

Ɛksodɔs 2:21

Mozis gri fɔ tap wit di man ɛn i gi am in gyal pikin Zipora fɔ mared.

Ɛksodɔs 2:18

Wɛn dɛn rich na os to dɛn papa Ruɛl, i aks dɛn wetindu dɛn tɔn bak kwik.

Apɔsul Dɛn Wok 7:30

“Wɛn fɔti ia bin dɔn pas, wan enjɛl go mit Mozis na da ay il we nem Mawnt Saynay. Di enjɛl bin de insay di faya we bin de kɔmɔt pan wan smɔl tik.

Ɛksodɔs 3:12

Na de PAPA GƆD se, “A go de wit yu, ɛn fɔ sho se na mi sɛn yu we yu pul di Izrɛlayt dɛn kɔmɔt Ijipt, na dis mawnten una ɔl go kam wɔship mi.”

Ɛksodɔs 4:18

Afta dat Mozis go to in fadɛnlɔ Jɛthro ɛn beg am se in wan go bak na Ijipt fɔ go si aw in pipul dɛn de du. Jɛthro se in gri, ɛn blɛs am lɛ i go

Ɛksodɔs 18:12

Nain Jɛthro, dat na Mozis in fadɛnlɔ gi wan animal fɔ mek dɛn bɔn am as sakrifays to PAPA GƆD. Erɔn ɛn di ɔda Izrɛlayt bigman dɛn jɔyn Mozis in fadɛnlɔ pan di sakrifays ɛn it wit am ɛn wɔship PAPA GƆD.

Ɛksodɔs 19:2

Dɛn rich de di fɔs de na di tɔd mɔnt. Dɛn bil dɛn tɛnt dɔŋ say na di mawnten.

Ɛksodɔs 33:6

Frɔm da say de na Mawnt Ɔrɛb te dɛn de go naw, di pipul dɛn nɔ wɛr gold igen, ɔlman bin pul in yon.

Ditarɔnɔmi 1:2

Na ilɛvin de pɔsin go tek fɔ waka frɔm Mawnt Saynay to Kedɛsh Bania, dat na if i pas bay Idɔm.

Di Nɔmba Dɛm 10:33

So dɛn lɛf di mawnten usay PAPA GƆD de ɛn waka fɔ tri de. Di Kɔvinant Bɔks bin de bifo dɛn fɔ di tri de fɔ fɛn ples fɔ dɛn fɔ tap.

1 Samiɛl 16:11

I aks Jɛsi if na ɔl in bɔypikin dɔn so. Na da tɛm de Jɛsi tɛl am se na di wan we smɔl pas dɛn ɔl lɛf bɔt dat in de mɛn di ship dɛn. Samiɛl se dɛn fɔ go kɔl am bikɔs dɛn nɔ gɛt fɔ sidɔm it te i kam.

1 Kiŋ 19:19

Wɛn Ilayja kɔmɔt de, i mit Ilaɛlsha we na Shafat in bɔypikin de wok in fam wit twɛnti fo kaw we dɛn jɔyn tu tu fɔ dig ɛn nain bin de kɔntrol di las tu. Ilayja go mit am ɛn ib di matirial we i kin ɛŋ rawnd in sholda pan am.