Ɛksodɔs 29:1 - Krio Fɔs Oli Baybul

¹ PAPA GƆD se, “Na dis kayn sɛrimɔni a want yu fɔ pafɔm we yu de Ɔden Erɔn ɛn in bɔypikin dɛn fɔ de sav mi as man dɛn we de mek sakrifays. Tek wan yɔŋ man kaw ɛn tu bigman ship we nɔ gɛt nɔn bɔt pan dɛn.

Ɛksodɔs 29:1 Referans Kwoze

Pita In Fɔs Lɛta 1:19

bɔt na Krays in yon blɔd dɛn tek pe fɔ una, Krays we na lɛkɛ Ship we nɔ gɛt bɔt.

Di Ibru Pipul Dɛn 7:26

So Jizɔs na di edman we de mek sakrifays fɔ pipul sin ɛn i de gi wi ɔl wetin wi fɔ gɛt. I de du wetin rayt ɔltɛm; i nɔ gɛt sin nain layf; sin nɔ gɛt pawa pan am; ɛn i de nain ples we de na ɛvin.

Ɛksodɔs 12:5

Di animal dɛn we una pik fɔ bi wan ia ol got ɔ ship ɛn i nɔ fɔ gɛt bɔt pan in bɔdi.

Matyu 6:9

Mek a tɛl una aw una fɔ pre, una fɔ se: ‘Papa Gɔd we de na ɛvin: Na yu wangren na Gɔd, mek ɔlman pre to yu ɛn ɔna yu;

2 Kronikuls 13:9

Una nɔ dɔn drɛb PAPA GƆD in man dɛn we de mek sakrifays fɔ pipul sin we na Erɔn in pikin dɛn ɛn di Livayt dɛn, ɛn mek man dɛn we de mek sakrifays fɔ pɔpul sin fɔ una sɛf lɛk di pipul dɛm na ɔda kɔntri dɛn? Ɛnibɔdi we kam kɔnsikret insɛf wit wan yɔŋ man kaw or sɛvin man ship, yu de mek am man we de mek sakrifays fɔ pipul sin fɔ tin dɛn we nɔto gɔd.

Lɛvitikɔs 22:20

Nɔ fɔ gi ɛnitin we gɛt bɔt bikɔs i nɔ go tek am.

Lɛvitikɔs 16:3

I se pas if Erɔn go de wit wan yɔŋ man kaw fɔ sin ɔfrin ɛn wan man ship fɔ bɔn ɔfrin.

Lɛvitikɔs 9:2

ɛn tɛl Erɔn se i fɔ mek sin ɔfrin wit wan yɔŋ man kaw we nɔ gɛt bɔt, ɛn bɔn ɔfrin wit wan man ship we insɛf nɔ fɔ gɛt bɔt to PAPA GƆD.

Lɛvitikɔs 6:6

I fɔ kɛr di man ship we nɔ gɛt bɔt, we i fɔ gi PAPA GƆD fɔ di sɔfa we i fɔ sɔfa go to di man we de mek sakrifays fɔ pipul sin. Da ɔfrin de fɔ gɛt di valyu we ɔfrin we de mek yu nɔ sɔfa gɛt.

Lɛvitikɔs 4:3

If na di man we de mek sakrifays fɔ pipul sin we dɛn anɔynt, sin, ɛn mek di pipul dɛn sɔfa fɔ dat, i fɔ ɔfa wan yɔŋ man kaw we nɔ gɛt bɔt, to PAPA GƆD as sin ɔfrin.

Ɛksodɔs 29:21

Tek sɔm pan di blɔd we de na di ɔlta ɛn di ɔyl we yu de tek Ɔden ɛn sprinkul am pan Erɔn lɛ i go pan in klos; dɔn sprinkul am bak pan in bɔypikin dɛn ɛn dɛn klos, so dat in ɛn in bɔypikin dɛn go oli we dɛn de sav mi.

Ɛksodɔs 28:3

Fɛn dɛn gud telaman we a dɔn gi skil fɔ sabi so, fɔ so Erɔn in gawn, bikɔs na di gawn i go wɛr fɔ in ɔdineshɔn as mi yon wokman we de mek sakrifays fɔ pipul sin.

Ɛksodɔs 28:41

Yu fɔ wɛr di gawn dɛn pan yu brɔda Erɔn ɛn in bɔypikin dɛn. Yuz ɔliv ɔyl fɔ Ɔden dɛn ɛn anɔynt dɛn fɔ lɛ dɛn go de sav mi as man dɛn we de mek sakrifays fɔ pipul sin.

Ɛksodɔs 20:11

Na siks de PAPA GƆD tek fɔ mek ɛvin ɛn ath, di si ɛn ɔl wetin de insay de, bɔt i blo di de we mek sɛvin. So PAPA GƆD insɛf blɛs da de de, ɛn mek am oli.

Lɛvitikɔs 8:1

PAPA GƆD tɛl Mozis se,

Izikɛl 43:23

Wɛn yu dɔn dɔn fɔ klin am spirichwal, yu go ɔfa wan man kaw we nɔ gɛt ɛni bɔt, ɛn manship frɔm di bɔku ship we nɔ gɛt ɛni bɔt.

Ɛksodɔs 28:1

PAPA GƆD tɔk to Mozis bak. I se, “Kɔl yu brɔda Erɔn wit in bɔypikin dɛn, we na Nadab, Abiu, Ɛlieza ɛn Ithama. Pul dɛn kɔmɔt to di Izrɛlayt dɛn. Dɛn yon wok fɔ mi na fɔ de mek sakrifays fɔ pipul sin.

Lɛvitikɔs 6:13

Di faya fɔ de kech ɔltɛm; i nɔ fɔ ɔt.

Lɛvitikɔs 7:35

Na di tin dɛn dis we fɔ bi fɔ di man dɛn we de mek sakrifays fɔ pipul sin pan di ɔfrin dɛn we dɛn mek na faya to PAPA GƆD, frɔm di tɛm we dɛn pre pan dɛn na so i fɔ bi;

Lɛvitikɔs 14:11

Ɛn di man we de mek sakrifays fɔ pipul sin go mek di man we bin gɛt di bad sik tinap wit ɔl in ɔfrin bifo PAPA GƆD na di tɛnt usay dɛn kin mit PAPA GƆD in domɔt.