Ɛksodɔs 28:9 - Krio Fɔs Oli Baybul

⁹ Tek tu ɔniks ston dɛn ɛn rayt Izrɛl in bɔypikin dɛn nem pan dɛn lɛkɛ aw dɛn bɔn,

Ɛksodɔs 28:9 Referans Kwoze

Izikɛl 28:13

yu bin de na Idɛn, PAPA GƆD in gadin. Ɔl kayn prɛshɔs ston na dɛm bin kɔba yu, kanɛlyan, Topaz ɛn Jaspa, krisolayt bɛril ɛn oniks Safaya, Kabɔnkul ɛn Ɛmirald; ɛn yu ɛngrevin dɛm bin wok insay gold’ Dɛn bin rɛdi dɛm di de dɛn bin mek yu

Ayzaya 49:16

A de tɛl yu, a dɔn kav yu na mi an dɛn; yu wɔl dɛn de bifo mi ɔltɛm.

Sɔlɔmɔn In Siŋ Dɛm 8:6

Fiks mi lɛkɛ lɔk na yu at lɛkɛ lɔk na yu an; bikɔs lɔv traŋa lɛk day, jɛlɔs wikɛd pas di grev. I de bɔs lɛk we faya de bɔs, di faya we wam tumɔs.

Job 28:16

Gold nɔ du fɔ tek kɔmpia wit am, dayamɔn sɛf nɔ du.

2 Kronikuls 2:7

So sɛn wan masta sabi wokman we sabi wok gold, silva, bras, ɛn ayɛn, ɛn wit pɔpul, rɛd ɛn blu matirial dɛm to mi, pɔsin we sabi kav, wok fɔ kan de wit di man dɛm we sabi wok wit dɛn an, we de wi mi na Juda ɛn Jerusɛlɛm; we mi Papa Devid bin dɔn gi mi.

Ɛksodɔs 39:13

dɔn na di las ro dɛn yuz bɛril, ɔniks ɛn jaspa. Dɛn yuz gold fɔ mach ɔl dɛn ston ya.

Ɛksodɔs 39:6

Dɛn rɛdi di ɔniks ston dɛn ɛn fiks dɛn wit gold; ɛn spɛl Jekɔb in twɛlv bɔypikin dɛn nem pan am lɛk stamp.

Ɛksodɔs 28:36

“Mek piɔ gold krawn ɛn rayt pan am. “Oli fɔ PAPA GƆD”.

Ɛksodɔs 28:20

di las ro in fɔ gɛt krosolayt, ɔniks ɛn jaspa ston. Yuz gold waya fɔ fasin, fasin dɛn.

Jɛnɛsis 2:12

Piɔ gold bin de de, wit fayn pafyum ɛn miniral ston dɛm.

Ɛksodɔs 28:8

Dɛn fɔ yuz di sem kayn matirial we dɛn yuz fɔ mek di ifɔd fɔ mek di sash. I fɔ gɛt fayn dizayn ɛn dɛn fɔ fasin am pan di ifɔd.

Ɛksodɔs 28:10

siks na wan ston ɛn siks na di ɔda ston.

Ɛksodɔs 25:7

ɔniks ston, ɔda ston dɛn fɔ di eprɔn we di edman pan di man dɛn we de mek sakrifays fɔ pipul sin de wɛr, ɛn fɔ di pawch we kin ɛŋ nain chɛst we na de i de kip di Yurim ɛn di Thumim.

Ɛksodɔs 31:5

fɔ mek ston tablɛt, ɛn kav tin dɛn ɛn mek bɔku ɔda tin dɛn.

1 Kronikuls 29:2

So a dɔn gɛda ɔltin fɔ mi Gɔd in os, to usay mi an ebul rich; di gold fɔ di gold tin dɛm, di silva fɔ di silva tin dɛm ɛn di bras fɔ di bras tin dɛm, bras fɔ di bras tin dɛm, ayɛn fɔ di ayɛn tin dɛm ɛn bod fɔ di bod tin dɛm, apat frɔm di ɔniks ɛn fayn fayn ston dɛm fɔ dɛkɔret, silva ɛn wayt mɛtal, difrɛn difrɛn kɔla ston dɛm, ɛn ɔl kayn valyuebul ston dɛm, ɛn mabul.

Zɛkaraya 9:16

Da de de, PAPA GƆD go sev dɛn bikɔs i go trit dɛn lɛk man we de mɛn ship. Lɛk aw dayamɔn pan krawn de shayn, na so dɛn go shayn na di land.