Ɛksodɔs 28:4 - Krio Fɔs Oli Baybul

⁴ Na dis kayn klos dɛn fɔ mek; di pawch we de de nain chɛst, di ifɔd, di gawn, ɔda lɔŋ chɛk gawn lɛkɛ kasɔk, Tɔban ɛn sash. Dɛn fɔ mek oli klos fɔ yu brɔda Erɔn ɛn in bɔypikin dɛn fɔ de wok fɔ mi as man dɛn we de mek sakrifays fɔ pipul sin.

Ɛksodɔs 28:4 Referans Kwoze

Rɛvɛleshɔn 9:17

A si di ɔs dɛn ɛn di pipul dɛn we bin de rayd dɛn, klia wan: dɛn chɛst bin kɔba wit tin lɛkɛ ayɛn klos we pipul de wɛr na wa, di ayɛn bin rɛd lɛkɛ faya, blu lɛkɛ si wata, ɛn yala lɛkɛ sɔlfa. Di ɔs dɛn ed bin fiba layɔn ed, ɛn faya wit smok ɛn ɔt sɔlfa bin de kɔmɔt na dɛn mɔt.

Lɛta Fɔ Ɛfisɔs 6:14

So una fɔ tinap traŋa: mek ɔl wetin tru bi di bɛlt we una fɔ tay; mek di rayt we bi di ayɛn plet we una go wɛr fɔ kɔba una chɛst wɛn una de fɛt.

Fɔs Lɛta Fɔ Tɛsalonayka 5:8

Bɔt wi we de waka na layt fɔ soba. Wi fɔ biliv Gɔd ɛn lɛk am: dat go tan lɛkɛ se wi wɛr tin fɔ tek gyad di bɔdi. Wi fɔ no se Gɔd dɔn sev wi: dat go tan lɛkɛ se wi wɛr at fɔ mek natin nɔ du wi ed.

Ayzaya 59:17

I wɛr raychɔsnɛs fɔ brɛsplet, ɛn wan ɛlmɛt ɔf salveshɔn, nain ed; I wɛr gamɛnt ɔf vɛnjɛns, fɔ in klos, ɛn rap insɛf insay bad bad vɛksteshɔn, fɔ ovakot.

Ayzaya 11:5

Na wetin rayt na PAPA GƆD in yay, i go tek tay in wes, ɛn na fɔ waka tret wit PAPA GƆD i go tek tay in trɔsis.

2 Samiɛl 6:14

Na so Devid bin de dans wit ɔl in at fɔ PAPA GƆD. I bin wɛr di Ifɔd we i de dans,

1 Samiɛl 30:7

Devid tɛl Abiata we na di man we de mek sakrifays fɔ pipul sin ɛn na Abimɛlɛk in bɔypikin fɔ briŋ di ifɔd. Abiata kɛr am go gi am,

1 Samiɛl 23:6

Wɛn Abiata, we na Abimɛlɛk in bɔypikin bin de rɔnawe go to Devid na Kiila, i bin tek di ifɔd go wit am.

1 Samiɛl 22:18

Dɛn di kiŋ tɔn to Doɛg, da Idɔmayt man ɛn ɔda am fɔ kil di man dɛn we de mek sakrifays fɔ pipul sin. So Doɛg insɛf tɔn ɛn kil dɛn ɔl. Na bin eti-fayv man i kil da de de, man dɛn we bin de mek sakrifays fɔ pipul sin, man dɛn we kin wɛr di ifɔd.

1 Samiɛl 2:18

Da sem tɛm de, Samiɛl bin de wok fɔ PAPA GƆD nain os. Na bin bɔbɔ. I kin wɛr wan spɛshal klos we dɛn tek linin matirial mek.

Ɛksodɔs 39:28

Dɛn so tɔban, kyap ɛn fayn linin shɔt trɔsis,

Ɛksodɔs 25:7

ɔniks ston, ɔda ston dɛn fɔ di eprɔn we di edman pan di man dɛn we de mek sakrifays fɔ pipul sin de wɛr, ɛn fɔ di pawch we kin ɛŋ nain chɛst we na de i de kip di Yurim ɛn di Thumim.

Ɛksodɔs 29:6

Wɛn yu dɔn du dat dɔn, wɛr di tɔban nain ed ɛn fiks di gold krawn we dɛn rayt pan am “Oli fɔ PAPA GƆD,” pan di tɔban.

Ozie 3:4

Di Izrɛlayt dɛn go de fɔ lɔŋ ɛn nɔ go gɛt kiŋ ɔ prins, dɛn nɔ go ivin mek sakrifays; ples ɔ pɔsin fɔ mek sakrifays nɔ go de, ɛn dɛn nɔ go ebul no wetin PAPA GƆD se.