Ɛksodɔs 28:2 - Krio Fɔs Oli Baybul

² Mek fayn oli gawn fɔ Erɔn we di edman fɔ dɛn man we de mek sakrifays fɔ pipul sin fit fɔ wɛr.

Ɛksodɔs 28:2 Referans Kwoze

Lɛvitikɔs 8:30

Dɛn Mozis tek sɔm pan di ɔyl we na fɔ anɔynt ɛn sɔm pan di blɔd we bin de pan di ɔlta ɛn sprinkul am pan Erɔn, in bɔypikin dɛn ɛn dɛn klos dɛn; na so i sho se na PAPA GƆD gɛt Erɔn, in bɔypikin dɛn ɛn dɛn klos dɛn.

Ɛksodɔs 31:10

di fayn dizayn klos fɔ di man dɛn we de mek sakrifays fɔ pipul sin, lɛkɛ Erɔn ɛn in bɔypikin dɛn we de sav mi,

Rɛvɛleshɔn 19:8

Dɛn gi am fayn klin wayt linin klos fɔ wɛr.” (Di fayn linin de sho aw Gɔd in pipul dɛn de waka tret.)

Di Ibru Pipul Dɛn 7:26

So Jizɔs na di edman we de mek sakrifays fɔ pipul sin ɛn i de gi wi ɔl wetin wi fɔ gɛt. I de du wetin rayt ɔltɛm; i nɔ gɛt sin nain layf; sin nɔ gɛt pawa pan am; ɛn i de nain ples we de na ɛvin.

Job 40:10

“If na so i bi, lɛ a si di rɛspɛkt ɛn pawa we yu gɛt; drɛs wit dia dia klos dɛn we kiŋ dɛn kin wɛr.

Ɛksodɔs 28:40

Mek chɛk kot, sash ɛn tɔban fɔ Erɔn in bɔypikin dɛn we go mek dɛnsɛf gɛt smɔl ɛyɛ.

Rɛvɛleshɔn 5:10

Yu dɔn mek dɛn kam ɔnda Gɔd in rul ɛn bi pipul we de mek sakrifays to wi Gɔd, ɛn na dɛn go kam rul na dis wɔl.”

Jɔn In Fɔs Lɛta 3:2

Mi padi dɛn we a lɛk, wi na Gɔd in pikin dɛn naw; wi nɔ no yet wetin wi go bi bambay, bɔt wi no se wɛn Krays insɛf kam bak wi go tan lɛkɛ am, bikɔs da tɛm de wi go si aw i tan fɔ tru.

Pita In Sɛkɛn Lɛta 1:17

Wi bin de wɛn Gɔd we na wi Papa gi wi Masta Jizɔs Krays big ɔna ɛn pawa, ɛn wi yɛri big ɛn wɔndaful vɔys, we kɔmɔt ɔp to Gɔd na ɛvin de tɔk se, “Dis na mi Pikin we a lɛk bad. A satisfay wit am.”

Di Ibru Pipul Dɛn 2:9

Bɔt wi no se Jizɔs de rul ɔltin. Fɔstɛm, Gɔd bin mek di enjɛl dɛn pas Jizɔs fɔ shɔt tɛm, so di lɛk we Gɔd lɛk mɔtalman ɛn di sɔri we i sɔri fɔ am, mek i mek Jizɔs sɔfa ɛn day fɔseka mɔtalman. Bikɔs Jizɔs sɔfa ɛn day, dat mek Gɔd gi am pawa, ɔna ɛn rɛspɛkt.

Lɛta Fɔ Galeshya 3:27

Una dɔn baptayz, so una gɛt wanwɔd wit Jizɔs Krays ɛn una ɔl dɔn mekɔp fɔ tan lɛkɛ Jizɔs Krays.

Lɛta Fɔ Rom 13:14

Mek Masta Jizɔs Krays bi lɛkɛ di klos we wi de wɛr, mek i rul ɔl wi layf, ɛn mek wi lɛf fɔ du dɛn bad tin we wi at gi wi fɔ du.

Lɛta Fɔ Rom 3:22

Gɔd de mek ɔltin rayt bitwin in ɛn mɔtalman, if mɔtalman biliv pan Jizɔs Krays. Gɔd de du dat fɔ ɔlman we biliv pan Jizɔs Krays, fɔ dɛn Ju ɛn fɔ dɛn pipul we nɔto Ju, bikɔs i nɔ luk se wan sɛt difrɛn frɔm di ɔda wan.

Jɔn 1:14

Di Wɔd kam bi mɔtalman ɛn tap wit wi, i mek wi no ɔltin we tru bɔt Gɔd, ɛn i du wi gud ɔltɛm. Wi si di wɔndaful ɔna ɛn pawa we i gɛt, ɛn na Gɔd gi am da wɔndaful ɔna ɛn pawa de, bikɔs in na di Papa in wangren Pikin.

Ayzaya 64:6

We ɔl dɔn tan lɛk pɔsin we nɔ klin na Gɔd yay, ɛn ɔl di tin dɛn we wi de du se wi de waka tret na PAPA GƆD in yay, tan lɛk smɛl dɔti klos. Wi ɔl de fed lɛk lif, ɛn wi sin dɛn de kɛr wi go lɛk briz.

Ayzaya 61:10

A go gladi ebi ebi wan fɔ PAPA GƆD, mi sol go es mi Gɔd ɔp; bikɔs i dɔn wɛr salveshɔn klos pan mi, I dɔn kɔba mi wit raychɔsnɛs gawn, lɛk aw dɛn ɔkɔ kin put plɛnti plɛnti galans pan insɛf, ɛn lɛk we yawo kin drɛs insɛf wit in riŋ ɛn chen dɛm.

Ayzaya 61:3

fɔ gi dɛn wan dɛn na Zayɔn we dɛn at de blid– fɔ gi dɛn galans instɛd ɔf ashis, gladi gladi ɔyl, instɛd ɔf at we de blid, Prez ova kot instɛd ɔf taya bɔdi; so dat dɛn go kɔl dɛn di kɔtintri fɔ waka tret na PAPA GƆD in yay, di tin we PAPA GƆD plant, mek I go gɛt glori.

Ayzaya 4:2

Da de de, PAPA GƆD in branch go fayn ɛn ɔlman go wan si am, ɛn na di frut we di grɔn go bia, di wan dɛn we lɛf na Izrɛl, go tek blɔf ɛn mek nem.

Di Sam Dɛm 149:4

Bikɔs PAPA GƆD kin lɛk we in pipul gladi; so i de sev dɛn mek dɛn gladi mɔ.

Di Sam Dɛm 132:16

Dɛn man dɛn we de mek sakrifays fɔ pipul sin go bi sef ɛn dɛn pipul we de du wetin PAPA GƆD se, go de ala ɔltɛm wit gladi.

Di Sam Dɛm 132:9

Lɛ yu man dɛn we de mek sakrifays fɔ di pipul sin, de du wetin rayt; ɛn lɛ di pipul de du wetin yu want ɛn ala wit gladi.

Di Sam Dɛm 96:6

We yu luk PAPA GƆD, yu no se na Kiŋ da wande as yu si di tin dɛn nɔmɔ nain os, yu no se i gɛt trɛnk ɛn i fayn fɔ luk.

Ɛksodɔs 40:13

dɔn yu drɛs Erɔn wit di spɛshal gawn, ɛn anɔynt ɛn kɔnsikret am fɔ lɛ i go de sav mi as man we de mek sakrifays fɔ pipul sin.

Ayzaya 52:1

Grap o, grap, pik trɛnk, yu Zayɔn; wɛr yu fayn fayn klos dɛn, Yu Jerusɛlɛm, we na di oli siti; bikɔs dɛn nɔ go kam insay to yu igen dɛn wan we nɔ sakɔmsayz ɛn we nɔ klin

Ɛksodɔs 29:28

A de gi ɔda naw se ɛnitɛm we mi pipul dɛn de ɔfa sakrifays fɔ pis, na di man dɛn we de mek sakrifays fɔ pipul sin fɔ gɛt di chɛst ɛn di lɛg pan di animal. Na dat fɔ bi di pipul dɛn gift to mi PAPA GƆD we na dɛn PAPA GƆD.