Ɛksodɔs 28:1 - Krio Fɔs Oli Baybul

¹ PAPA GƆD tɔk to Mozis bak. I se, “Kɔl yu brɔda Erɔn wit in bɔypikin dɛn, we na Nadab, Abiu, Ɛlieza ɛn Ithama. Pul dɛn kɔmɔt to di Izrɛlayt dɛn. Dɛn yon wok fɔ mi na fɔ de mek sakrifays fɔ pipul sin.

Ɛksodɔs 28:1 Referans Kwoze

Di Nɔmba Dɛm 18:7

Bɔt na yu ɛn yu bɔypikin dɛn nɔmɔ fɔ de as man dɛn we de mek sakrifays fɔ pipul sin ɛn we gɛt ɛnitin fɔ du wit di ɔlta ɛn di Tɛnt. A de mek una bi man dɛn we de mek sakrifays fɔ pipul sin as prɛzɛnt to una. Dɛn fɔ kil ɛni ɔda pɔsin we kam nia di Tɛnt.

1 Kronikuls 6:10

ɛn Joanan na Azaraya in Papa (nain na bin di ma we de mek sakrifays fɔ pipul sin na di os we Sɔlɔmɔn bil na Jerusɛlɛm.)

Ditarɔnɔmi 10:6

Afta ɔl dat, di Izrɛlayt dɛn travul frɔm dɛn Jaakan pipul dɛn wata wɛl go Mɔsɛra, usay Erɔn day, ɛn na de dɛn bɛr am. Na Ɛlieza, we na bin Erɔn in bɔypikin, dɛn mek di nyu man fɔ mek sakrifays fɔ pipul sin.

Di Nɔmba Dɛm 26:61

Bɔt Nadab ɛn Abiu bin day we dɛn mek sakrifays to PAPA GƆD wit faya we nɔ bin fayn fɔ am.

Di Nɔmba Dɛm 2:4

Dɛn na 74,600.

Lɛvitikɔs 10:12

Dɛn Mozis tɛl Erɔn, Ɛlieza ɛn Ithama we na Erɔn in tu bɔypikin we lɛf se dɛn fɔ tek di sid ɔfrin we lɛf pan di ɔfrin dɛn we dɛn bin mek na faya to PAPA GƆD, mek bred we nɔ gɛt yist de ɛn it am de na di ɔlta bikɔs na pat we oli pas ɔltin.

Lɛvitikɔs 10:1

Nedab ɛn Abiu, we na tu pan Erɔn in bɔypikin dɛn ɔltu tek di pan we dɛn kin bɔn insɛns ɛn put faya insay am, ɛn put insɛns insay am ɛn gi faya we PAPA GƆD nɔ tɛl dɛn fɔ du.

Lɛvitikɔs 8:2

mek i tek Erɔn ɛn in bɔypikin dɛn wit dɛn klos dɛn, ɛn di ɔyl we fɔ yuz fɔ anɔynt dɛn, ɛn di man kaw fɔ di sin ɔfrin, ɛn tu man ship wit wan blay ful wit bred we nɔ gɛt yist;

Ɛksodɔs 35:19

di fayn gawn dɛn fɔ di man dɛn we de mek sakrifays fɔ pipul sin fɔ de sav na di oli ples, di oli gawn fɔ Erɔn we na di edman fɔ di man dɛn we de mek sakrifays fɔ pipul sin ɛn in bɔypikin dɛn.

Ɛksodɔs 31:10

di fayn dizayn klos fɔ di man dɛn we de mek sakrifays fɔ pipul sin, lɛkɛ Erɔn ɛn in bɔypikin dɛn we de sav mi,

Ɛksodɔs 30:30

Anɔynt Erɔn ɛn in bɔypikin dɛn wit di ɔyl we dɔn kɔnsikret, ɛn Ɔden dɛn as man dɛn we de mek sakrifays fɔ pipul sin fɔ de sav mi.

Ɛksodɔs 29:44

“A go kɔnsikret di Tɛnt ɛn mek am oli; a go kɔnsikret Erɔn ɛn in bɔypikin dɛn ɛn mek dɛn de sav mi as man dɛn we de mek sakrifays fɔ pipul sin.

Ɛksodɔs 29:9

Na so yu fɔ du fɔ Ɔden Erɔn ɛn in bɔypikin dɛn. Dɛn ɛn dɛn jɛnareshɔn dɛn fɔ de sav mi as man dɛn we de mek sakrifays fɔ pipul sin te dɛn day.

Ɛksodɔs 29:1

PAPA GƆD se, “Na dis kayn sɛrimɔni a want yu fɔ pafɔm we yu de Ɔden Erɔn ɛn in bɔypikin dɛn fɔ de sav mi as man dɛn we de mek sakrifays. Tek wan yɔŋ man kaw ɛn tu bigman ship we nɔ gɛt nɔn bɔt pan dɛn.

Ɛksodɔs 28:41

Yu fɔ wɛr di gawn dɛn pan yu brɔda Erɔn ɛn in bɔypikin dɛn. Yuz ɔliv ɔyl fɔ Ɔden dɛn ɛn anɔynt dɛn fɔ lɛ dɛn go de sav mi as man dɛn we de mek sakrifays fɔ pipul sin.

Ɛksodɔs 24:9

Mozis, Erɔn, Nadab, Abiu ɛn di sɛvinti edman dɛn na Izrɛl go ɔp di mawnten,

Ɛksodɔs 24:1

PAPA GƆD tɔk to Mozis. I se, “Tek Erɔn, Nadab, ɛn Abiu, wit di sɛvinti edman dɛn na Izrɛl. Kam ɔp di mawnten fɔ wɔship mi bɔt una fɔ de dɔŋ say lilibit.

Ɛksodɔs 6:23

Erɔn mared Ilishɛba, we na Aminadab in gyal pikin ɛn Nashɔn in sista. Ilishɛba bɔn Nadab, Abiu, Ɛlieza ɛn Itama fɔ Erɔn.

Lyuk 1:8

Wan tɛm we na dɛn man we de na Abija in grup bin de wok na Gɔd in Os, Zakaraya bin de du in wok.

2 Kronikuls 11:14

Di Livayt dɛm lɛf di land we na dɛn ɔl bin gɛt ɛn dɛn prɔpati dɛm ɛn kam na Juda ɛn Jerusɛlɛm, bikɔs Jɛroboam ɛn in bɔypikin drɛb dɛn se dɛn nɔ go bi man dɛn we de mek sakrifays fɔ pipul sin fɔ PAPA GƆD igen

1 Samiɛl 2:28

I se, PAPA GƆD se i bin pik in papa fɔ bi man we de mek sakrifays fɔ pipul sin pan ɔl di fambul dɛn we bin de na Izrɛl. Nain papa i pik fɔ de go nain ɔlta, fɔ bɔn insɛns ɛn fɔ wɛr spɛshal klos usay i de. I se PAPA GƆD se i mek ɔl udat kɔmɔt na Ilaɛl in papa in os fɔ de gɛt ɔl di ɔfrin we bɔn na faya we di Izrɛlayt dɛn kin de mek.

1 Kronikuls 23:13

Amram in bɔypikin dɛm na bin Earɔn ɛn Mozis. PAPA GƆD bin pik Erɔn fɔ de kɔnsikret di tin dɛn we oli pas ɔl, ɛn in ɛn in bɔypikin dɛn fɔ de bɔn insɛns ɛn minista to PAPA GƆD ɛn tek in nem de blɛs sote go.

Di Sam Dɛm 99:6

Mozis ɛn Erɔn bin miks wit pipul we bin de mek sakrifays fɔ di Izrɛlayt dɛn sin, Samiɛl bin miks wit di wan dɛn we bin de pre fɔ di Izrɛlayt dɛn; Dɛn ɔl pre fɔ pipul ɛn PAPA GƆD ansa dɛn prea.

Lɛvitikɔs 7:35

Na di tin dɛn dis we fɔ bi fɔ di man dɛn we de mek sakrifays fɔ pipul sin pan di ɔfrin dɛn we dɛn mek na faya to PAPA GƆD, frɔm di tɛm we dɛn pre pan dɛn na so i fɔ bi;

Lɛvitikɔs 8:1

PAPA GƆD tɛl Mozis se,

Ditarɔnɔmi 18:5

Mozis se dɛn fɔ de du dɛn gud tin ya bikɔs na PAPA GƆD we na dɛn PAPA GƆD, luk ɔl di fambul dɛn, ɛn pik dɛn ɛn dɛn pikin dɛn fɔ wok fɔ am sote go.

1 Kronikuls 6:34

Samiɛl na Ɛlkenain bɔypikin. Ɛlkena na Jɛroam in bɔypikin. Jɛroam na Ilaɛl in bɔypikin. Ilaɛl na Toa in bɔypikin.

Di Sam Dɛm 115:10

Una we kɔmɔt na Erɔn in famili layn ɛn de sav PAPA GƆD nain os, unasɛf put una abop pan am; nain de ɛp una ɛn i de kɔba una.