Ɛksodɔs 27:21 - Krio Fɔs Oli Baybul

²¹ Erɔn ɛn in bɔypikin dɛn fɔ de tek kia ɔf di lamp. I fɔ layt frɔm ivintɛm te mɔnin. Dɛn fɔ put am insay di tɛnt bifo di Kɔvinant Bɔks. Di Izrɛlayt dɛn fɔ de du dis ɛvri de ɛn i nɔ fɔ ɛva tap.

Ɛksodɔs 27:21 Referans Kwoze

Di Nɔmba Dɛm 19:21

Na tin dis we fɔ bi te go. Di man we de sprinkul di wata we fɔ mek pɔsin klin na PAPA GƆD yay insɛf fɔ was in klos dɛn dɔn ɛnibɔdi we tɔch di wata nɔ go klin na PAPA GƆD yay te ivintɛm.

Di Nɔmba Dɛm 18:23

Na di Livayt dɛn fɔ wok na di Tɛnt usay dɛn kin mit ɛn so na dɛn rɛspɔnsibul fɔ ɛnitin we go rɔŋ de. Dis na tin we fɔ bi to ɔl jɛnareshɔn. Dɛnsɛf nɔ go gɛt fɔ gɛt pan ɛni prɔpati we di Izrɛlayt dɛn sheb.

2 Kronikuls 13:11

Dɛn de mek mek bɔn sakrifays ɛn bɔn insɛns dɛn we de smɛl swit fɔ PAPA GƆD, put put di sho bred na di tebul we dɛn tek piɔ gold ɛn sibɔt di gold lamp stand so dat in lamp dɛm go de dɔn ɛvri ivin; wi de du wetin PAPA GƆD we na wi Gɔd se, bɔt una dɔn tɔn una bak pan am.

1 Samiɛl 3:3

ɛn di spɛshal lamp we kin de bɔn na PAPA GƆD in os, bin stil de bɔn. Samiɛl bin lidɔm insay PAPA GƆD in os ɛn di Ak ɔf di Kɔvinant sɛf bin de de.

Lɛvitikɔs 16:34

Na di lɔ dɛn dis we go de na ɔl di jɛnareshɔn dɛn te go. Na fɔ de beg PAPA GƆD padin fɔ di Izrɛlayt dɛn sin dɛn wan tɛm fɔ ia. Mozis du wetin PAPA GƆD tɛl am fɔ du.

Lɛvitikɔs 3:17

Na tin dis we na lɔ ɛn i fɔ bi na ɔl di jɛnareshɔn, i lɛk usay dɛn de, dɛn nɔ fɔ it blɔd ɛn dɛn nɔ fɔ it fat.

Ɛksodɔs 30:8

I fɔ bɔn insɛns de bak ivintɛm we i go fɔ go sibɔt di lamp dɛn. I fɔ bɔn insɛns fɔ mi ɛn dat nɔ fɔ ɛva tap.

Pita In Sɛkɛn Lɛta 1:19

Dat mek wi biliv mɔ ɛn mɔ ɔl wetin dɛn prɔfɛt bin dɔn tɔk. I go gud if una tek dɛn wɔd ya lɛkɛ se dɛn na layt we de shayn na dak ples, ɛn mek da layt de shayn insay una at we bin dak, sote di big de kam, ɛn sote di mɔnin sta kam shayn insay una at.

Jɔn 5:35

Wetin Jɔn bin de tɔk bin tan lɛkɛ lamp we layt ɛn di layt brayt fɔ mek ɔlman si. Una bin gri fɔ mek di layt shayn pan una fɔs ɛn mek una at gladi.

1 Samiɛl 30:25

So Devid mek dat lɔ frɔm da de de te dɛn de tɛl di stori so.

Ɛksodɔs 28:43

Erɔn ɛn in bɔypikin dɛn fɔ wɛr am we dɛn de go insay di tɛnt, ɔ wɛn dɛn de go nia di ɔlta fɔ pafɔm dɛn dyuti na di oli ples. If dɛn nɔ wɛr da drɔz de ɛn dɛn kam bifo mi nekɛd wan dɛn go day. Erɔn ɛn ɔl dɛn wan we go gɛt fɔ sav afta am nɔ fɔ brok dis lɔ.”

Rɛvɛleshɔn 2:1

“Rayt dis mɛsej ya sɛn am go to di enjɛl we de gyad di Kristiɛn dɛn na Ɛfisɔs: “Na dis mɛsej ya di pɔsin we ol dɛn sɛvin sta nain raytan ɛn we de waka midul dɛn sɛvin gold lampolda, sɛn:

2 Kɔrint 4:6

Gɔd we se, “Layt go kɔmɔt na da say we dak!” Na di sem Gɔd mek in layt shayn insay wi at ɛn da layt de we de shayn na Krays in fes, nain de mek wi no aw Gɔd wɔndaful.

Lyuk 12:35

“Una fɔ rɛdi fɔ wetin de kam, una tay una bɛlt tayt, layt una lamp, ɛn nɔ mek dɛn ɔt.

Matyu 4:16

di pipul dɛn we bin lib de bin de na dak, dɛn nɔ bin no Gɔd, bɔt dɛn si big layt; dɛn bin tan lɛkɛ pipul we want day, bɔt di layt dɔn shayn pan dɛn.”

Malakay 2:7

PAPA GƆD Ɔlmayti se, man we de mek sakrifays fɔ pipul sin fɔ de tɔk tin we go gi pipul sɛns, ɛn pipul fɔ de go to am fɔ advays.

Di Sam Dɛm 134:1

Una ɔl we na PAPA GƆD in savant dɛn, kam lɛ wi prez PAPA GƆD, una dɛn wan dɛn we de na nɛt fɔ sav PAPA GƆD nain os.

Di Nɔmba Dɛm 8:9

We yu dɔn mek ɔl di Livayt dɛn go tinap frɔnt di Tɛnt we wi kin mit ɛn lɛ ɔl di Izrɛlayt dɛnsɛf gɛda de,

Lɛvitikɔs 24:9

Fɔ ɔl udat na man we de mek sakrifays fɔ pipul sin, dɛn fɔ it di bred na ples we oli bikɔs nain na di pat we oli pas ɔl wetin dɛn de gi PAPA GƆD pan ɔl di tin we dɛn de mek na faya to PAPA GƆD, na tin we dɛn gɛt fɔ de du ɔltɛm.

Lɛvitikɔs 24:3

Bifo di klos we ɛŋ na di ples we oli pas ɔl we ayd di Ak ɔf Di Kɔvinant, Erɔn fɔ mek shɔ se di lamp dɛn de bɔn ɔl di tɛm we dɛn fɔ bɔn; na tin dis we na lɔ ɛn i fɔ bi na ɔl di jɛnareshɔn.

Lɛvitikɔs 3:8

i fɔ le in an pantap di animal in ed ɛn kil am bifo di Tɛnt usay dɛn de mit PAPA GƆD; Erɔn in bɔypikin dɛn go ib di blɔd rawnd di ɔlta.

Ɛksodɔs 40:3

Put di Kɔvinant Bɔks usay di Tɛn Kɔmandmɛnt de na di Tɛnt, ɛn put di klos we yu de ɛŋ pan am.

Ɛksodɔs 30:36

Bit am na mataodo lɛ i tɔn to pawda, dɔn yu put sɔm bifo di Kɔvinant bɔks na di Tɛnt usay a go de mit yu. Mek shɔ se yu andul dis insɛns lɛkɛ tin we di.

Ɛksodɔs 29:44

“A go kɔnsikret di Tɛnt ɛn mek am oli; a go kɔnsikret Erɔn ɛn in bɔypikin dɛn ɛn mek dɛn de sav mi as man dɛn we de mek sakrifays fɔ pipul sin.

Ɛksodɔs 29:42

“Ɔl di jɛnareshɔn dɛn fɔ de mek dis sakrifays to mi bifo di Tɛnt in domɔt; na de PAPA GƆD go mit una we i de tɔk to una.

Ɛksodɔs 29:28

A de gi ɔda naw se ɛnitɛm we mi pipul dɛn de ɔfa sakrifays fɔ pis, na di man dɛn we de mek sakrifays fɔ pipul sin fɔ gɛt di chɛst ɛn di lɛg pan di animal. Na dat fɔ bi di pipul dɛn gift to mi PAPA GƆD we na dɛn PAPA GƆD.

Ɛksodɔs 25:16

Una fɔ put di tu ston tablɛt dɛn we di kɔmandmɛnt dɛn rayt pan insay di bɔks.

Ɛksodɔs 16:34

Lɛkɛ aw PAPA GƆD tɛl Mozis nɔmɔ, na so Erɔn insɛf du. I put am bifo di Kɔvinant Bɔks fɔ lɛ i nɔ go lɔs.

Jɛnɛsis 1:8

I gi dis tin ya nem ‘Skay’ Ivin tɛm kam ɛn do klin, dat na bin di sɛkɛn de.

Jɛnɛsis 1:5

i gi di layt nem “De” ɛn di daknɛs i gi nem “Nɛt.” Ivin tɛm kam ɛn do klin, dat na bin di fɔs de.

Lɛvitikɔs 24:2

mek i gi ɔda to di Izrɛlayt dɛn fɔ kɛr piɔ ɔliv ɔyl we dɛn pul pan ɔliv we dɛn dɔn gren, fɔ di lamp, so dat di lamp go de layt ɔltɛm.

Di Nɔmba Dɛm 18:5

Na una rɛspɔnsibul fɔ tek kia ɔf di Tɛnt ɛn di ɔlta so dat PAPA GƆD nɔ go vɛks ɛn baranta pan di Izrɛlayt dɛn igen

Ɛksodɔs 12:14

Una fɔ mɛmba dis de ɔltɛm, ɛn ɛvri ia una fɔ sɛlibret am as spɛshal fɛstival to mi we na una PAPA GƆD.

Ɛksodɔs 30:21

Dɛn fɔ was dɛn an ɛn fut fɔ lɛ dɛn nɔ go day bambay. Dɛn ɛn dɛn jɛnareshɔn dɛn fɔ kip to dis lɔ sote dɛn day.”

Lɛvitikɔs 6:15

I go gi wan an pan di fayn flawa we de wit di sid ɔfrin wit di ɔyl ɛn ɔl di insɛns we de pan di sid ɔfrin ɛn bɔn am as di tin we fɔ sho se in na PAPA GƆD yon na di ɔlta so dat i go pul fayn sɛnt we go mek PAPA GƆD gladi.

Lɛvitikɔs 7:36

na so PAPA GƆD dɔn se i fɔ bi fɔ di Izrɛlayt dɛn, frɔm di tɛm we dɛn mek dɛn man we de mek sakrifays fɔ pipul sin, nain PAPA GƆD dɔn mek i bi so ɛn na so i fɔ bi ɔltɛm na di jɛnareshɔn.

Lɛvitikɔs 10:9

in ɛn in bɔypikin dɛn nɔ fɔ go insay di tɛnt we dɛn kin mit PAPA GƆD afta dɛn dɔn drink ɛni kayn rɔm, wɛda na wayn ɔ na bia, ɔ nɔ so dɛn go day. I se dat fɔ bi lɔ na ɔl in jɛnareshɔn dɛn.

Lɛvitikɔs 17:7

I se dat fɔ mek dɛn lɛf fɔ mek sakrifays to ɔda gɔd dɛn, lɛk dɛn got-dɛbul we de mek lɛ dɛn biev to am lɛk rare gyal. I se dis fɔ bi lɔ na ɔl di jɛnareshɔn sote go.

Lɛvitikɔs 23:14

Ɛn nɔ fɔ it bred, pach it ɔ frɛsh it te dɛn dɔn gi dɛn ɔfrin to dɛn PAPA GƆD: na tin dis we na lɔ ɛn i fɔ bi na ɔl di jɛnareshɔn, i lɛk usay dɛn de.

Lɛvitikɔs 23:21

Fɔ mek anawnsmɛnt da sem de de so dat pipul dɛn go gɛda fɔ wɔship PAPA GƆD; dɛn nɔ fɔ du dɛn nɔmal wok we dɛn kin du ɛvride; na tin dis we na lɔ ɛn i fɔ bi na ɔl di jɛnareshɔn, i lɛk usay dɛn de.

Di Nɔmba Dɛm 35:29

Na dɛn tin dɛn ya bay lɔ fɔ de ɛnisay we una de na ɔl di jɛnareshɔn dɛn.