Ɛksodɔs 26:33 - Krio Fɔs Oli Baybul

³³ Ɛŋ di klos pan di uk dɛn na di tɛnt in ruf, dɔn yu put di Kɔvinant Bɔks we nainsay de di tu ston tablɛt dɛn de biɛn am. Dis klos go sɛpret di oli ples frɔm di say we oli pas ɔl.

Ɛksodɔs 26:33 Referans Kwoze

Lɛvitikɔs 16:2

I se Mozis fɔ tɛl in brɔda we na Erɔn se nɔto ɔltɛm i fɔ jɛs de go biɛn di do klos we ɛŋ insay di ples we oli pas ɔl, we na de di Ak ɔf di Kɔvinant in kɔba de, ɔ nɔ so i go day bikɔs in kin apia insay klawd ɛn sidɔm de.

Ɛksodɔs 40:21

I put di Kɔvinant Bɔks insay di Tɛnt ɛn drɔ di klos we i de tek kɔba am lɛ dɛn nɔ si am. Jɛs lɛkɛ aw PAPA GƆD tɛl am fɔ du na so i du.

Ɛksodɔs 25:16

Una fɔ put di tu ston tablɛt dɛn we di kɔmandmɛnt dɛn rayt pan insay di bɔks.

1 Kiŋ 8:10

Wɛn di man dɛn we de mek sakrifays fɔ pipul sin kɔmɔt insay di oli ples, klawd kɔba PAPA GƆD in wanol os,

1 Kiŋ 8:6

Di man dɛn we de mek sakrifays fɔ pipul sin put di Kɔvinant Bɔks insay PAPA GƆD in os na di say we oli pas ɔl, midul di chɛryubim dɛn fɛda.

Ɛksodɔs 36:36

Dɛn yuz akeshia bod mek fo post dɛn fɔ ol di klos dɛn we de ɛŋ, dɛn kɔba dɛn wit gold ɛn gi dɛn gold uk dɛn. Dɔn dɛn mek fo silva bes dɛn we di post dɛn go sidɔm pan.

Ɛksodɔs 27:10

I fɔ gɛt twɛnti bras pila we go ol am. Di bes we dɛn de sidɔm pan fɔ bi twɛnti ɛn dɛn fɔ bi bras, bɔt di uk ɛn di rɔd dɛn fɔ bi silva.

Ɛksodɔs 26:32

Yu fɔ ɛŋ di klos pan di fo pila dɛn we yu tek akeshia bod mek. Di pila dɛn fɔ kɔba wit gold, dɔn dɛn fɔ gɛt uk dɛn na di sayd. Di pila dɛn fɔ sidɔm pan fo silva bes dɛn.

Ɛksodɔs 27:21

Erɔn ɛn in bɔypikin dɛn fɔ de tek kia ɔf di lamp. I fɔ layt frɔm ivintɛm te mɔnin. Dɛn fɔ put am insay di tɛnt bifo di Kɔvinant Bɔks. Di Izrɛlayt dɛn fɔ de du dis ɛvri de ɛn i nɔ fɔ ɛva tap.

Ɛksodɔs 40:3

Put di Kɔvinant Bɔks usay di Tɛn Kɔmandmɛnt de na di Tɛnt, ɛn put di klos we yu de ɛŋ pan am.

1 Kiŋ 6:16

I kɔt wan rum insay de we i se na de fɔ oli pas ɔl. Di rum in mɛzhɔmɛnt na tati fut. Na sida bod i yuz fɔ patishɔn am frɔm di grɔn te go ɔp di silin.

2 Kronikuls 3:8

I bin mek di ples we oli pas ɔl; i lɔŋ lɛk aw di os wayd ɛn i bin nayn mita wayd. I plasta am wit oba twɛnti mɛtrik tɔn gold.

Izikɛl 41:4

Ɛn i mɛnshɔ se di rum lɔŋ tɛn mita, ɛn wayd tɛn mita go pas di nev. Ɛn i tɛl mi se, dis na di ples we oli pas ɔl.