Ɛksodɔs 24:8 - Krio Fɔs Oli Baybul

⁸ Mozis tek di blɔd ɛn sprinkul am pan di pipul dɛn, dɔn i tɛl dɛn se dis na di blɔd we kɔnfam di Kɔvinant we PAPA GƆD dɔn mek wit dɛn we i gi dɛn ɔl in lɔ.

Ɛksodɔs 24:8 Referans Kwoze

Ɛksodɔs 24:6

Mozis tek af pan di animal dɛn blɔd put am na bol. I sprinkul di ɔda af na di ɔlta.

Izikɛl 36:25

A go sprinkul klin wata pan una, ɛn una go klin pan ɔl una dɔti dɛm, ɛn a go was una klin pan ɔl una lay lay gɔd dɛm.

Matyu 26:28

dis na mi blɔd we a tek mek di agrimɛnt we Gɔd mek wit in pipul dɛn, a dɔn sakrifays am fɔ padin plɛnti plɛnti pipul dɛn sin.

Di Ibru Pipul Dɛn 13:20

Gɔd we de gi mɔtalman kol at, dɔn mek wi Masta Jizɔs rayz frɔm di grev wit layf ɛn mek i bi di shɛpad we pas ɔl fɔ de wach wi we nain pipul dɛn. Na Jizɔs in blɔd dɔn mek di agrimɛnt, we Gɔd mek wit wi, go de sote go.

1 Kɔrint 11:25

Semwe so, wɛn dɛn dɔn it, i tek di kɔp we di wayn de, i se, “Dis kɔp we ful wit wayn na di nyu agrimɛnt we Gɔd mek wit mɔtalman wit mi blɔd. Una fɔ mɛmba mi ɛnitɛm we una de drink di wayn we una blɛs lɛkɛ dis.”

Mak 14:24

I tɛl dɛn se, “Dis na mi blɔd we a tek mek di agrimɛnt we Gɔd mek wit in pipul dɛn. A dɔn sakrifays am fɔ plɛnti plɛnti pipul.

Pita In Fɔs Lɛta 1:2

Na Gɔd, we na wi Papa, dɔn pik una, lɛkɛ aw i bin dɔn plan, ɛn Gɔd in Spirit dɔn mek una bi Gɔd yon pipul, so dat una go du wetin Jizɔs Krays tɛl una fɔ du, ɛn di day we Jizɔs Krays day na di krɔs go mek una klin na Gɔd yay. A de pre mek Gɔd sho una aw i gud ɛn mek i gi una kol at mɔ ɛn mɔ.

Lyuk 22:20

Semwe so, wɛn dɛn dɔn it di Pasova it dɔn, Jizɔs tek di kɔp ɛn tɛl dɛn se, “Di wayn we de na dis kɔp na di nyu agrimɛnt bitwin Gɔd ɛn mɔtalman we a mek wit mi blɔd wɛn a gri fɔ mek pipul kil mi.]

Zɛkaraya 9:11

I se, bikɔs ɔf di Kɔvinant we i bin dɔn mek wit dɛn we i yuz blɔd, i go fri ɔl dɛn prizina we de na ol we nɔ gɛt wata.

Lɛta Fɔ Ɛfisɔs 1:7

Bikɔs Krays day na di krɔs fɔ sev wi, wi dɔn fri ɛn Gɔd dɔn padin wi sin. Gɔd gud to wi, mɔt sɛf nɔ ebul tɔk am. Gɔd tek sɛns ɛn sabi

Ayzaya 52:15

na so i go shɔk plɛnti neshɔn dɛm; kiŋ dɛn go sɛt dɛn mɔt fɔseka am; bikɔs di tin we dɛn nɔ ɛva tɛl dɛn bɔt, dɛn go si, ɛn na di tin we dɛn nɔ yɛri bɔt wande, dɛn go ɔndastand.

Lɛvitikɔs 8:30

Dɛn Mozis tek sɔm pan di ɔyl we na fɔ anɔynt ɛn sɔm pan di blɔd we bin de pan di ɔlta ɛn sprinkul am pan Erɔn, in bɔypikin dɛn ɛn dɛn klos dɛn; na so i sho se na PAPA GƆD gɛt Erɔn, in bɔypikin dɛn ɛn dɛn klos dɛn.

Di Ibru Pipul Dɛn 10:29

Una fɔ no se, da pɔsin we nɔ tek in Pikin mek ɛnitin, Gɔd go mɔs pɔnish am traŋa wan; da pɔsin de de se Krays in blɔd we Gɔd tek mek agrimɛnt wit mɔtalman fɔ mek mɔtalman bi in yon, nɔ gɛt pawa; ɛn i fityay Gɔd in Spirit we briŋ blɛsin kam.

Jɔshwa 24:25

Da sem de de na Shɛkɛm, Jɔshwa tinap fɔ di pipul dɛn ɛn mek wan Kɔvinant bitwin Izrɛl ɛn PAPA GƆD.

1 Kiŋ 8:9

Di onli tin we bin de insay di Kɔvinant Bɔks na di tu ston tablɛt we Mozis bin put de di tɛm we i bin de na Mawnt Ɔrɛb usay PAPA GƆD bin mek Kɔvinant wit di Izrɛlayt dɛn wɛn dɛn lɛf Ijipt.

Di Sam Dɛm 78:36

Bɔt ɔl dis na pantap tɔk, na lay nɔmɔ dɛn bin de pan;

Izikɛl 16:8

“Wɛn a bin pas nia una ɔda tɛm, ɛn luk una, a si se una dɔn du fɔ mek lɔv, so a kɔba una wit mi skat ɛn kɔba una nekɛdnɛs; yɛs, a bin prɔmis fɔ mared una ɛn a mek Kɔvinant wit una, ɛn una kam blant mi, na so Papa Gɔd we na Gɔd se.

Ditarɔnɔmi 5:2

I mɛmba dɛn bɔt di Kɔvinant we PAPA GƆD we na dɛn PAPA GƆD bin mek wit dɛn na Mawnt Saynay.

1 Kiŋ 8:21

A dɔn mek ples we di Kɔvinant Bɔks fɔ de, we nainsay de di Kɔvinant we i mek wit wi papa dɛn we i pul kɔmɔt na Ijipt de.”

Jɛrimaya 31:32

i nɔ go tan lɛk di Kɔvinant we a bin mek wit dɛn fɔstɛmpapa dɛm, we a bin ol dɛn an pul dɛn kɔmɔt Ijipt, mi Kɔvinant we dɛn brok, ɔlwe mi na bin dɛm man. Na so PAPA GƆD se.

Egay 2:5

lɛkɛ aw i bin dɔn prɔmis dɛn wɛn i bin pul dɛn kɔmɔt na Ijipt. In Spirit go de wit dɛn, so dɛn nɔ fɔ fred.