Ɛksodɔs 24:6 - Krio Fɔs Oli Baybul

⁶ Mozis tek af pan di animal dɛn blɔd put am na bol. I sprinkul di ɔda af na di ɔlta.

Ɛksodɔs 24:6 Referans Kwoze

Pita In Fɔs Lɛta 1:19

bɔt na Krays in yon blɔd dɛn tek pe fɔ una, Krays we na lɛkɛ Ship we nɔ gɛt bɔt.

Ɛksodɔs 24:8

Mozis tek di blɔd ɛn sprinkul am pan di pipul dɛn, dɔn i tɛl dɛn se dis na di blɔd we kɔnfam di Kɔvinant we PAPA GƆD dɔn mek wit dɛn we i gi dɛn ɔl in lɔ.

Di Ibru Pipul Dɛn 9:18

Na dat mek di fɔs agrimɛnt we Gɔd bin mek wit mɔtalman nɔ bin gɛt pawa, pas nɔmɔ wɛn pipul kin tek bif blɔd mek sakrifays to Gɔd.

Lɛvitikɔs 4:6

ɛn di man we de mek sakrifays fɔ pipul sin, go dɔk di fiŋa we i de tek pɔynt ɛn sprinkul sɔm pan di blɔd sɛvin tɛm bifo PAPA GƆD, bifo di klos we ɛŋ na di sankchwari.

Pita In Fɔs Lɛta 1:2

Na Gɔd, we na wi Papa, dɔn pik una, lɛkɛ aw i bin dɔn plan, ɛn Gɔd in Spirit dɔn mek una bi Gɔd yon pipul, so dat una go du wetin Jizɔs Krays tɛl una fɔ du, ɛn di day we Jizɔs Krays day na di krɔs go mek una klin na Gɔd yay. A de pre mek Gɔd sho una aw i gud ɛn mek i gi una kol at mɔ ɛn mɔ.

Di Ibru Pipul Dɛn 12:24

Una dɔn kam to Jizɔs we bin mek di nyu agrimɛnt bitwin Gɔd ɛn mɔtalman. I dɔn mek una no bɔt in blɔd we was wi sin kɔmɔt pan wi. In blɔd pas Ebɛl yon blɔd, bikɔs i de du big wok fɔ wi pas Ebɛl in yon.

Lɛta Fɔ Kɔlɔse 1:20

Na Krays Gɔd go mek briŋ ɔltin we de na dis wɔl ɛn we de na ɛvin kam bak to insɛf. Na tru di day we Krays day na di krɔs, Gɔd mek mɔtalman ebul kam to insɛf.

Lɛvitikɔs 3:8

i fɔ le in an pantap di animal in ed ɛn kil am bifo di Tɛnt usay dɛn de mit PAPA GƆD; Erɔn in bɔypikin dɛn go ib di blɔd rawnd di ɔlta.

Lɛvitikɔs 3:2

I fɔ le in an pantap di animal we i de gi in ed, ɛn i fɔ kil am na di domɔt na di Tɛnt usay dɛn kin mit PAPA GƆD; dɔn Erɔn in bɔypikin dɛn we na di man dɛn we de mek sakrifays fɔ pipul sin, fɔ ib di blɔd rawnd di ɔlta.

Lɛvitikɔs 1:11

ɛn na di nɔth sayd pan di ɔlta i go kil am bifo PAPA GƆD ɛn Erɔn in bɔypikin dɛn we na man dɛn we de mek sakrifays fɔ pipul sin, go ib di blɔd rawnd di ɔlta.

Lɛvitikɔs 1:5

Na da tɛm de i go kil di man kaw bifo PAPA GƆD; dɔn Erɔn in bɔypikin we na man dɛn we de mek sakrifays fɔ pipul sin go gi di blɔd ɛn ib pan an rawnd di ɔlta we de na di domɔt na di Tɛnt usay dɛn kin mit PAPA GƆD.

Ɛksodɔs 29:20

Kil di ship, tek sɔm pan di blɔd ɛn rɔb am na di bɔtɔm pat pan Erɔn ɛn in bɔypikin dɛn rayt yes, di big fiŋa na dɛn raytan, ɛn di big to dɛn na dɛn rayt fut; dɔn yu skata di balans blɔd na di ɔlta in fo kɔna dɛn ɛn ɔlɔbɔt.

Ɛksodɔs 29:16

dɔn kil am ɛn skata in blɔd na di ɔlta in fo kɔna dɛn ɛn ɔlɔbɔt.

Ɛksodɔs 12:22

I se dɛn fɔ dren di animal we dɛn kil in blɔd insay wan bol. Dɛn dɛn fɔ tek sɔm branch pan di Isɔp tik ɛn dip am insay di blɔd. Dɔn dɛn fɔ tek di branch ɛn rɔb di blɔd na di domɔt in frem, dat na di tu we tinap tret ɛn di wan we krɔs pantap. I se nɔbɔdi nɔ fɔ kɔmɔt insay in os kam na do pas te na mɔnin,

Ɛksodɔs 12:7

Dɛn fɔ tek sɔm pan di animal in blɔd ɛn rɔb am na di domɔt in frem, di wan we krɔs pantap ɛn di tu we tinap tret. Nainsay di os dɛn de dɛn go gɛt fɔ it di animal.

1 Kɔrint 11:25

Semwe so, wɛn dɛn dɔn it, i tek di kɔp we di wayn de, i se, “Dis kɔp we ful wit wayn na di nyu agrimɛnt we Gɔd mek wit mɔtalman wit mi blɔd. Una fɔ mɛmba mi ɛnitɛm we una de drink di wayn we una blɛs lɛkɛ dis.”

Di Ibru Pipul Dɛn 8:9

Dis nyu agrimɛnt ya nɔ go tan lɛkɛ di wan we a bin mek wit dɛn granpapa-papa dɛn, da tɛm we misɛf bin tek dɛn kɔmɔt na Ijipt. Dɛn bin pwɛl di agrimɛnt we a mek wit dɛn, so a bin lɛf dɛn to dɛnsɛf.

Di Ibru Pipul Dɛn 9:19

Lɔntɛm, Mozis bin tɛl ɔl di pipul dɛn ɔl di lɔ dɛn we Gɔd se dɛn fɔ fala. Mozis tɛl dɛn ɔl di lɔ dɛn fɔs, dɔn i tek gras we dɛn kɔl “isɔp” ɛn ship ia we dɛn kɔla wit rɛd, dɔk dɛn insay kaw blɔd ɛn insay wata, dɔn i ib ib am ɔlsay pan di Lɔ buk ɛn pan ɔl di pipul dɛn.

Di Ibru Pipul Dɛn 9:21

Semwe so, Mozis bin ib ib di blɔd pan di Bafa we dɛn bin de mek sakrifays to Gɔd ɛn pan ɔl dɛn tin we dɛn kin yus wɛn dɛn de pre to Gɔd.

2 Kiŋ 17:15

Dɛn nɔ gri fɔ du wetin PAPA GƆD se, ɛn nɔ kip di Kɔvinant we i sayn wit dɛn fɔstɛm-papa dɛn; bifo dat dɛn bigin de wɔship lay lay gɔd dɛn we nɔ min natin ɛn na so dɛnsɛf kam fiba mɔtalman dɛn we nɔ fit natin. Dɛn falamakata dɛn ɔda neshɔn dɛn we PAPA GƆD bin dɔn wɔn dɛn bɔt, ɛn du wetin PAPA GƆD tɛl dɛn nɔ fɔ du.

Di Sam Dɛm 99:6

Mozis ɛn Erɔn bin miks wit pipul we bin de mek sakrifays fɔ di Izrɛlayt dɛn sin, Samiɛl bin miks wit di wan dɛn we bin de pre fɔ di Izrɛlayt dɛn; Dɛn ɔl pre fɔ pipul ɛn PAPA GƆD ansa dɛn prea.

Jɛrimaya 31:32

i nɔ go tan lɛk di Kɔvinant we a bin mek wit dɛn fɔstɛmpapa dɛm, we a bin ol dɛn an pul dɛn kɔmɔt Ijipt, mi Kɔvinant we dɛn brok, ɔlwe mi na bin dɛm man. Na so PAPA GƆD se.