Ɛksodɔs 24:16 - Krio Fɔs Oli Baybul

¹⁶ Na PAPA GƆD bin de na di klawd ɛn i bin tan lɛkɛ layt. Di klawd kɔba di mawnten fɔ siks de. Dɔn di de we mek sɛvin nain PAPA GƆD kɔl Mozis na di klawd.

Ɛksodɔs 24:16 Referans Kwoze

Ɛksodɔs 16:10

We Erɔn bin de tɔk to di pipul dɛn, dɛn tɔn dɛn ed de luk to di say we di di ɛmti ples we pɔsin nɔ go ebul tap na bin de, nain wantɛm dɛn si layt na di klawd de shayn. Na PAPA GƆD apia to dɛn so.

Di Nɔmba Dɛm 16:42

Di tɛm we dɛn gɛda fɔ mek kɔnfyushɔn pan Mozis ɛn Erɔn dɛn bin tɔn to di Tɛnt usay dɛn kin mit PAPA GƆD nain wantɛm dɛn si klawd kɔba am ɛn PAPA GƆD in glori kam dɔŋ.

Izikɛl 1:28

Di braytnɛs we bin de rawnd am bin tan lɛk rembo we kin de na di klawd we ren kɔt. Na so i fiba lɛk we PAPA GƆD in glori kin apia. We a si am, a butu na grɔn, ɛn a yɛri vɔys de tɔk.

Di Sam Dɛm 99:7

Wɛn Mozis ɛn Erɔn pre, PAPA GƆD tɔk to dɛn frɔm di klawd; dɛn kip in lɔ ɛn du ɔl wetin i tɛl dɛn fɔ du.

Di Nɔmba Dɛm 14:10

We dɛn dɔn tɔk dɔn, di Izrɛlayt dɛn bigin tɔk se, dɛn fɔ ston dɛn te dɛn day. Wantɛm nain PAPA GƆD apia na di Tɛnt we in ɛn Mozis kin mit to ɔl di Izrɛlayt dɛn.

Lɛvitikɔs 9:23

Mozis ɛn Erɔn go insay di tɛnt usay dɛn kin mit PAPA GƆD; ɛn wɛn dɛn kɔmɔt na do, dɛn ɔltu blɛs di pipul dɛn bak ɛn di brayt brayt layt we de sho se PAPA GƆD de wit dɛn bɔs pan dɛn ɔl.

Rɛvɛleshɔn 1:10

Wan Sɔnde, Gɔd in Spirit kam pan mi, nain a yɛri vɔys de tɔk lawd wan lɛkɛ trɔmpɛt biɛn mi.

2 Kɔrint 4:6

Gɔd we se, “Layt go kɔmɔt na da say we dak!” Na di sem Gɔd mek in layt shayn insay wi at ɛn da layt de we de shayn na Krays in fes, nain de mek wi no aw Gɔd wɔndaful.

Ɛksodɔs 24:17

Di we aw PAPA GƆD apia na di mawnten bin tan lɛkɛ faya we de bɔn na di Izrɛlayt dɛn yay.

Ɛksodɔs 20:10

na di de we fɔ pre ɛn blo, dat na PAPA GƆD in yon de. Una nɔ fɔ du nɔn wok da de de, una-o, una bɔypikin dɛn o, una gyal pikin dɛn o, una wokman ɛn wokuman dɛn o, una animal dɛn o, ɛn di fɔrina dɛnsɛf we de na una kɔntri nɔ fɔ du nɔn wok.

Ɛksodɔs 19:11

rɛdi dɛnsɛf fɔ di tɔd de, bikɔs na da de de a go kam dɔŋ na Mawnt Saynay usay ɔlman go si mi.

Ɛksodɔs 19:9

PAPA GƆD tɔk bak to Mozis. I se, “A de kam dɔŋ to yu insay wan tik, tik klawd fɔ lɛ di pipul dɛn go yɛri we a de tɔk to yu; dat go mek dɛn biliv yu frɔm naw sote go.” Dɔn Mozis tɛl PAPA GƆD wetin di pipul dɛn se.

Lɛvitikɔs 9:6

Wɛn dɛn ɔl dɔn gɛda, Mozis tɛl dɛn se na wetin PAPA GƆD se dɛn fɔ du, dɛn dɔn du ɛn dat go mek dɛn si di brayt brayt layt we de sho se PAPA GƆD de wit dɛn.

Ayzaya 4:5

Datɛnde, PAPA GƆD go mek klawd de oba di wanol Mawnt Zayɔn ɛn oba ɔl di wan dɛn we gɛda de, de tɛm, ɛn smok ɛn brayt brayt faya na nɛt; PAPA GƆD in glori go tan lɛk shed ɛn pavilyɔn.