Ɛksodɔs 24:12 - Krio Fɔs Oli Baybul

¹² PAPA GƆD tɔk to Mozis. I se, “Kam ɔp di mawnten kam wet; a go gi yu ston tablɛt dɛn we na pan dɛn a dɔn rayt ɔl di lɔ ɛn kɔmandmɛnt dɛn we fɔ tich di Izrɛlayt dɛn.”

Ɛksodɔs 24:12 Referans Kwoze

Ditarɔnɔmi 5:22

Mozis tɛl dɛn se na dɛn tin dɛn de PAPA GƆD bin tɛl dɛn we dɛn bin de na da Mawnten we i bin tɔk to dɛn lawd lawd wan insay da faya we bin gɛt tik tik smok we bin mek di ples dak. I se na dat nɔmɔ PAPA GƆD bin tɛl dɛn ɛn i bin rayt dɛn na tu ston tablɛt gi in di Mozis.

Ɛksodɔs 31:18

Wɛn PAPA GƆD dɔn tɔk dɔn to Mozis ɔp Mawnt Saynay, i gi am tu ston tablɛt dɛn. Na PAPA GƆD insɛf sɛf rayt in kɔmandmɛnt dɛn pan dɛn.

Di Ibru Pipul Dɛn 9:4

Insay da ples de dɛn bin gɛt smɔl gold tebul we dɛn bin de bɔn insɛns we gɛt fayn smɛl. Di bɔks we di agrimɛnt we Gɔd mek wit mɔtalman de, bin de insay dis sem ples ya. Gold bin kɔba di wan ol bɔks. Insay di bɔks dɛn bin de kip wan gold pɔt we dɛn kin put da tin we dɛn kɔl mana we Gɔd bin de gi dɛn fɔ it. Erɔn in wɔkin stik we lif gro pan, ɛn dɛn tu ston we Gɔd bin rayt in lɔ dɛn pan, dɛnsɛf bin lib de.

2 Kɔrint 3:3

Una dɔn sho plen wan se na una na di lɛta we Krays rayt, we wi dɔn briŋ. Nɔto ink wi tek rayt am pan ston slab, na Gɔd we gɛt layf sote go, in Spirit rayt am na wi at.

Jɛrimaya 31:33

PAPA GƆD se, ‘Bɔt na di kayn Kɔvinant dis we a go mek wit Izrɛl dɛn tɛm dɛn de: A go put mi lɔ insay dɛm ɛn a go rayt am na dɛn at; ɛn a go bi dɛm Gɔd, ɛn dɛn go bi mi pipul.

2 Kɔrint 3:7

Bɔt if di Lɔ we rayt pan ston we briŋ day so wɔndaful, dat di Izrɛl pipul dɛn nɔ bin ebul luk Mozis in fes we bin de shayn brayt brayt wan, pan ɔl we da layt de bin de fed,

Ditarɔnɔmi 4:14

Mozis tɛl dɛn igen se PAPA GƆD bin se paopa, in Mozis fɔ tich dɛn ɔl di lɔ dɛn we i bin gi dɛn fɔ go wok wit na di land we PAPA GƆD bin dɔn gi dɛn so dɛn go go obe dɛn ɔl.

Ɛksodɔs 24:18

Di Klawd kɔba Mozis tek am go rayt ɔp di mawnten. I tek fɔti de ɛn fɔti nɛt ɔp na di mawnten.

Ɛksodɔs 24:15

As Mozis de go ɔp di mawnten, klawd kam dɔŋ ɛn kɔba di mawnten.

Ɛksodɔs 24:2

Na yu Mozis nɔmɔ fɔ kam nia mi. Di ɔda wan dɛn fɔ de dɔŋ say, dɛn ɔl di ɔda pipul dɛn fɔ de dɔŋ di mawnten.”

Matyu 5:19

Ɛnibɔdi we brok wan pan di lɔ dɛn we Gɔd gi wi, ɛn lan ɔda pipul fɔ brok dɛn, Gɔd go mek da pɔsin de gɛt lo ples pas plɛnti pipul dɛn we i de rul; bɔt ɛnibɔdi we du wetin di Lɔ se ɛn lan ɔda pipul fɔ du di sem tin, Gɔd go mek da pɔsin de gɛt ay ples pas plɛnti pipul dɛn we i de rul.

Nɛimaya 9:13

Yu kɔmɔt na ɛvin kam dɔŋ na Mawnt Saynay kam tɔk to dɛn. Yu gi dɛn lɔ ɛn kɔmand dɛn we gud ɛn dɛn nɔ pashal.

Ɛzra 7:10

Ɛzra bin de sɔksid bikɔs i bin mekɔp in maynd fɔ stɔdi PAPA GƆD in lɔ ɛn go bay wetin i se; i bin de tich di lɔ dɛn ɛn wetin dɛn min to di Izrɛlayt dɛn.

Ɛksodɔs 34:1

PAPA GƆD tɔk to Mozis. I se, “Kɔt tu ston tablɛt. Lɛ dɛn tan lɛkɛ aw di fɔs wan dɛn bin tan. Na wetin a bin rayt pan di fɔs tablɛt dɛn we yu brok a go rayt pan dɛn wan yaso bak.

Ditarɔnɔmi 5:31

bɔt i se Mozis in fɔ stil de de bikɔs PAPA GƆD wan tɛl am ɔl di kɔmandmɛnt dɛn, wetin fɔ du ɛn aw fɔ du dɛn, so Mozis go tich di pipul dɛn lɛ dɛn go ebul obe di lɔ dɛn na di land we i dɔn gi dɛn.

1 Kiŋ 19:11

PAPA GƆD tɛl am se lɛ i go na do go tinap bifo am bikɔs i gɛt fɔ pas da say de Wantɛm nain big big tinada blo ɛn skata di mawnten ɛn dɛn rɔk dɛn bifo PAPA GƆD, bɔt in nɔ bin de na di tinada. Afta di tinada di grɔn shek te i plit, bɔt PAPA GƆD nɔ bin de de.

Ɛksodɔs 19:3

Mozis go ɔp di mawnten fɔ go mit PAPA GƆD. Na ɔp di mawnten i de we PAPA GƆD kɔl am ɛn tɛl am se; “Mozis, tɛl di Izrɛlayt dɛn, dat na Jekɔb in jɛnareshɔn dɛn se,

Ɛksodɔs 32:1

We di pipul dɛn si se Mozis dɔn te ɔp di mawnten ɛn nɔ kam dɔŋ, dɛn go mit Erɔn ɛn tɛl am se, as fɔ Mozis we pul dɛn kɔmɔt na Ijipt, dɛn nɔ no wetin dɔn apin to am; so, lɛ in di Erɔn mek gɔd fɔ dɛn we go de lid dɛn.

Nɛimaya 9:14

Yu tɛl dɛn bɔt di de we yu mek oli ɛn spɛshal ɛn gi di lɔ dɛn to yu pikin Mozis fɔ dɛn.

Di Sam Dɛm 19:12

Wi mistek dɛn tan lɛk we pɔsin gɛt ɔmbak i nɔ de si in ɔmbak. Fɔgiv mi fɔ di sin we a de sin ɛn a nɔ no se na sin.