Ɛksodɔs 24:10 - Krio Fɔs Oli Baybul

¹⁰ ɛn dɛn si Izrɛl dɛn PAPA GƆD. Ɔnda in fut i tan lɛk dɛn mek pevmɛnt wit safaya, na so i klia ɛn brayt lɛkɛ di blu skay.

Ɛksodɔs 24:10 Referans Kwoze

Jɔn 1:18

Nɔbɔdi nɔ si Gɔd wande. Gɔd in wangren Pikin, we in ɛn in Papa gɛt wan at, nain mek pipul no udat na Gɔd.

Izikɛl 10:1

Nain a luk ɛn a si sɔntin lɛk Dayamɔn apia na di skay we bin de oba di Chɛryubim in ed, ɛn i bin shep lɛk tron.

Rɛvɛleshɔn 4:3

Di pɔsin in fes bin de shayn lɛkɛ dayamɔn ɛn lɛkɛ wan ɔda shayn ston we dɛn kɔl rubi. Rembo we de shayn lɛkɛ da fayn ston we dɛn kɔl ɛmirald bin de rawnd di ay chia.

Fɔs Lɛta To Timoti 6:16

Nain wangren nɔ de day, ɛn i de na layt we mɔtalman nɔ ebul kam klos, nɔ mɔtalman nɔ si am yet ɛn nɔ mɔtalman nɔ ebul si am. Mek wi rɛspɛkt am ɛn mek in pawa rul di wɔl sote go! Emɛn.

Ɛksodɔs 33:23

wɛn a dɔn pas, a go pul mi an kɔmɔt pan yu fɔ lɛ yu si mi bak; bɔt yu nɔ go si mi fes.”

Ɛksodɔs 33:20

Bɔt a nɔ go mek yu si mi fes, bikɔs ɛnibɔdi we si mi fes go day.

Jɛnɛsis 32:30

Jekɔb gi di ples nem Pɛniɛl, bikɔs i se, in dɔn si PAPA GƆD fes to fes ɛn i nɔ day.

Rɛvɛleshɔn 21:11

Gɔd in brayt layt bin de shayn insay de; di tɔŋ bin de shayn lɛkɛ wan fayn fayn ston we dɛn kɔl jaspa, ɛn i bin de shayn lɛkɛ glas.

Jɔn In Fɔs Lɛta 4:12

Nɔbɔdi nɔ si Gɔd yet, bɔt if wi lɛk wi kɔmpin, Gɔd de insay wi ɛn di lɛk we Gɔd lɛk wi de mek wi lɛk wi kɔmpin mɔ ɛn mɔ.

Jɔn 14:9

Jizɔs aks Filip se, “Pan ɔl we a dɔn de wit una ɔl dis tɛm, yu nɔ no mi? Ɛnibɔdi we dɔn si mi, dɔn si mi Papa. Wetin du yu se, ‘Sho wi yu Papa?’”

Matyu 17:2

Aw dɛn de luk, nain Jizɔs chenj na dɛn yay, in fes bigin shayn lɛkɛ di san, ɛn in klos bin wayt lɛkɛ brayt layt.

Rɛvɛleshɔn 1:16

I bin ol sɛvin sta dɛn nain raytan; sɔd we shap tu say bin kɔmɔt nain mɔt; in fes bin de shayn lɛkɛ aw san de shayn twɛlv oklɔk santɛm.

Jɔn 6:46

Dat nɔ min se pɔsin de we dɔn si mi Papa; di wan we kɔmɔt to Gɔd, nain wangren dɔn si di Papa.

Sɔlɔmɔn In Siŋ Dɛm 6:10

“Udat dis we de shayn lɛk do klin, fayn lɛk mun, de shayn lɛk san, fiaful lɛk ami we de mach wit bana.

1 Kiŋ 22:19

Maykaya tɛl di kiŋ se lɛ i lisin naw to wetin PAPA GƆD gɛt fɔ se; i se in si PAPA GƆD sidɔm nain chia wit ɔl dɛn enjɛl dɛn de rawnd am; sɔm de nain lɛfan, sɔm nain raytan; dɔn i aks se,

Ɛksodɔs 3:6

I se, “Mi na di PAPA GƆD we yu fɔstɛm-papa dɛn we na Ebraam, Ayzak ɛn Jekɔb, bin de wɔship.” We Mozis yɛri dis, i tek in an kɔba in fes bikɔs i bin de fred fɔ luk PAPA GƆD.

Ɛksodɔs 24:11

PAPA GƆD nɔ du di Izrɛl edman dɛn natin; dɛn si PAPA GƆD ɛn dɛn ɔl it ɛn drink togɛda.

Di Nɔmba Dɛm 12:8

A de tɔk to am fes to fes, a nɔ de miks mi tɔk we a de tɔk to am. A de tɔk tret tɔk; i kin si aw a tan. Una nɔ de fred fɔ tɔk bɔt mi savant, Mozis?

Sɔlɔmɔn In Siŋ Dɛm 5:14

In an dɛn fayn lɛk we dɛn mol gold, ɛn sɛt wit juɛl. In bɔdi tan lɛk ayvri, we dɛn ful wit fayn blu ston.

Lamɛnteshɔn 4:7

Di bigman dɛn na Jerusɛlɛm bin klin na PAPA GƆD yay pas sno, dɛn wayt pas milk; dɛn bɔdi bin rɛd pas kɔral bid dɛn shep bin fayn lɛk safaya.

Izikɛl 1:1

Di ia we mek tati, insay di nɔmba fo mɔnt ɛn di de we mek fayv, as a bin de wit di wan dɛn we bin de na ɛgzayl, nia Riva Chɛba, di klawd bin opin ɛn a si bɔku vishɔn bɔt PAPA GƆD.

Daniɛl 10:17

Aw mi we na mi masta in wokman go tɔk to mi masta? Rayt naw, mi bɔdi wik bad bad wan, ɛn a nɔ ebul blo bɛtɛ igen sɛf.”

Jɛnɛsis 32:31

Di san bin jɛs de kɔmɔt we Jekɔb bin de lɛf Pɛniɛl, ɛn i nɔ bin de waka tret bikɔs ɔf in wesbon.

2 Kronikuls 6:17

So duya PAPA GƆD we na Izrɛl dɛn Gɔd, kip da prɔmis we yu mek to yu wokman Devid.