Ɛksodɔs 23:8 - Krio Fɔs Oli Baybul

⁸ Una nɔ fɔ tek brayb na ɛnibɔdi in an, bikɔs brayb de mek pɔsin lɔk in yay ɛn mek inosɛnt pɔsin sɔfa.

Ɛksodɔs 23:8 Referans Kwoze

Ditarɔnɔmi 16:19

I se di wan dɛn we dɛn go pik fɔ bi di lida dɛn, nɔ fɔ gɛt yuki yuki; dɛn nɔ fɔ tek brayb bikɔs brayb kin mek sɛns man dɛn mek lɛkɛ dɛn nɔ de si di tru, ɛn dat kin mek dɛn gi rɔŋ to di pɔsin we gɛt rayt, ɛn rayt to di pɔsin we gɛt rɔŋ.

Ayzaya 5:23

dɛn wan dɛn we de fri pɔsin we gilti fɔ seka brayb ɛn nɔ de gi di wan we nɔ gilti, in rayt.

Prɔvabs 17:23

Bad pɔsin de ayd tek brayb fɔ lɛ i nɔ go du tiŋs di rayt we.

Prɔvabs 15:27

Ɛnibɔdi we bigyay ɛn de kapu-kapu de put in famili pan trɔbul, bɔt udat et fɔ tek brayb de gɛt lɔŋ layf.

1 Samiɛl 8:3

Bɔt dɛn nɔ bin tan lɛkɛ am atɔl. Dɛn bin de du wetin dɛn fil fɔ du. Dɛn bin de du ɔlkayn ɔnda-an tin fɔ mek mɔni, tek brayb ɛn de pan soso kukujumuku.

Ɛkliziastis 7:7

Na tru se we tin de mɔna pɔsin we gɛt sɛns, i kin mek i ful, ɛn braybri de mek pɔsin nɔ du wetin rayt.

Prɔvabs 17:8

Brayb kin ple wɔnda lɛkɛ majik to di pɔsin we de gi am; ɛnisay we i brayb in biznɛs de klia.

Di Sam Dɛm 26:10

we gɛt ɔl kayn skil fɔ du bad, ɛn we dɛn yuz mɔni fɔ blɛn in yay.

1 Samiɛl 12:3

Na mi tinap so frɔnt PAPA GƆD ɛn di wan we i dɔn mek kiŋ. Udat in kaw ɔ dɔŋki a dɔn tek? Udat a dɔn rog ɔ buli wande ɔ udat a dɔn tek brayb nain an fɔ twis di lɔ? If ɛnibɔdi de we go se a du so, a go pe am bak.”

Ditarɔnɔmi 10:17

PAPA GƆD we na dɛn PAPA GƆD, na di PAPA GƆD fɔ ɔl ɔda gɔd dɛn, ɛn Lɔd fɔ ɔl dɛn Lɔd dɛn. Na big ɛn wɔndaful PAPA GƆD. I nɔ de tek sayd ɛn nɔbɔdi nɔ ebul brayb am.

Mayka 7:3

If na fɔ bad, dɛn sabi aw fɔ du am we i nɔ go pwɛl. Ɔl di bigman dɛn de tek brayb ivin di jɔj dɛn. In ɛn di wan we gɛt pawa de du wetin dɛn lɛk ɛn natin nɔ de kɔmɔt biɛn dat.

Emɔs 5:12

A de si ɔl di bɔku dabaru we una de ple, ɛn di bad bad tin dɛn we una de du. Una we de brayb ɛn siz advantej pan pɔsin we de waka tret na PAPA GƆD in yay, wɛn una de jɔj kes, una de gi poman rɔŋ.

Izikɛl 22:12

Sɔm man de we de tek brayb fɔ kil; una de tek intrɛs ɛn ad mɔ pan di mɔni ɛn mek prɔfit na una neba dɛn ed bay pawa; ɛn una dɔn fɔgɛt bɔt mi, Na so Papa Gɔd we na Gɔd se.

Prɔvabs 19:4

Wɛn yu jɛntri yu de gɛt bɔku padi, bɔt if yu po, nɔbɔdi nɔ want yu fɔ padi.

Ozie 4:18

We dɛn dɔn drɔnk, dɛn lɛk fɔ de biɛn dɛn rare gyal. Dɛn de ɛnjɔy da layf de pas di wan we go mek dɛn gɛt rɛspɛkt.

Ayzaya 1:13

Una nɔ briŋ mɔ fɔnatin ɔfrin kam igen; Insɛns na tin we a et bad bad wan. Nyu mun o, de fɔ blo ɛn rɛst o, ɛn we una kin gɛda fɔ wɔship mi- A nɔ go ebul bia sin insay ɔl dɛn fɛstival dɛn de igen.

Di Sam Dɛm 15:5

I de lɛnt pipul mɔni ɛn nɔ de aks fɔ intrɛst. Na pɔsin we nɔ de tek brayb fɔ lay pan pipul. Dis kayn pɔsin na pɔsin we at fɔ kɔrɔpt.

Ayzaya 1:23

Una bigman dɛn ɔl na rebɛl ɛn de waka wit tifman dɛm. Ɔlman lɛk fɔ tek brayb dɛn de rɔnata prɛzɛnt. Dɛn nɔ fɛt fɔ di wan dɛn we dɛn papa dɔn day, ɛn nɔ bisin bɔt dɛn uman dɛn we dɛn man dɔn day, dɛn kes.

Ayzaya 5:22

Swɛ go fɔdɔm pan dɛm wan we na champiɔn fɔ drink rɔm, ɛn dɛn man dɛn we nɔ de fred fɔ miks traŋa rɔm,

Ayzaya 33:15

Di pipul dɛn we de waka tret wit PAPA GƆD ɛn de tɔk tret tɔk, pipul we tek di prɔfit we pɔsin we de sɔprɛs pipul de mek, pipul we nɔ de gri tek brayb, pipul we de lɔk dɛn yes we pipul dɛn de plan fɔ shɛd blɔd ɛn de lɔk in yay lɛ i nɔ si bad tin.