Ɛksodɔs 23:7 - Krio Fɔs Oli Baybul

⁷ Dɛn wan we de jɔj kes fɔ jɔj tret. Dɛn nɔ fɔ lay pan poman. Dɛn nɔ fɔ sɛntɛns inosɛnt ɔ pɔsin we de waka tret na PAPA GƆD in yay fɔ day. If dɛn du dat, a nɔ go fɔgiv dɛn.

Ɛksodɔs 23:7 Referans Kwoze

Lɛta Fɔ Ɛfisɔs 4:25

Frɔm naw sote go, una nɔ fɔ lay igen. Ɔlman fɔ de tɔk tru to in kɔmpin, bikɔs wi ɔl na pat pan Krays in bɔdi.

Ditarɔnɔmi 27:25

“ ‘Ɛnibɔdi we go gri fɔ tek mɔni fɔ kil pɔsin we nɔ du am natin, lɛ PAPA GƆD mek bad bad tin mit am.’ “ ‘Ɔlman fɔ ansa se, ‘Emɛn!’

Ɛksodɔs 34:7

A de sho lɔv to tawzin pan tawzin pipul dɛn ɛn de fɔgiv udat du bad, udat brok lɔ ɛn udat kɔmit sin; bɔt a nɔ de fɔgɛt fɔ pɔnish dɛn wan we de du bad. A de mek pikin, grampikin, gret grampikin ɛn gret, gret grampikin dɛn sɔfa fɔ dɛn mami ɛn dadi dɛn sin.”

Ɛksodɔs 23:1

“Una nɔ fɔ lay pan pɔsin, ɛn sɛf una nɔ fɔ jɔyn an wit ɛni wikɛd pɔsin fɔ lay.

Fɔs Lɛta Fɔ Tɛsalonayka 5:22

Una nɔ fɔ du ɛnitin we bad.

Lɛvitikɔs 19:11

I se nɔ fɔ tif nɔ mek dabaru ɔ lay gi dɛn kɔmpin.

Lɛta Fɔ Rom 1:18

Di vɛks we Gɔd vɛks dɔn sho aw i go jɔj ɔlman fɔ di sin we de na dɛn at ɛn fɔ di bad we dɛn du, we de mek pipul nɔ no wetin tru bɔt Gɔd.

Lyuk 3:14

Dɛn soja man dɛnsɛf se, “We wi, wetin wi fɔ du, sa?” Jɔn ansa se, “Una nɔ fɔ fɛt pipul tek dɛn kɔpɔ, una nɔ fɔ lay pan pipul fɔ mek una gɛt mɔni. Una fɔ satisfay wit di mɔni we dɛn pipul we una de wok fɔ de pe una.”

Neum 1:3

PAPA GƆD na PAPA GƆD we pawaful i peshɛnt i kin mek shɔ se udat de du bad gɛt di pe we i de fɛt fɔ. Wi de si am insay di briz we de blo; di klawd dɛn na di dɔti we in fut de mek.

Ayzaya 33:15

Di pipul dɛn we de waka tret wit PAPA GƆD ɛn de tɔk tret tɔk, pipul we tek di prɔfit we pɔsin we de sɔprɛs pipul de mek, pipul we nɔ de gri tek brayb, pipul we de lɔk dɛn yes we pipul dɛn de plan fɔ shɛd blɔd ɛn de lɔk in yay lɛ i nɔ si bad tin.

Prɔvabs 17:15

Tu tin we PAPA GƆD et bad bad, na fɔ lɛ udat we de jɔj kes fri udat gilti, ɛn sɛntɛns udat nɔ gilti.

Job 22:23

If yu put yusɛf dɔŋ ɛn go bak to PAPA GƆD, if yu mek yu os klin na PAPA GƆD yay,

Ɛksodɔs 20:13

“Una nɔ fɔ kil ɛnibɔdi.

Jɛnɛsis 18:23

Ebraam go nia PAPA GƆD ɛn aks am se, “Fɔ tru, tru, yu go mek di pipul we de du rayt sɔfa wit di wan dɛn we de du bad?

Ɛksodɔs 20:16

Una nɔ fɔ lay pan una kɔmpin.

Lɛvitikɔs 19:16

Nɔ fɔ sidɔm pan pwɛl nem midul pipul, ɛn nɔ mek pɔsin lɔs in layf bikɔs yu want in prɔpati.

Ditarɔnɔmi 25:1

Mozis tɛl di Izrɛlayt dɛn se we tu pɔsin gɛt plaba, dɛn go na kot, we di jɔj dɔn jɔj di kes dɔn, ɛn no di wan we du in kɔmpin bad,

Di Sam Dɛm 94:21

Dɛn de gi rayt to udat gɛt rɔŋ, dɔn dɛn sɛntɛns pɔsin fɔ natin.

Di Sam Dɛm 119:29

Nɔ mek a miks pan dabaru; du gud to mi lɛk wetin yu lɔ dɛn se,

Prɔvabs 11:21

Nɔn bad pɔsin nɔ de we nɔ de gɛt in pe, bɔt wan krach nɔ go tɔch gud pɔsin.

Ayzaya 5:20

Swɛ go fɔdɔm pan dɛm wan we de kɔl bad, gud ɛn gud, bad, we de si daknɛs, i se na layt ɛn layt, i se daknɛs, i si bita, i se na swit ɛn swit, i se na bita!