Ɛksodɔs 23:3 - Krio Fɔs Oli Baybul

³ Una nɔ tɔn poman in rayt to rɔŋ wɛn una de tɔk kes.

Ɛksodɔs 23:3 Referans Kwoze

Jems 3:17

Di sɛns we Gɔd de gi, na pɔsin wit klin at i de gi, na di fɔs tin dat. Pɔsin we gɛt da kayn sɛns de nɔ de mek plaba, i nɔ de ambɔg, i de du tin saful saful, ɛn i lɛk fɔ ɛp pipul; i gɛt sɔri at ɛn i de du plɛnti plɛnti gud; ɔl in at de fɔ Gɔd, i nɔ ipokrit.

Lɛvitikɔs 19:15

I se we pɔsin dɛn de jɔj kes na kot, nɔ fɔ luk fes; dat na nɔ fɔ gi pɔsin rayt bikɔs i po ɔ jɛntri bɔt fɔ trit dɛn kɔmpin fia wan.

Ditarɔnɔmi 1:17

I se dɛn nɔ fɔ sayd nɔbɔdi we dɛn de jɔj kes. Dɛn fɔ lisin ɔlman, po man o, di wan we jɛntri o, dɛn fɔ lisin dɛn ɔl. Dɛn nɔ fɔ luk nɔbɔdi fes, bikɔs na PAPA GƆD dɛn de jɔj fɔ. I tɛl dɛn se, dɛn fɔ kɛr ɛni kes we traŋa fɔ dɛn go to am; in go andul am.

Ɛksodɔs 23:6

Nɔ tek poman in rayt nain an we i go na kot.

Ditarɔnɔmi 16:19

I se di wan dɛn we dɛn go pik fɔ bi di lida dɛn, nɔ fɔ gɛt yuki yuki; dɛn nɔ fɔ tek brayb bikɔs brayb kin mek sɛns man dɛn mek lɛkɛ dɛn nɔ de si di tru, ɛn dat kin mek dɛn gi rɔŋ to di pɔsin we gɛt rayt, ɛn rayt to di pɔsin we gɛt rɔŋ.

Prɔvabs 18:5

Lɛkɛ aw i nɔ fayn fɔ fri udat gilti, na so i nɔ fayn fɔ rog di pɔsin we de waka tret.

Prɔvabs 22:22

Nɔ tek advantej pan poman bikɔs na yu gɛt pawa; nɔ tek in rayt tɔn am to rɔŋ we yu de jɔj kes,

Ayzaya 10:1

Swɛ go fɔdɔm pan una we de pas dɛn wikɛd lɔ fɔ sɔprɛs pipul, ɛn dɛn wan we dɛn wok na fɔ rayt wetin fɔ tek sɔprɛs pipul,

Emɔs 5:12

A de si ɔl di bɔku dabaru we una de ple, ɛn di bad bad tin dɛn we una de du. Una we de brayb ɛn siz advantej pan pɔsin we de waka tret na PAPA GƆD in yay, wɛn una de jɔj kes, una de gi poman rɔŋ.