Ɛksodɔs 23:26 - Krio Fɔs Oli Baybul

²⁶ Nɔn uman nɔ go de we in bɛlɛ go wes ɔ nɔ go gɛt pikin. A go gi una ɔl lɔŋ layf.

Ɛksodɔs 23:26 Referans Kwoze

Ditarɔnɔmi 7:14

Mozis se dɛn layf go bɛtɛ pas ɔl ɔda neshɔn dɛn na di wɔl, ɛn okobo ɛn uman we nɔ de bɔn, nɔ go de pan dɛn ɔ dɛn animal dɛn.

Job 5:26

Na we yu dɔn ol gud, yu go day, lɛkɛ aw na we plant dɔn ful, dɛn de pik am.

Ditarɔnɔmi 28:4

Dɛn pikin dɛn we dɛn bɔn go gɛt blɛsin, ɛn di tin dɛn we dɛn plant, go gro fayn fayn wan, ɛn dɛn kaw, ship ɛn got, go bɔn bɔku bɔku wan.

Job 21:10

We di man kaw dɛn trɛd di kaw dɛm, dɛn de bɔn; dɛn nɔ de miskari.

Ayzaya 65:20

Pipul de rɔn wata na yay, ɛn trɔbul kray; fɔ lɛ pikin liv fɔ tu tri de ɛn day ɔ lɛ ol pɔsin day bifo in tɛm, nɔ go bi insay de igen, bikɔs pikin go ol ɔndrɛd ia bifo i day ɛn dɛn go si di wan we day bifo i ol ɔndrɛd se, i gɛt swɛ.

Di Sam Dɛm 144:13

Lɛ wi sto dɛn pak ful wit ɔlkayn tin fɔ it; ɛn lɛ wi ship dɛn jɛs de bɔn bɔku bɔku ship pikin dɛn;

Di Sam Dɛm 107:38

i blɛs dɛn ɛn dɛn bɔn bɔku pikin, ɛn PAPA GƆD nɔ mek dɛn animal dɛn day.

Jɛnɛsis 35:29

ɛn i day we i dɔn ol gud gud wan. Nain bɔypikin dɛn Isɔ ɛn Jekɔb bɛr am.

1 Kronikuls 23:1

We Devid dɔn ol ɛn dɔn te na wɔl, i mek Sɔlɔmɔn we nain bɔypikin, kiŋ na Izrɛl.

Jɛnɛsis 25:8

Ebraam bin dɔn tɔn prɔpa olpa we i kik di bokit, dɔn dɛn bɛr am na dɛn famili grev.

Job 42:17

Job bin dɔn ol bad bad wan bifo i day.

Di Sam Dɛm 55:23

Bɔt yu, PAPA GƆD, go dil wit mi ɛnimi dɛn ɛn yu go mek dɛn day ɛn go ɛl; bikɔs dɛn de kil wit dɛn an ɛn dɛn mɔt dɛn go day bifo dɛn tɛm. Bɔt, as fɔ mi a go de abop pan yu.

Di Sam Dɛm 90:10

Mɔtalman fɔ liv fɔ sɛvinti ia bɔt if i gɛt trɛnk, i kin de fɔ eti, ɛn da tɛm de i go de sik bɔku ɛn gɛt ɔlkayn trɔbul, dɔn na so tɛm go de flay fɔ am.

Ditarɔnɔmi 4:40

I advays dɛn fɔ du ɔl wetin i bin dɔn tɛl dɛn se PAPA GƆD se dɛn fɔ du ɛn nɔ fɔ du, so ɔltin go fayn fɔ dɛn ɛn dɛn pikin dɛn we nɔ bɔn yet; lɛ dɛn go gɛt lɔŋ layf fɔ ɛnjoy di land we PAPA GƆD we na dɛn PAPA GƆD dɔn gi dɛn sote go.

Ozie 9:14

I aks PAPA GƆD fɔ gi dɛn wetin in wan gi dɛn. Lɛ PAPA GƆD mek dɛn bɛlɛ wes ɛn lɛ ɔl dɛn bɔbi dray.