Ɛksodɔs 23:21 - Krio Fɔs Oli Baybul

²¹ Una rɛspɛkt am ɛn du wetin i se bikɔs na mi sɛn am. If una mek traŋayes i go dil wit una.

Ɛksodɔs 23:21 Referans Kwoze

Di Sam Dɛm 78:56

Bɔt dɛn tray PAPA GƆD bak ɛn mek rebɛl pan PAPA GƆD Ɔlmayti; dɛn nɔ gri fɔ obe in lɔ.

Di Sam Dɛm 78:40

Ɔmɔs tɛm dɛn nɔ dɔn tɔn pan am ɔ du tin fɔ mek i vɛks we dɛn de na di ɛmti land we pɔsin nɔ go ebul tap!

Di Ibru Pipul Dɛn 12:25

Na dat mek una fɔ tek tɛm mek una nɔ dɛf una yes we Jizɔs de tɔk to una. Dɛn lɔntɛm pipul nɔ bin gri lisin di pɔsin we bin de tɛl dɛn Gɔd in mɛsej na dis wɔl, so di tin we bin fɔ mit dɛn, mit dɛn, dɛn nɔ ebul pul dɛn ed. If dɛn nɔ ebul pul dɛn ed, aw wi we yɛri di wan insɛf we kɔmɔt ɛvin go pul wi ed, if wi nɔ gri lisin in mɛsej? Di tin we fɔ mit wi mɔs mit wi.

Jɔn 10:38

Bɔt if a de du di tin dɛn we mi Papa want mek a du, pan ɔl we una nɔ biliv mi naw, una fɔ biliv se na wɔndaful wok dɛn a de du, so dat una go no ɛn una nɔ go dawt igen se mi Papa de insay mi ɛn misɛf de insay mi Papa.”

Jɔn 10:30

Mi ɛn mi Papa na wan.”

Jɔshwa 24:19

Nain Jɔshwa tɛl di Izrɛlayt dɛn se PAPA GƆD nɔto PAPA GƆD we izi fɔ sav; I oli ɛn i de jɛlɔs ɛn i nɔ go fɔgiv dɛn if dɛn du wetin i se dɛn nɔ fɔ du.

Ɛksodɔs 3:14

PAPA GƆD ansa am se, “NA MI NA UDAT A BI.” Na dat yu fɔ tɛl di Izrɛlayt dɛn. Se na NA MI sɛn yu to dɛn.”

Lɛta Fɔ Kɔlɔse 2:9

Gɔd insɛf bin de insay Krays, pan ɔl we Krays na bin mɔtalman,

Lɛta Fɔ Ɛfisɔs 4:30

Una nɔ mek Gɔd in Spirit sɔri, na da Spirit de Gɔd tek mak una, fɔ di de we i go fri una.

Ditarɔnɔmi 18:19

ɛn ɛnibɔdi we nɔ lisin to am ɛn du wetin i se, in PAPA GƆD go pɔnish da pɔsin de,

Di Nɔmba Dɛm 14:11

PAPA GƆD tɔk to Mozis. I se, “Dɛn pipul ya jɛs de trit mi ɛniaw. Dɛn nɔ de gri fɔ biliv mi pan ɔl di wɔnda we a dɔn ple, we dɛn dɔn si.

Jɔn 5:23

so dat ɔlman go ɔna ɛn rɛspɛkt di Pikin lɛkɛ aw dɛn ɔna ɛn rɛspɛkt di Papa. Ɛnibɔdi we nɔ ɔna ɛn rɛspɛkt di Pikin, na di Papa we sɛn di Pikin kam na wɔl di pɔsin nɔ ɔna ɛn rɛspɛkt.

Di Nɔmba Dɛm 14:35

Na mi PAPA GƆD dɔn tɔk ɛn a go mɔs du wetin a se to dɛn bad pipul ya we dɔn plan fɔ ambɔg mi. Dɛn go day wan bay wan na dis ɛmti land we pɔsin nɔ go ebul tap we dɛn rich dɛn Watalo. Lɔnta.

Ɛksodɔs 32:34

PAPA GƆD tɛl am se lɛ i lid di pipul dɛn go na di ples we i dɔn tɛl am fɔ go. I se in enjɛl go de bifo am fɔ de gayd am. I se di tɛm we in go rɛdi fɔ dɛn i go pɔnish dɛn fɔ dɛn sin.

Ɛksodɔs 6:3

A apia to Ebraam, to Ayzak ɛn Jekɔb as PAPA GƆD Ɔlmayti, bɔt a nɔ bin mek dɛn no mi bay mi oli nem.

Rɛvɛleshɔn 2:23

A go mek ɔl dɛn wan we de fala am sik ɛn day. Dat go mek ɔl dɛn Kristiɛn ɔlɔbɔt no se a no wetin ɔlman na wɔl de tink ɛn a de si insay dɛn at. A go mek ɔlman gɛt di pe fɔ wetin i du.

Rɛvɛleshɔn 2:8

“Rayt dis mɛsej ya sɛn am go to di enjɛl we de gyad di Kristiɛn dɛn na Smana: “Na di mɛsej dis we di wan we na di fɔs ɛn las pɔsin, sɛn; nain bin day, ɛn i bin rayz frɔm di grev:

Rɛvɛleshɔn 1:8

Gɔd we na wi Masta we gɛt pawa pas ɔl, we bin dɔn de bifo di wɔl mek, we de naw ɛn we go kam bak na dis wɔl, nain de tɛl wi se “Mi na di Fɔs ɛn di Las.”

Di Sam Dɛm 2:12

Put yusɛf dɔŋ bifo PAPA GƆD in bɔypikin mek i nɔ vɛks ɛn dɔnawe wit yu, bikɔs i kin vɛks ɛnitɛm. I go fayn fɔ ɔl udat de go to am fɔ mek i kɔba dɛn.

Rɛvɛleshɔn 3:7

“Rayt dis mɛsej ya sɛn am go to di enjɛl we de gyad di Kristiɛn dɛn na Filadɛlfia: “Na di mɛsej dis we Krays we na di tru wan, sɛn. Nain ol di ki we Devid bin ol. If i opin ɛni do, nɔbɔdi nɔ de we go ebul lɔk am. If i lɔk ɛni do, nɔbɔdi nɔ de we go ebul opin am:

Jɔn In Fɔs Lɛta 5:16

If ɛni bɔdi si in kɔmpin sin ɛn da sin de nɔto sin we go tap am mek i nɔ gɛt layf we go de sote go, i fɔ pre fɔ am ɛn Gɔd go gi am di tru layf. Bɔt di pre we i de pre nɔ go ɛp dɛn pipul we sin da bad bad sin we de mek pɔsin nɔ gɛt layf we go de sote go, ɛn a nɔ se una fɔ pre to Gɔd fɔ dɛn kayn sin de.

Di Ibru Pipul Dɛn 3:16

Udat na di pipul dɛn we bin yɛri Gɔd in vɔys, bɔt dɛn nɔ bin gri fɔ mek i rul dɛn? Na ɔl dɛn pipul we na bin slev na Ijipt, we Mozis bin fri.

Matyu 17:5

Wɛn Pita dɔn tɔk dɔn, wan klawd we bin de shayn, kɔba dɛn, dɔn dɛn yɛri wan vɔys de tɔk na di klawd se, “Dis na mi Pikin we a lɛk bad, a gladi fɔ am, una lisin wetin i de tɛl una.”

Matyu 1:23

“Wan yɔŋ uman we nɔ no bɔt man yet go gɛt bɛlɛ ɛn i go bɔn bɔy pikin, dɛn go gi di pikin nem Imanyuɛl” (Imanyuɛl min se, Gɔd de wit wi).

Jɛrimaya 23:6

Nain tɛm Juda go sav, ɛn Izrɛl go liv de wit kolat. Ɛn na dis nem dɛn go kɔl am: ‘PAPA GƆD na wi tret waka.’

Jɛrimaya 5:7

“Aw a go sɔri fɔ yu? Yu pikin dɛm dɔn fɔsek mi, ɛn dɛn dɔn tek dɛn wan dɛn we nɔto gɔd, dɛn nem swɛ. We a bin fid dɛm te dɛn bɛlful, dɛn bin kɔmit adɔltri ɛn gɛda go na dɛn rare gyal dɛn os.

Ayzaya 57:15

Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

Ayzaya 45:6

mek mɔtalman go no se, frɔm usay di san de grap ɛn frɔm di wɛst, nɔn ɔda wan nɔ de apat frɔm mi; Na Mi na PAPA GƆD ɛn nɔn ɔda wan nɔ de.

Ayzaya 42:8

Na mi na PAPA GƆD, na dat na mi nem; a nɔ de gi mi glori to ɛni ɔda pɔsin, ɔ mi prez to dɛn laylay gɔd.

Ayzaya 9:6

Bikɔs dɛn dɔn bɔn wan pikin gi wi, dɛn dɔn gi wi bɔypikin ɛn nain ed di gɔvmɛnt go de, ɛn in nem we dɛn go kɔl am, na, “Wɔndaful Kanselɔ, Mayti Gɔd, Ɛvalastin Papa, Prins ɔf pis.”

Ayzaya 7:14

Fɔseka dat, PAPA GƆD insɛf go gi una sayn. Wan yɔŋgyal go gɛt bɛlɛ ɛn go bɔn pikin, ɛn i go gi am nem, Imanyuɛl.

Di Sam Dɛm 83:18

Lɛ dɛn ɔl no se, yu na PAPA GƆD di PAPA GƆD Ɔlmayti lɛ dɛn no se na yu waŋren na PAPA GƆD fɔ di wɔl.

Di Sam Dɛm 72:19

Lɛ wi prez in nem sote go in nem we big ɛn pawaful; lɛ di wanol wɔl ebul fɔ si ɔl di wɔndaful tin dɛn we i de du ɛn aw i lɛk ɛn bisin bɔt in pipul. Emɛn, Emɛn

Ditarɔnɔmi 9:7

I mɛmba dɛn we dɛn bin mek PAPA GƆD we na dɛn PAPA GƆD vɛks, we dɛn bin de na da ɛmti ples we pɔsin nɔ go ebul tap. I se frɔm we dɛn kɔmɔt Ijipt te dɛn rich usay dɛn bin dɔn rich so, dɛn nɔ bin de du wetin PAPA GƆD bin de tɛl dɛn fɔ du atɔl.

Di Jɔj Dɛm 13:18

Bɔt di enjɛl aks Manoa bak se wetindu i wan no in nem. I se i lɛk i tɛl am, i nɔ go ɔndastand.

Ayzaya 9:5

Ɔl di but we di ɛnimi soja dɛn go wɛr fɔ kam fɛt, ɛn ɔl dɛn klos we sok wit blɔd go bɔn lɛk dray lif na faya.

Malakay 3:1

PAPA GƆD Ɔlmayti se in de sɛn wan mɛsenja we go mek shɔ se ɔltin ɔrayt fɔ am dɔn dɛn go si PAPA GƆD lɛk aw dɛn de luk fɔ am as i go kam nain os; nain na di mɛsenja we dɛn wan fɔ si bikɔs we in kam i go mek shɔ se dɛn kip in Kɔvinant.