Ɛksodɔs 23:2 - Krio Fɔs Oli Baybul

² Una nɔ fala ɛni krawd fɔ du bad. Una nɔ fala dɛn fɔ gi fɔls witnɛs, fɔ tɔn rayt to rɔŋ.

Ɛksodɔs 23:2 Referans Kwoze

Prɔvabs 1:15

Mi pikin, nɔ fala dɛn; lɛ yu fut sɛf nɔ mas usay dɛn de;

Job 31:34

bikɔs a se a de fred wetin pipul dɛn go se, ɔ se a de fred wetin mi famili dɛn go du, so a go de insay os ɛn nɔ de go na do.

Ditarɔnɔmi 1:17

I se dɛn nɔ fɔ sayd nɔbɔdi we dɛn de jɔj kes. Dɛn fɔ lisin ɔlman, po man o, di wan we jɛntri o, dɛn fɔ lisin dɛn ɔl. Dɛn nɔ fɔ luk nɔbɔdi fes, bikɔs na PAPA GƆD dɛn de jɔj fɔ. I tɛl dɛn se, dɛn fɔ kɛr ɛni kes we traŋa fɔ dɛn go to am; in go andul am.

Lyuk 23:51

i nɔ bin gri wit di tin we in kɔmpin dɛn bin mekɔp fɔ du ɛn we dɛn du. I bin de wet fɔ di tɛm we Gɔd go rul dis wɔl.

Mak 15:15

So fɔ mek di pipul dɛn gladi, Paylet fri Barabas. I mek di soja man dɛn bit Jizɔs, dɔn i lɛf am gi dɛn fɔ mek dɛn nel am pan di krɔs.

Prɔvabs 4:14

Nɔ falamakata bad pipul, nɔ pas na di rod sɛf we dɛn de waka.

1 Kiŋ 19:10

I ansa se in bin gɛt bɔku zil fɔ PAPA GƆD we na PAPA GƆD Ɔlmayti in wok. I se di Izrɛlayt dɛn dɔn brok di Kɔvinant wit PAPA GƆD ɛn di ɔlta, ɛn kil in prɔfɛt dɛn; dɔn in waŋren lɛf ɛn dɛn de fɛt fɔ kil insɛf.

Jɔshwa 24:15

I se, “if yu nɔ wan sav PAPA GƆD, yu fɔ mekɔp yu maynd tide udat yu go wɔship. ‘As fɔ mi ɛn ɔl udat de na mi os, na PAPA GƆD wi go wɔship” if dɛn at nɔ gi dɛn fɔ sav PAPA GƆD, da de de, dɛn fɔ pik bitwin dɛn fɔstɛmpapa dɛn gɔd ɛn di gɔd we di Amɔrayt dɛn bin de wɔship usay dɛn di Izrɛlayt dɛn bin de so datɛnde.

Apɔsul Dɛn Wok 25:9

Fɛstɔs bin want fɔ mek di Ju pipul dɛn lɛk am so i aks Pɔl se, “Yu go want lɛ dɛn kɛr yu go Jerusɛlɛm, mek a go tɔk di kes de?”

Apɔsul Dɛn Wok 24:27

Wɛn tu ia dɔn pas, Filiks kɔmɔt na pawa ɛn Pɔsiɔs Fɛstɔs tek in ples. Filiks bin want mek di Ju pipul dɛn lɛk am so i nɔ fri Pɔl bifo i go.

Jɛrimaya 38:9

“Mi masta we na di kiŋ, dɛn man ya dɔn du bad bay wetin dɛn du to Jɛrimaya we na prɔfɛt, we dɛn put am insay da wɛl; ɛn i go day de wit angri, bikɔs nɔn it nɔ lɛf na di siti.”

Jɛrimaya 37:21

So kiŋ Zɛdikaya gi ɔda ɛn dɛn sɛn Jɛrimaya go na di pales yad; ɛn dɛn bin de gi am wan lof bred ɛvirde we de kɔmɔt na di bekri dɛm, sote di bred na di siti bin dɔn. So Jɛrimaya bin de na di pales yad.

Jɛrimaya 37:15

Di bigman dɛn bin vɛks bad bad wan pan Jɛrimaya. So dɛn bin bit am ɛn lɔk am ɔp na Jonɛthan we na di sɛktri in os, bikɔs dɛn bin dɔn tɔn am to Jel.

Di Sam Dɛm 72:2

Mek i rul yu pipul wit dis gud at ya, ɛn trit yu po pipul fia wan.

Lɛvitikɔs 19:15

I se we pɔsin dɛn de jɔj kes na kot, nɔ fɔ luk fes; dat na nɔ fɔ gi pɔsin rayt bikɔs i po ɔ jɛntri bɔt fɔ trit dɛn kɔmpin fia wan.

Jɛnɛsis 19:4

Bay di tɛm we dɛn de rɛdi fɔ go lidɔm, ɔl di man dɛn na di siti dɔn sɔrawnd di os, big wan ɛn smɔl wan dɛn.

Jɛnɛsis 6:12

PAPA GƆD si se dis bad dɔn pasmak na di wɔl.

Lɛta Fɔ Rom 1:32

Dɛn no se Gɔd se di pɔsin we de du dɛn tin ya fɔ day. Pan ɔl dat, dɛn stil de du dɛn kayn tin ya, ɛn pantap dat, dɛn si wit ɔda pipul we de du dɛn.

Izikɛl 9:9

Nain PAPA GƆD tɛl mi se, “Izrɛl ɛn Juda dɛn sin dɔn pasmak; di land ful wit blɔd, ɛn so so advantej de na di siti; bikɔs dɛn de se, ‘PAPA GƆD dɔn tɔn in bak pan di land, ɛn so PAPA GƆD nɔ de si wetin di bi.’

Ditarɔnɔmi 24:17

I tɛl dɛn fɔ mek shɔ se nɔbɔdi nɔ tek advantej pan pɔsin bikɔs na trenja, ɔ dɛn pikin we dɛn mami ɛn dadi dɔn day, ɛn wɔn dɛn nɔ fɔ tek uman we in man dɔn day in klos we i de tek slip fɔ ol fɔ mɔni we i go wan lɛnt,

Ditarɔnɔmi 16:19

I se di wan dɛn we dɛn go pik fɔ bi di lida dɛn, nɔ fɔ gɛt yuki yuki; dɛn nɔ fɔ tek brayb bikɔs brayb kin mek sɛns man dɛn mek lɛkɛ dɛn nɔ de si di tru, ɛn dat kin mek dɛn gi rɔŋ to di pɔsin we gɛt rayt, ɛn rayt to di pɔsin we gɛt rɔŋ.

Jɛnɛsis 7:1

PAPA GƆD tɛl Noa se, “Go insay di ak wit ɔl udat tap na yu os. A dɔn si se na yu wangren pan yu kɔmpin dɛn de du wetin rayt na mi yay.

Egay 1:4

I se fɔ aks dɛn if na tɛm fɔ dɛn fɔ bil os dɛn wit dia matirial fɔ dɛnsɛf, we PAPA GƆD in yon os de brok brok wan.

1 Samiɛl 15:9

Sɔl ɛn in sojaman dɛn nɔ lɛf Egag nɔmɔ, dɛn nɔ pwɛl natin we gud lɛkɛ di bɛst ship ɛn kaw, dɛn fat fat kaw pikin ɛn dɛn fayn yɔŋ ship dɛn. Dɛn nɔ bin gladi fɔ dɔnawe wit dɛn tin ya bɔt ɛnitin we dɛn nɔ lɛk ɔ we nɔ fayn, dɛn bin dɔnawe wit dɛn kpatakpata.

Prɔvabs 18:5

Lɛkɛ aw i nɔ fayn fɔ fri udat gilti, na so i nɔ fayn fɔ rog di pɔsin we de waka tret.

1 Samiɛl 15:24

Na da tɛm de Sɔl se in dɔn sin ɛn du wetin nɔ rayt to PAPA GƆD. I se, in bin de fred in pipul dɛn so i du wetin dɛn want.