Ɛksodɔs 23:15 - Krio Fɔs Oli Baybul

¹⁵ Di fɔs wan we na di ɔlide fɔ it bred we nɔ gɛt yist pan am, fɔ bi insay Abib mɔnt, dat na dis mɔnt we una lɛf Ijipt. Una mek di ɔlide ya fɔ ɔna mi. Nɔbɔdi nɔ fɔ kam bifo mi ɛmti an.

Ɛksodɔs 23:15 Referans Kwoze

Lyuk 22:7

Di tɛm rich pan di Ju ɔlide we dɛn kɔl Pasova we dɛn fɔ kil ship fɔ mɛmba di tɛm we Gɔd bin pul in pipul dɛn kɔmɔt na Ijipt.

Ɛksodɔs 34:20

Bɔt fɔ ɛni dɔŋki we bɔn pikin na ship una fɔ tek ɛkschenj am, bɔt if una nɔ want du dat una fɔ brok di dɔŋki in nɛk. Una fɔ ridim di fɔs-bɔy-pikin. Nɔbɔdi nɔ fɔ kam bifo mi ɛmti an.

Ditarɔnɔmi 16:16

Mozis ɛksplen tɛl di pipul dɛn se ɔl di man dɛn na Izrɛl fɔ go tri tɛm fɔ ia na di ples we PAPA GƆD go pik fɔ wɔship ɛn mek sakrifays to am; di fɔs wan na di tɛm fɔ di Pasova Fɛstival, di sɛkɛn wan na di tɛm fɔ di Avɛst Fɛstival ɛn di tɔd wan na di tɛm fɔ mɛmba we dɛn bin tap na bafa. Ɔlman fɔ kɛr sɔntin go fɔ go gi PAPA GƆD.

Mak 14:12

Di fɔs de pan di Ju ɔlide we di Ju dɛn kin it bred we nɔ gɛt yist, ɛn kil ship fɔ mɛmba di Pasova, di lanin bɔy dɛn aks Jizɔs se, “Usay wi fɔ go rɛdi di Pasova it?”

Lɛvitikɔs 23:10

mek i tɛl di Izrɛlayt dɛn se, wɛn dɛn rich na di land we i de gi dɛn, ɛn bigin avɛst di tin dɛn we dɛn plant, di fɔs bɔndul pan di bali we dɛn pul, na fɔ gi di man we de mek sakrifays fɔ pipul sin;

Ɛksodɔs 34:18

“Una fɔ sɛlibret di fɛstival fɔ mɛmba di pasova. Lɛkɛ aw nɔmɔ a bin dɔn tɛl una, una fɔ it bred we nɔ gɛt yist fɔ sɛvin de insay Abib mɔnt, bikɔs na da mɔnt de una bin lɛf Ijipt.

Ɛksodɔs 13:4

I tɛl dɛn se da patikla de de insay Abib mɔnt na di de dat we dɛn lɛf Ijipt.

Lyuk 2:41

Ɛvri ia Jizɔs in mama ɛn papa kin go na Jerusɛlɛm wɛn di tɛm rich fɔ wan Ju ɔlide we nem Pasova.

Apɔsul Dɛn Wok 12:3

Wɛn di kiŋ si se di Ju pipul dɛn gladi fɔ wetin i du, i du ɔda bad tin; i mek soja man dɛn ol Pita. Ɔl dis bi di tɛm we dɛn bin gɛt wan Ju ɔlide we dɛn kin it bred we nɔ gɛt yist.

Ɛksodɔs 12:2

“Dis mɔnt na di fɔs mɔnt na di ia fɔ una.

Ɛksodɔs 22:29

“Una nɔ fɔ olɔp mi we una avɛst una plant, wayn ɛn ɔliv ɔyl. Na mi gɛt una fɔs-bɔy-pikin dɛn.

1 Samiɛl 6:3

Dɛn ansa se we dɛn de sɛn di ak bak we na Izrɛl dɛn PAPA GƆD gɛt am, dɛn nɔ fɔ sɛn am go ɛmti wan. Dɛn fɔ mek shɔ se, we dɛn de sɛn am, dɛn sɛn am wit sɔntin fɔ sho se dɛn sɔri fɔ wetin dɛn du. Dɛn se dat go mek PAPA GƆD mek dɛn wɛl bak, ɛn dɛn go ebul fɔ no wetin bin mek dɛn de gɛt bɔku waala so.

Ɛksodɔs 13:3

Mozis tɛl di pipul dɛn se dɛn fɔ mɛmba da de, de dat na di de we dɛn lɛf Ijipt usay dɛn na bin slev, bikɔs na da de de PAPA GƆD yuz in pawa pul dɛn kɔmɔt Ijipt. I tɛl dɛn se dɛn nɔ fɔ it ɛnitin we gɛt yist.

Mayka 6:6

Una de aks se wetin una fɔ gi PAPA GƆD naw we una de go wɔship am, in we na di PAPA GƆD we de ɔp yanda. Una de aks if na fɔ bɔn animal as sakrifays ɔ na fɔ gi am fayn yɔŋ kaw dɛn.