Ɛksodɔs 23:12 - Krio Fɔs Oli Baybul

¹² Na siks de nɔmɔ una fɔ wok fɔ, dɔn di de we mek sɛvin una fɔ blo. Una fɔ mek dɛn slev we de wok fɔ una, dɛn fɔrina ɛn dɛn animal dɛnsɛf blo.

Ɛksodɔs 23:12 Referans Kwoze

Lyuk 13:14

Bɔt di bigman na di Ju mitin os bin vɛks bikɔs Jizɔs mɛn di sik uman di de we fɔ pre ɛn blo, so i tɛl di pipul dɛn we bin go fɔ pre se, “Na siks de pɔsin fɔ wok, so una fɔ kam wan pan dɛn de ya fɔ mek Jizɔs mɛn una; bɔt una nɔ fɔ kam di de fɔ pre ɛn blo fɔ mek i mɛn una.”

Ɛksodɔs 35:3

Una nɔ fɔ ivin mek faya sɛf da de de we na fɔ pre ɛn blo.”

Ayzaya 58:3

“Wetin mek wi dɔn fast, ɛn yu mek lɛk yu nɔ no? Wetin mek wi dɔn ɔmbul wisɛf ɛn yu mek lɛk yu nɔ no bɔt dat?” Luk, di tɛm we una kin de fast una kin de fala una yon ɛnjɔymɛnt; ɛn aras ɔl una wokman dɛn.

Ɛksodɔs 34:21

“Una gɛt siks de na di wik fɔ wok, bɔt di de we mek sɛvin una nɔ fɔ wok, i lɛk sɛf na di tɛm fɔ plant ɔ avɛst.

Mak 2:27

Jizɔs se, “Gɔd mek di de fɔ pre ɛn blo fɔ mɔtalman, i nɔ mek mɔtalman fɔ di de fɔ pre ɛn blo.

Ɛksodɔs 16:23

Mozis tɛl dɛn se, PAPA GƆD se di nɛks de na oli de to PAPA GƆD fɔ ɔna am ɛn fɔ blo. I se dɛn fɔ bek ɔ kuk bɔku it we go de fɔ it di nɛks de.

Ɛksodɔs 23:11

bɔt di ia we mek sɛvin una nɔ fɔ plant ɛnitin, ɛn una nɔ fɔ go sɛf na una fam. Una fɔ lɛf ɔl wetin de de fɔ dɛn po wan dɛn fɔ it. Wetin dɛn nɔ ebul fɔ it, dɛn animal go it am. Dɔn una fɔ lɛf una vayn gadin ɛn ɔliv gadin dɛnsɛf fɔ di po wan dɛn.

Ɛksodɔs 35:2

“Una gɛt siks de na di wik fɔ wok bɔt di de we mek sɛvin fɔ kip am oli ɛn kwayɛt to PAPA GƆD. Ɛnibɔdi we wok da de de dɛn fɔ kil am.

Lɛvitikɔs 23:3

Na siks de nɔmɔ dɛn fɔ wok; bɔt di de we mek sɛvin na de fɔ blo, na de we fɔ gɛda ɛn wɔship PAPA GƆD; nɔ fɔ du nɔn wok, na di de we mek sɛvin we na de fɔ PAPA GƆD, i lɛk usay dɛn de.

Nɛimaya 13:16

Di man dɛn we kɔmɔt Taya, we tap na Jerusɛlɛm sɛf bin de briŋ fish ɛn ɔlkayn tin fɔ sɛl gi dɛn pipul we kɔmɔt Juda insay Jerusɛlɛm, da de de.