Ɛksodɔs 23:11 - Krio Fɔs Oli Baybul

¹¹ bɔt di ia we mek sɛvin una nɔ fɔ plant ɛnitin, ɛn una nɔ fɔ go sɛf na una fam. Una fɔ lɛf ɔl wetin de de fɔ dɛn po wan dɛn fɔ it. Wetin dɛn nɔ ebul fɔ it, dɛn animal go it am. Dɔn una fɔ lɛf una vayn gadin ɛn ɔliv gadin dɛnsɛf fɔ di po wan dɛn.

Ɛksodɔs 23:11 Referans Kwoze

Lɛvitikɔs 25:22

Ivin we dɛn go ebul plant di ia we mek et, dɛn nɔ go gɛt wetin dɛn plant da ia de fɔ it te di ia we mek nayn; na wetin dɛn bin kip di ia we mek siks nain dɛn go gɛt fɔ de it.

Lɛvitikɔs 25:20

Bɔt if dɛn bigin wɔndrin bɔt wetin dɛn go it, da ia we mek sɛvin we dɛn nɔ go de plant ɔ avɛst,

Ɛksodɔs 23:10

“Una fɔ plant fɔ siks ia ɛn avɛst wetin una plant,

Ɛksodɔs 23:12

Na siks de nɔmɔ una fɔ wok fɔ, dɔn di de we mek sɛvin una fɔ blo. Una fɔ mek dɛn slev we de wok fɔ una, dɛn fɔrina ɛn dɛn animal dɛnsɛf blo.

Di Nɔmba Dɛm 16:14

Dɛn se Mozis nɔ gɛt natin fɔ gi dɛn, i nɔ kɛr dɛn go na di land we fayn fɔ plant ɛn fɔ mɛn animal dɛn, i nɔ gɛt fam dɛn fɔ gi dɛn ɔ dɛn big vayn gadin we gɛt bɔku tin fɔ gi dɛn so i jɛs de mek dɛn ful ɛn want fɔ mek dɛn in slev.

Nɛimaya 10:31

“Wɛn dɛn treda frɔm ɔda kɔntri briŋ tin fɔ sɛl di de we mek sɛvin we na blo, wi nɔ go bay bikɔs na de de wi fɔ blo ɛn nɔ du natin. If ivin dɛn kam ɛni ɔda de we wi se na oli de, wi nɔ go bay. We wi dɔn wok na wi fam dɛn fɔ siks ia wi nɔ go wok de fɔ ɛni ia we mek sɛvin. Da ia de wi go lɛf ɔl udat o wi.

Ditarɔnɔmi 15:11

Mozis se, bikɔs po pipul dɛn mɔs de na di land ɔltɛm, so, na dat mek PAPA GƆD se dɛn nɔ fɔ mek traŋa at ɛn gridi dɛn brɔda; pipul we want ɛp ɛn di wan dɛn we po.

Nɛimaya 10:32

“Wi de prɔmis se wi go du ɔl wetin yu ɔda wi fɔ du, dat na fɔ mek wi gi smɔl tin lɛkɛ wan pat pam tri shɛkɛl ɛvri ia to PAPA GƆD in os,