Ɛksodɔs 23:1 - Krio Fɔs Oli Baybul

¹ “Una nɔ fɔ lay pan pɔsin, ɛn sɛf una nɔ fɔ jɔyn an wit ɛni wikɛd pɔsin fɔ lay.

Ɛksodɔs 23:1 Referans Kwoze

Di Sam Dɛm 101:5

A go kil udat de go rawnd ɛn pwɛl in kɔmpin; dɔn i de kak, a nɔ go tɔlaret am.

Prɔvabs 19:5

Udat go bi fɔls witnɛs nɔ de go fri, ɛn if yu lay yu go gɛt di pe.

Ɛksodɔs 20:16

Una nɔ fɔ lay pan una kɔmpin.

Di Sam Dɛm 35:11

Pipul dɛn de luk mi korokoro wan ɛn lay pan mi, dɛn se dɛn na witnɛs; Tin dɛn we a nɔ no bɔt sɛf, nain dɛn de tɔk.

Ditarɔnɔmi 5:20

Nɔbɔdi nɔ fɔ lay pan in kɔmpin we i bi witnɛs na kot.

Lɛvitikɔs 19:16

Nɔ fɔ sidɔm pan pwɛl nem midul pipul, ɛn nɔ mek pɔsin lɔs in layf bikɔs yu want in prɔpati.

Rɛvɛleshɔn 12:10

Dɛn a yɛri lawd vɔys de tɔk na ɛvin se, “Di tɛm we Gɔd go sev in pipul dɛn, dɔn kam! Gɔd dɔn sho in pawa naw lɛkɛ kiŋ! Krays we i sɛn kam na wɔl dɔn sho in pawa! Di wan we bin tinap bifo Gɔd de tɔk de ɛn nɛt se wi kɔmpin Kristiɛn dɛn du bad, dɔn kɔmɔt na ɛvin, dɛn dɔn ib am na do.

Lɛta Fɔ Rom 3:8

If na so i bi, wetindu una nɔ go se, “Mek wi du bad so dat gud go kɔmɔt insay di bad we wi du?” Na di sem tin sɔm pipul lay se a de tɔk. Gɔd go kɔndɛm dɛn pipul de we lay pan mi so, ɛn i go rayt fɔ du dat.

Prɔvabs 19:9

Udat go bi fɔls witnɛs nɔ de go fri, ɛn if yu lay yu go gɛt di pe.

Pita In Fɔs Lɛta 3:16

bɔt una nɔ fɔ fos pipul fɔ biliv pan Krays ɛn una fɔ de lisin to wetin dɛn de tɔk. Una fɔ shɔ se ɔl wetin una de du na wetin una at tɛl una se rayt, so dat dɛn pipul we de tɔk se una nɔ de waka tret, ɛn dɛn wan we de tɔk bad bɔt di gud we una de du we una de waka wit Krays, go shem.

Sɛkɛn Lɛta To Timoti 3:3

dɛn nɔ go de du gud, dɛn nɔ go gɛt sɔri at, dɛn go de tɔk bad bɔt pipul, dɛn nɔ go ebul kɔntrol dɛnsɛf, ɛn dɛn go wayl if pɔsin ambɔg dɛn; dɛn nɔ go lɛk ɛnitin we gud;

Lɛta Fɔ Ɛfisɔs 4:25

Frɔm naw sote go, una nɔ fɔ lay igen. Ɔlman fɔ de tɔk tru to in kɔmpin, bikɔs wi ɔl na pat pan Krays in bɔdi.

Prɔvabs 24:28

Nɔ tinap as witnɛs fɔ yu kɔmpin we yu nɔ gɛt rizin, ɛn nɔ lay de.

Prɔvabs 21:28

Udat go gi fɔls witnɛs go sɔfa fɔ dat, ɛn udat go gi tru witnɛs nain dɛn go lisin to.

Prɔvabs 10:18

Udat de ayd in bad at na layman, ɛn yu de koŋosa na fulman.

Di Sam Dɛm 15:3

i nɔ de pwɛl in kɔmpin in nem, du bad to am ɛn nɔ miks pan koŋosa,

Lɛvitikɔs 19:11

I se nɔ fɔ tif nɔ mek dabaru ɔ lay gi dɛn kɔmpin.

Lyuk 19:8

Zakiɔs tɛl Jizɔs bifo ɔlman se, “Masta, a go sheb mi prɔpati tu ɛn gi dɛn po pipul wan pat, ɛn ɛnitin we a bin tek na pɔsin an we a nɔ bin fɔ tek a go gi di pɔsin fo tɛm pas wetin a bin tek nain an.”

Lyuk 3:14

Dɛn soja man dɛnsɛf se, “We wi, wetin wi fɔ du, sa?” Jɔn ansa se, “Una nɔ fɔ fɛt pipul tek dɛn kɔpɔ, una nɔ fɔ lay pan pipul fɔ mek una gɛt mɔni. Una fɔ satisfay wit di mɔni we dɛn pipul we una de wok fɔ de pe una.”

Matyu 19:18

Di man aks Jizɔs se, “Uswan pan di lɔ dɛn a fɔ kip?” Jizɔs se, “Yu nɔ fɔ kil yu kɔmpin mɔtalman; maredman nɔ fɔ lɛf in wɛf go kip ɔda uman ɛn mare du man nɔ fɔ lɛf in man go kip ɔda man; yu nɔ fɔ tif; yu nɔ fɔ lay pan yu kɔmpin;

Jɛrimaya 20:10

Bikɔs a de yɛri bɔku bɔku sumu sumu. Fred fred de ɔlɔbɔt! “Pul am kɔmɔt na yu at! Lɛ wi pul am kɔmɔt na yu at! Na so ɔl mi tayt padi dɛn de se, de wach fɔ mi dawnfɔl. ‘Sɔntɛnde, wi go ebul disiv am, datɛnde, wi go gɛt am to wetin wi want, ɛn rivɛnj pan am.”

Prɔvabs 25:23

Lɛkɛ aw di briz we de kɔmɔt na di nɔth de kɔl ren, na so koŋosa de briŋ twis fes.

Prɔvabs 25:18

Pɔsin we de lay pan in kɔmpin kin kil, lɛk aw wɛpɔn de kil.

Prɔvabs 19:28

Bad pɔsin de gladi wɛn dɛn tɔn rayt to rɔŋ na kot, ɛn na so i kin de ɛnjɔy we i de du in bad.

Prɔvabs 17:4

Bad pɔsin lɛk fɔ lisin to koŋosa tɔk, layman lɛk fɔ lisin to udat de pwɛl in kɔmpin.

Prɔvabs 12:17

Udat de tɔk tru de pan fia ple, bɔt yu de lay de pwɛl.

Di Sam Dɛm 120:3

Wetin PAPA GƆD gɛt fɔ du wit una, bifo a se layman dɛn lɛk una?

Di Sam Dɛm 27:12

Nɔ mek mi ɛnimi dɛn gɛt wetin dɛn want, bikɔs bɔku dɔn rɛdi fɔ lay pan mi lɛk a kɔmit kraym.

2 Samiɛl 19:27

I se Ziba go to di kiŋ go pwɛl in nem. I se in no se di kiŋ gɛt sɛns lɛk PAPA GƆD in enjɛl so lɛ i du wetin rayt fɔ am.

2 Samiɛl 16:3

We i tɔk dɔn, di kiŋ aks am fɔ in masta, dat na Sɔl in grampikin. Ziba se i lɛf am na Jerusɛlɛm bikɔs i de fil se wetin bi go mek di Izrɛlayt dɛn mek am kiŋ as nain papa bin fɔ bi kiŋ.

Ɛksodɔs 23:7

Dɛn wan we de jɔj kes fɔ jɔj tret. Dɛn nɔ fɔ lay pan poman. Dɛn nɔ fɔ sɛntɛns inosɛnt ɔ pɔsin we de waka tret na PAPA GƆD in yay fɔ day. If dɛn du dat, a nɔ go fɔgiv dɛn.

Jɔn 7:51

“Wi Ju Lɔ tɛl wi se wi nɔ fɔ kɔndɛm pɔsin bifo wi yɛri wetin di pɔsin gɛt fɔ se, so dat wi kin no wetin i du.”

Jɛnɛsis 39:17

ɛn tɛl am di sem stori. I se da Ibru slev we i briŋ kam na dɛn os go insay in rum fɔ disgres am.

Prɔvabs 14:5

Tru witnɛs pan kes nɔ de lay, bɔt di wan we nɔ de tɔk tru na layman.