Ɛksodɔs 22:21 - Krio Fɔs Oli Baybul

²¹ Una nɔ fɔ mɔlɛs ɛni fɔrina ɔ trit am bad bikɔs una sɛf na bin fɔrina na Ijipt.

Ɛksodɔs 22:21 Referans Kwoze

Ditarɔnɔmi 10:19

Mozis se dɛn fɔ du gud to trenja bikɔs dɛnsɛf na bin trenja na Ijipt.

Ɛksodɔs 23:9

“Una nɔ tek advantej pan fɔrina; una no wetin i tan lɛk fɔ bi trenja. Una no se unasɛf na bin trenja na Ijipt.

Lɛvitikɔs 19:33

I se if trenja kam tap wit dɛn, dɛn nɔ fɔ trit am bad.

Zɛkaraya 7:10

Dɛn nɔ fɔ buli dɛn uman we dɛn man dɔn day, dɛn pikin we nɔ gɛt papa, dɛn fɔrina ɛn di poman dɛn; nɔbɔdi nɔ fɔ mɛmba bad fɔ in kɔmpin.

Malakay 3:5

I se na da tɛm de in go pas in jɔjmɛnt pan ɔl dɛn wan we de lukgrɔn fɔ pipul, dɛn man we de kip pipul wɛf dɛn, dɛn wan we de fɔ lay pan pipul, dɛn wan we nɔ de gri pe wokman aw dɛn fɔ pe am, dɛn uman we dɛn man dɔn day ɛn dɛn pikin we nɔ gɛt papa; i go ivin jɔj dɛn wan dɛn we de buli fɔrina ɛn dɛn nɔ de fred in we na PAPA GƆD Ɔlmayti.

Jɛrimaya 7:6

if una nɔ sɔprɛs dɛn trenja, dɛn pikin dɛn we dɛn mami ɛn dadi dɔn day, ɔ uman we in man dɔn day, ɔ kil inosɛnt pɔsin na ya, ɛn if una nɔ de biɛn ɔda gɔd dɛm we dat go ambɔg una,

Ditarɔnɔmi 23:7

Mozis tɛl di Izrɛlayt dɛn se, dɛn nɔ fɔ luk dɔŋ pan di Idɔmayt dɛn, bikɔs dɛn na dɛn fambul. Di Ijipshian dɛn na ɔda wan dɛn we dɛn nɔ fɔ luk dɔŋ pan; I se dɛn fɔ mɛmba se dɛn bin dɔn de na dɛn kɔntri.

Lɛvitikɔs 25:35

I se if tin traŋa fɔ dɛn brɔda te te i nɔ ebul fɔ du tin fɔ insɛf, dɛn fɔ mek shɔ se dɛn ɛp am. I go de wit dɛn lɛk trenja.

Ɛksodɔs 20:2

“Mi na PAPA GƆD, di PAPA GƆD we una fɔ wɔship we pul una kɔmɔt na Ijipt usay una na bin de as slev.

Jɛrimaya 22:3

Na dis PAPA GƆD se: Trit ɔlman ikwali ɛn waka tret na PAPA GƆD in yay, ɛn pul di pɔsin we dɛn dɔn tif kɔmɔt na di wan we de sɔprɛs am in an. Nɔ trit fɔrina, pikin we in papa dɔn day ɛn uman we in man dɔn day, bad ɔ wit Vayolɛns, ɛn nɔ kil pɔsin we inosɛnt.

Ditarɔnɔmi 15:15

Mozis tɛl dɛn se dɛnsɛf fɔ mɛmba wetin dɛn bin pas we dɛn na bin slev dɛn na Ijipt, bifo PAPA GƆD we na dɛn PAPA GƆD go pul dɛn de. I se na ɔl dat mek in tɛl dɛn se, dɛn fɔ fri dɛn slev dɛn afta siks ia ɛn gi dɛn sɔntin fɔ dɛnsɛf.

Lɛvitikɔs 19:13

Nɔ ple rikishi pan yu kɔmpin ɛn tif am. If man fɔ pe pɔsin fɔ wok we i du, di man fɔ mek shɔ se i pe di pɔsin we du di wok di sem de we di wok dɔn.

Lɛvitikɔs 19:34

Dɛn fɔ trit di trenja we tap wit dɛn lɛk wan pan dɛn; fɔ lɛk am lɛk aw dɛn lɛk dɛnsɛf bikɔs dɛnsɛf na bin trenja na Ijipt; I se nain na PAPA GƆD we na dɛn GƆD.

Ditarɔnɔmi 1:16

Mozis bin tɛl dɛn jɔj dɛn traŋa traŋa wan se, dɛn nɔ fɔ tek nɔbɔdi pat we dɛn de jɔj kes bitwin tu Izrɛlayt ɔ wan Izrɛlayt ɛn fɔrina.

Ditarɔnɔmi 23:16

dɛn fɔ gri mek i de wit dɛn na di siti we in go lɛk fɔ de, ɛn nɔbɔdi nɔ fɔ ambɔg am ɔ trit am bad.

Ditarɔnɔmi 27:19

“ ‘Ɛnibɔdi we go tek advantej pan trenja, dɛn pikin dɛn we dɛn mami ɛn dadi dɔn day, ɛn dɛn uman dɛn we dɛn man dɔn day, lɛ PAPA GƆD mek bad bad tin mit am. “Dɔn ɔlman fɔ ansa se, “Emɛn”

Di Sam Dɛm 146:9

PAPA GƆD bisin bɔt di trenja ɛn de luk afta dɛn pikin we nɔ gɛt papa ɛn dɛn uman we dɛn man dɔn day, bɔt i nɔ de lɛ di bad man si bɛtɛ pan ɛnitin we i put in an pan.

Izikɛl 22:7

Dɛn de luk dɔŋ pan di dadi ɛn mami we de wit una; una de tek mɔni dɛm bay pawa na di trenja dɛm we kan tap wit una, dɛn an; una de rɔŋ dɛn wan dɛm we dɛn dadi dɛm dɔn day, ɛn dɛn uman dɛn we dɛn man dɛn dɔn day.

Ditarɔnɔmi 10:18

I nɔ lɛk advantej; i nɔ de gri lɛ pipul dɛn tek advantej pan pikin dɛn we nɔ gɛt mama ɛn papa, ɛn uman dɛn we dɛn man dɔn day. In na PAPA GƆD we lɛk di trenja dɛn we de wit di Izrɛlayt dɛn; i kin gi dɛn klos fɔ wɛr ɛn tin fɔ it.

Ditarɔnɔmi 24:17

I tɛl dɛn fɔ mek shɔ se nɔbɔdi nɔ tek advantej pan pɔsin bikɔs na trenja, ɔ dɛn pikin we dɛn mami ɛn dadi dɔn day, ɛn wɔn dɛn nɔ fɔ tek uman we in man dɔn day in klos we i de tek slip fɔ ol fɔ mɔni we i go wan lɛnt,

Job 6:27

Yu go ivin gyambul fɔ gɛt pikin we nɔ gɛt mama ɛn papa, ɛn yɔwo fɔ sɛl yu padi.

Ayzaya 1:17

una lan fɔ du gud; trit ɔlman di sem, nɔ gri lɛ dɛn trit pipul dɛn du bad; tinap fɔ di wan dɛn we dɛn papa dɔn day, tɔk fɔ uman we in man dɔn day.