Ɛksodɔs 22:10 - Krio Fɔs Oli Baybul

¹⁰ “If ɛnibɔdi gi in kɔmpin dɔŋki ɔ kaw ɔ ship ɔ ɛni ɔda animal fɔ kip, dɔn di animal day, ɔ i wund ɔ i lɔs in we dɔn nɔbɔdi nɔ si am,

Ɛksodɔs 22:10 Referans Kwoze

Sɛkɛn Lɛta To Timoti 1:12

ɛn na di rizin dis we mek a de sɔfa ɔl dɛn tin ya. Bɔt a nɔ de dawt at ɔl, bikɔs a no di wan we a abop pan; a no fɔ tru se i ebul kip ɔl wetin i dɔn gi mi fɔ du sote di de we Krays go kam bak.

Lyuk 16:11

If pɔsin nɔ kin trɔs una wit mɔni we dɛn nɔ waka tret fɔ gɛt, udat go lɛf di tru jɛntri na una an?

Lyuk 12:48

Bɔt ɛni wokman we nɔ no wetin in masta want fɔ mek i du, we du tin we fɔ mek dɛn bit am, in masta nɔ go mek dɛn bit am tumɔs. Wɛn Gɔd dɔn mek pɔsin gɛt big post, Gɔd go luk ɔp to am fɔ du big wok. Wɛn Gɔd dɔn mek pɔsin gɛt big post pas di wan we i bin gɛt, Gɔd go luk ɔp to am fɔ du big big wok pas wetin i bin de du fɔs.

Jɛnɛsis 39:8

Josɛf nɔ gri ɛn tɛl am se, in masta nɔ de wɔri insɛf fɔ ɛnitin na di os, bikɔs in de. I se i dɔn put am inchaj ɔf ɔl wetin i gɛt.

Ɛksodɔs 22:9

“Fɔ ɛni kes we pipul dɛn gɛt fɔ prɔpati biznɛs, wɛda na fɔ kaw, dɔŋki, ship, klos, ɔ fɔ ɛnitin we lɔs, we di tu pati de se na dɛn gɛt am, dɛn fɔ kɛr dɛn go bifo PAPA GƆD. Di wan we PAPA GƆD se gilti fɔ pe dɔbul to in kɔmpin.

Ɛksodɔs 22:11

di pɔsin we nain dɛn gi di animal fɔ kip fɔ go na di ples we dɛn de wɔship PAPA GƆD, ɛn swɛ se in an klin, in nɔ tampa wit in kɔmpin in prɔpati. Di pɔsin we gɛt di animal fɔ biliv wetin i se. Di wan we nain an di tin lɔs nɔ fɔ pe natin.