Ɛksodɔs 21:8 - Krio Fɔs Oli Baybul

⁸ If man bay am fɔ mek am wɛf bɔt fɛnɔt se i nɔ lɛk am, i fɔ sɛl am gi in papa bak. I nɔ fɔ sɛl am gi fɔrina bikɔs if i du so, i dɔn brok di lɔ.

Ɛksodɔs 21:8 Referans Kwoze

Di Jɔj Dɛm 14:3

Nain in mama ɛn papa aks am se if i nɔ si nɔn pan in fambul dɛn gyal pikin dɛn we i lɛk, ɔ ivin pan ɔl di wanol Izrɛl dɛn gyal pikin dɛn we i go mared. If na dɛn ɔnsakɔmsayz filistin dɛn gyal pikin i want. Bɔt Samsin tɛl dɛn se, na im in at tek, so mek dɛn go mared am fɔ am.

Di Jɔj Dɛm 9:19

If fɔ tru se na wit ɔl dɛn at ɛn rɛspɛkt fɔ Gidiɔn dɛn tek biev so to in pikin dɛn, lɛ dɛn gɛt kolat wit Abimɛlɛk ɛn lɛ insɛf gɛt kolat wit dɛn.

Ditarɔnɔmi 20:7

If ɛnibɔdi de de we jɔs mared bɔt i nɔ tek in wɛf in vajin yet, lɛ i go bak, bikɔs if i day na di fɛt, na ɔda man go tek in vajin fɔ am.

Ɛksodɔs 8:29

Mozis ansa di kiŋ se, as a go bak so i go pre to PAPA GƆD lɛ di nɛks de di flay dɛn go. I se di flay dɛn go kɔmɔt nain os, in ɔfisa dɛn os ɛn ɔl in pipul dɛn os. I wɔn di kiŋ mek i nɔ chenj in maynd igen ɛn se mek di pipul dɛn nɔ go ɔfa sakrifays to dɛn PAPA GƆD o.”

Jɛnɛsis 28:8

Isɔ kam no se in papa nɔ lɛk dɛn Kenan uman dɛn at ɔl.

Job 6:15

Mi padi dɛn de mek lɛk aw sɔm watasay kin mek, I kin gɛt wata wande, di ɔda de i dray,

1 Samiɛl 18:8

Dis mek Sɔl in at wam bad. I bigin tink bɔt wetin dɛn de siŋ se Devid kil tɛn tawzin pipul bɔt in kil wan tawzin nɔmɔ. I tink se natin nɔ go lɛf fɔ Devid pas fɔ bi kiŋ.

1 Samiɛl 8:6

Bɔt we dɛn tɛl Samiɛl se lɛ i pik pɔsin fɔ bi kiŋ fɔ dɛn, Samiɛl nɔ gladi so i pre to PAPA GƆD.

Ɛksodɔs 21:7

“If man sɛl in gyal pikin as slev, dɛn nɔ fɔ fri di titi lɛkɛ aw dɛn de fri di man slev dɛn.

Ɛksodɔs 21:9

If i bay di titi fɔ in bɔypikin, i fɔ trit am lɛkɛ in yon gyal pikin.

Izikɛl 15:8

Ɛn a go mek di land ɛmti; bikɔs dɛn nɔ biliv mi, na so Papa Gɔd we na Gɔd se.