Ɛksodɔs 21:2 - Krio Fɔs Oli Baybul

² if dɛn bay Ibru man slev, i fɔ wok fɔ dɛn fɔ siks ia, dɔn di ia we mek sɛvin i fɔ go fri. I nɔ fɔ pe natin.

Ɛksodɔs 21:2 Referans Kwoze

Ditarɔnɔmi 15:18

I se dɛn nɔ fɔ fil am we dɛn de lɛf slev fɔ go. Aftawɔds, na af wetin dɛn bin fɔ de pe wokman nain dɛn go gɛt fɔ spɛnd pan di slev, ɛn di slev go du di wok we tu wokman bin fɔ du. Mozis tɛl dɛn se if dɛn du wetin i tɛl dɛn so, PAPA GƆD we na dɛn PAPA GƆD sɛf go blɛs ɔl wetin dɛn put an pan.

Ɛksodɔs 12:44

Ɛni slev we una bay kin it pan am bɔt nɔmɔ una fɔ dɔn sakɔmsayz am fɔs,

Nɛimaya 5:8

We dɛn ɔl kam, a tɛl dɛn se, “Wi dɔn de du ɔl wetin wi ebul fɔ pul ɔl wi Juman fambul we na bin slev to dɛn pegan kɔmɔt de. Bɔt naw una de put di sem waala pan dɛn we dɛn bin de pan, pan ɔl we dɛn na una yon flɛsh ɛn blɔd, dɔn una de mek dɛn bi slev bak to una.” We i dɔn tɔk dɔn, dɛn nɔ se fiŋ bikɔs dɛn nɔ bin gɛt natin fɔ se.

Ditarɔnɔmi 31:10

Mozis tɛl ɔl di bigman dɛn na Izrɛl se paopa, ɛvri sɛvin ia, we na di tɛm dat fɔ fɔgiv dɛt ɛn fɔ sɛlibret di Fist ɔf di Bafa,

Ditarɔnɔmi 15:1

Mozis tɛl di Izrɛlayt dɛn se, ɛvri sɛvin ia, fɔ bi ia we nɔ fɔ kɔldɛt igen

Ɛksodɔs 22:3

If tif man brok os na nɛt ɛn tif dɔn dɛn kech am, bit am ɛn kil am, dɛn wan we kil am nɔ gilti ɔf mɔda.

1 Kɔrint 6:20

Gɔd pe dia fɔ una we Krays day na di krɔs. So una fɔ mek Gɔd gɛt di prez bay aw una de yus una bɔdi.

Matyu 18:25

Di ɔfisa nɔ bin gɛt kɔpɔ fɔ pe di dɛt, so di kiŋ se mek dɛn sɛl di ɔfisa wit in wɛf ɛn in pikin dɛn lɛkɛ slev, ɛn sɛl ɔl di prɔpati we i gɛt, fɔ mek i go pe di dɛt.

2 Kiŋ 4:1

Wande, wan prɔfɛt in wɛf go kray to Ilaɛlsha fɔ lɛ i ɛp am. I tɛl am se in man dɔn day ɛn i no se na man we bin de rɛspɛkt ɛn ɔna PAPA GƆD, bɔt i bin o dɛt; i se di man we i o de kam fɔ kɛr in tu bɔypikin dɛn go fɔ go tɔn dɛn to slev.

Jɛnɛsis 27:36

Isɔ se, “Dis na di sɛkɛn tɛm we i de ple mi dis trik. Nɔto dat mek dɛn de kɔl am Jekɔb. I dɔn tek mi ples lɛkɛ se in na di fɔs-bɔy-pikin, dɔn naw i dɔn tek mi blɛsin. Papa, nɔn blɛsin nɔ lɛf fɔ mi sɛf?”

Jɛnɛsis 27:28

Mek PAPA GƆD mek ɛnitin we yu put yu an pan bɛtɛ! Mek i gi yu plɛnti it ɛn wayn!

Ɛksodɔs 21:3

If na bin palampo we i tɔn to slev, dɔn i mared we i de to in masta, i nɔ fɔ kɛr in wɛf go we i de go bak; i bɔt if i bin mared bifo i tɔn to slev i fɔ kɛr in wɛf go.

Ɛksodɔs 21:7

“If man sɛl in gyal pikin as slev, dɛn nɔ fɔ fri di titi lɛkɛ aw dɛn de fri di man slev dɛn.

Lɛvitikɔs 25:54

If in ɔ in fambul dɛn nɔn nɔ ebul bay am bak, na we di ia we fɔ fri di wan we na slev ɛn fɔ gi dɛn land we dɛn bin dɔn tek na dɛn an dɛn bak kam, na dat tɛm de fɔ fri in ɛn in pikin dɛn.