Ɛksodɔs 20:6 - Krio Fɔs Oli Baybul

⁶ bɔt a kin sho gudnɛs to tawzin, tawzin jɛnareshɔn dɛn we lɛk mi ɛn go akɔdin to mi kɔmandmɛnt.

Ɛksodɔs 20:6 Referans Kwoze

Ditarɔnɔmi 7:9

I tɛl dɛn se lɛ dɛn nɔ fɔgɛt se PAPA GƆD we na dɛn PAPA GƆD na di tru tru PAPA GƆD; di PAPA GƆD we wɛn i se sɔntin, i min am. I se if dɛn lɛk PAPA GƆD ɛn du ɔl wetin i se, i go lɛk dɛn sote go bikɔs PAPA GƆD nɔ de chenj.

Jɔn In Fɔs Lɛta 5:3

We wi lɛk Gɔd wi de du ɔl wetin i tɛl wi fɔ du. Wetin i tɛl wi fɔ du nɔ traŋa fɔ wi,

Jɔn 14:21

“Ɛnibɔdi we du wetin a tɛl am fɔ du, na pɔsin we lɛk mi bad. Mi Papa go lɛk am ɛn misɛf go lɛk am; ɛn a go mek i no mi gud.”

Apɔsul Dɛn Wok 2:39

Di prɔmis we Gɔd bin prɔmis, na fɔ una, fɔ una pikin dɛn, fɔ ɔl dɛn wan we nɔ bɔn yet, ɛn ɔl dɛn pipul we Gɔd dɔn kɔl fɔ kam to am.”

Ditarɔnɔmi 5:29

I se PAPA GƆD bin se if na da kayn at de dɛn gɛt ɔl di tɛm fɔ rɛspɛkt am ɛn du ɔl wetin i se dɛn fɔ du, ɔltin bin fɔ fayn sote go fɔ dɛn ɛn dɛn pikin dɛn we nɔ bɔn yet.

Ditarɔnɔmi 4:37

I tɛl dɛn se na bikɔs PAPA GƆD bin lɛk dɛn fɔstɛm-papa dɛn ɛn bin dɔn pik dɛn pikin dɛn fɔ bi in pipul dɛn, nain mek insɛf sɛf bin go pul dɛn kɔmɔt slev na Ijipt wit pawa,

Jɔn 14:15

“If una lɛk mi, una go de du ɔl wetin a tɛl una fɔ du.

Jɔn In Sɛkɛn Lɛta 1:6

Di kayn lɛk we a min nain dis: Wi fɔ lɛk wi kɔmpin lɛkɛ aw Gɔd tɛl wi fɔ du. Wetin una bin dɔn yɛri frɔm we una bi Kristiɛn nain dis: Una ɔl fɔ lɛk una kɔmpin.

Jɔn In Fɔs Lɛta 4:19

Wi lɛk Gɔd ɛn wi kɔmpin bikɔs na Gɔd fɔs lɛk wi.

Jems 1:12

Pɔsin we nɔ tap fɔ biliv pan Gɔd wɛn trɔbul mit am gɛt blɛsin, bikɔs if i stil tinap traŋa afta trɔbul dɔn mit am, Gɔd go gi am di tru layf we i bin dɔn prɔmis dɛn wan we lɛk am.

Ɛksodɔs 34:7

A de sho lɔv to tawzin pan tawzin pipul dɛn ɛn de fɔgiv udat du bad, udat brok lɔ ɛn udat kɔmit sin; bɔt a nɔ de fɔgɛt fɔ pɔnish dɛn wan we de du bad. A de mek pikin, grampikin, gret grampikin ɛn gret, gret grampikin dɛn sɔfa fɔ dɛn mami ɛn dadi dɛn sin.”

Di Nɔmba Dɛm 14:18

yu PAPA GƆD nɔ de vɛks kwik, yu gɛt beberebe lɔv ɛn yu rɛdi fɔ fɔgiv sin ɛn ɔda kayn rebɛl wok. Yu se yu PAPA GƆD nɔ de lɛf di pɔsin we du bad fɔ go skɔchfri, yu de pɔnish pikin dɛnsɛf fɔ dɛn papa dɛn sin te rich di gret gret grampikin dɛn.

Nɛimaya 1:5

A se, “E PAPA GƆD we de na ɛvin! Yu big ɛn du fɔ fred. Yu de kip yu wɔd na yu Kɔvinant to ɔl udat lɛk yu ɛn de du wetin yu want.

Di Sam Dɛm 103:17

PAPA GƆD go lɛk ɔl udat gɛt fred ɛn rɛspɛkt fɔ am, dɔn i go du gud to dɛn ɛn dɛn jɛnareshɔn sote go,

Prɔvabs 3:1

Mi pikin, nɔ fɔgɛt wetin a de tich yu. Kip ɔl wetin a de tɛl yu so na yu at.

Jɛrimaya 32:18

yu de sho lɛknɛs we nɔ de shek to tawzin tawzin pipul, bɔt yu de tɔn di papa dɛm gilt pan dɛn pikin dɛm, Yu big ɛn mayti Gɔd we in nem na PAPA GƆD Ɔlmayti,

Daniɛl 9:4

A pre to PAPA GƆD we na mi Gɔd de kɔnfɛs se, “PAPA GƆD we ay pas ɔl ɛn we fɔ fred, we de kip in prɔmis, ɛn di lɛk we i lɛk di wan dɛn we lɛk am ɛn de du wetin i se, nɔ de shek.