Ɛksodɔs 20:5 - Krio Fɔs Oli Baybul

⁵ Una nɔ fɔ butu to ɛni lay lay gɔd fɔ wɔship am bikɔs mi GƆD we na una PAPA GƆD, a nɔ want wan rayval. A kin mek pikin, grampikin, gret ɛn gret gret grampikin dɛn sɔfa fɔ dɛn papa dɛn sin fɔ we dɛn et mi;

Ɛksodɔs 20:5 Referans Kwoze

Di Nɔmba Dɛm 14:18

yu PAPA GƆD nɔ de vɛks kwik, yu gɛt beberebe lɔv ɛn yu rɛdi fɔ fɔgiv sin ɛn ɔda kayn rebɛl wok. Yu se yu PAPA GƆD nɔ de lɛf di pɔsin we du bad fɔ go skɔchfri, yu de pɔnish pikin dɛnsɛf fɔ dɛn papa dɛn sin te rich di gret gret grampikin dɛn.

Ditarɔnɔmi 5:9

fɔ de wɔship, ɔ ivin butu, bikɔs in PAPA GƆD we na dɛn GƆD de jɛlɔs bad bad wan. I nɔ want nɔn rayval. We i dɔn jɛlɔs, i kin pɔnish di grampikin fɔ di grampa in sin. I kin ivin pɔnish gret grampikin ɔl, we i kam to di wan dɛn we et am,

Ditarɔnɔmi 4:24

I wɔn dɛn se PAPA GƆD we na dɛn PAPA GƆD de jɛlɔs, ɛn wɛn i vɛks, i kin tan lɛk faya we de bɔn ɛnitin we de bifo am.

Ɛksodɔs 34:14

“Una nɔ fɔ wɔship ɛni ɔda gɔd bikɔs mi PAPA GƆD a de Jɛlɔs; mi na jɛlɔs PAPA GƆD.

Jɔshwa 24:19

Nain Jɔshwa tɛl di Izrɛlayt dɛn se PAPA GƆD nɔto PAPA GƆD we izi fɔ sav; I oli ɛn i de jɛlɔs ɛn i nɔ go fɔgiv dɛn if dɛn du wetin i se dɛn nɔ fɔ du.

Di Sam Dɛm 109:14

Lɛ PAPA GƆD mɛmba ɔl di bad tin dɛn we in papa dɛn du; ɛn nɔ ɛva fɔgiv in mama in sin.

Jɔshwa 23:7

so dat dɛn nɔ go miks dɛnsɛf wit da neshɔn we lɛf wit dɛn. Dɛn nɔ fɔ wɔship dɛn gɔd dɛn ɔ tek dɛn nem fɔ swɛ ɔ ivin kɔl dɛn nem na dɛn mɔt,

Ditarɔnɔmi 6:15

If dɛn wɔship dɛn, PAPA GƆD we na dɛn PAPA GƆD de jɛlɔs ɛn i go vɛks bad bad wan pan dɛn ɛn go kil dɛn tret.

Neum 1:2

PAPA GƆD want wi fɔ lɛk In nɔmɔ bikɔs i jɛlɔs bad; we i vɛks I kin pɔnish in ɛnimi dɛn. We i vɛks fɔ tru, i de dil wit ɔl udat ambɔg am.

Jɛrimaya 32:18

yu de sho lɛknɛs we nɔ de shek to tawzin tawzin pipul, bɔt yu de tɔn di papa dɛm gilt pan dɛn pikin dɛm, Yu big ɛn mayti Gɔd we in nem na PAPA GƆD Ɔlmayti,

Di Nɔmba Dɛm 14:33

Dɛn po pikin dɛn go gɛt fɔ de na di ɛmti land we pɔsin nɔ go ebul tap de mɛn ship dɛn fɔ fɔti ia we dɛn go de sɔfa fɔ di we we dɛn pipul dɛn biev te di las dedebɔdi le.

Di Sam Dɛm 79:8

Nɔ pe wi fɔ di sin dɛn we wi papa dɛn kɔmit; wi nɔ no wetin fɔ du igen so duya av masi.

Ɛksodɔs 23:24

Una nɔ fɔ butu to dɛn gɔd dɛn fɔ wɔship dɛn, ɛn una nɔ fɔ falamakata dɛn fɔ de wɔship lɛkɛ aw dɛn de wɔship. Una pwɛl pwɛl dɛn gɔd dɛn ɛn brok di ston pila dɛn we dɛn mek fɔ wɔship dɛn gɔd.

Jems 4:4

Una tan lɛkɛ uman we nɔ tret wit in man! Una nɔ no se wɛn una lɛk dɛn tin we de na wɔl, dat go mek una nɔ lɛk Gɔd? Ɛnibɔdi we want dɛn tin na wɔl dɔn bi pɔsin we nɔ lɛk Gɔd.

Lɛta Fɔ Rom 8:7

So, if mɔtalman jɛs de mɛmba wetin in at want nɔmɔ, dat go mek i nɔ lɛk Gɔd; i nɔ go de du wetin Gɔd in lɔ se, ɛn i nɔ go ebul du am sɛf.

Lɛta Fɔ Rom 1:30

dɛn nɔ lɛk Gɔd, dɛn de fityay dɛn kɔmpin mɔtalman, dɛn fil se dɛn bɛtɛ pas dɛn kɔmpin, ɛn dɛn de bost; dɛn de mɛmba us ɔda bad dɛn go du ɔltɛm; dɛn nɔ de yɛri dɛn mami ɛn dadi wɔd;

Jɛrimaya 2:9

PAPA GƆD se, “Fɔseka dat, a go stil fɛt una, ɛn a go mek kes agens una pikin dɛn pikin dɛm.

Ayzaya 44:19

Nɔbɔdi nɔ de kɔnsida se, ɛn dɛn nɔ gɛt sɛns ɔ tɔk na dɛn maynd sɛf se “bo a dɔn bɔn af na faya, tek di faya bek bred, ɛn dɔn ros bif ɛn it am; a fɔ tek di balans mek bad bad tin we PAPA GƆD nɔ lɛk? A fɔ butu bifo af tik?”

Ayzaya 44:15

Dɔn i tɔn faya wud fɔ mɔtalman; in de tek sɔm wam insɛf, i tek sɔm mek faya ɛn bek in bred; dɔn i tek am mek gɔd ɛn wɔship am. I mek laylay gɔd ɛn butu to am.

Di Sam Dɛm 81:15

Ɔl udat nɔ lɛk mi biznɛs go butu dɛn fes wit shem ɛn a go pɔnish dɛn sote go.

Job 5:4

In pikin dɛn de pan trɔbul ɔltɛm. If dɛn go kot, dɛn de lɔs dɛn kes; dɛn nɔba gɛt pɔsin fɔ tɔk fɔ dɛn.

2 Kiŋ 23:26

Pan ɔl wetin Josaya du PAPA GƆD bin stil vɛks bad bad wan pan Juda bikɔs ɔf wetin Manasɛ du;

2 Kiŋ 17:35

Wɛn PAPA GƆD bin mek Kɔvinant wit di Izrɛlayt dɛn, i gi dɛn lɔ se, dɛn nɔ fɔ wɔship nɔn ɔda gɔd dɛn ɔ mek sakrifays to dɛn.

1 Kiŋ 21:29

“Yu nɔ si aw Eab dɔn ɔmbul insɛf to mi? Wɛl, bikɔs i dɔn ɔmbul insɛf so, ɔl wetin a dɔn tɔk se a go du, a nɔ go du am we i de alayv; nain pikin dɛn naw a go mek sɔfa ɛn na wɛn in bɔypikin de rul a go du dat.”

2 Samiɛl 21:6

so di kiŋ fɔ gi dɛn sɛvin man nɔmɔ pan Sɔl in fambul dɛn we dɛn go kil usay dɛn de go wɔship PAPA GƆD na Gibia. So di kiŋ tɛl dɛn se in go gi dɛn di sɛvin man.

2 Samiɛl 21:1

Di tɛm we Devid na bin kiŋ, bad bad aŋri fɔdɔm na Izrɛl fɔ tri gud ia; dis mɔna Devid so i pre ɛn aks PAPA GƆD wetindu. PAPA GƆD tɛl am se na bikɔs Sɔl bin kil bɔku Gibiɔnayt so in ɛn in fambul dɛn de sɔfa fɔ dat.

Ditarɔnɔmi 32:21

Dɛn mek PAPA GƆD vɛks bikɔs dɛn de wɔship lay lay gɔd, dɛn mek i jɛlɔs bikɔs dɛn gɔd dɛn nɔto gɔd dɛn. So i go drɔ ɔda pipul dɛn we nɔ bɛtɛ kam nia am so dat Izrɛl go vɛks, dɛn go jɛlɔs.

Ditarɔnɔmi 7:10

Bɔt Mozis wɔn dɛn se PAPA GƆD nɔ de sɔri fɔ pipul dɛn we nɔ de gri yɛri in wɔd; I kin pɔnish dɛn bad bad wan.

Lɛvitikɔs 26:29

Dɛn go ivin it dɛn pikin dɛn we it nɔ go de.

Lɛvitikɔs 26:1

Mozis tɛl di Izrɛlayt dɛn se dɛn nɔ fɔ mek ɛni dɛn smɔl smɔl gɔd fɔ de pre to ɛn put ɛnitin we dɛn mek fɔ fiba tin we gɛt layf fɔ de pre to ɔ ɛni pila nɔ fɔ tinap fɔ de pre to, ɛn nɔ fɔ mek ɛnitin we fiba tin fɔ wɔship na di land we dɛn go gɛt fɔ baw to ɛn wɔship; i se bikɔs nain na PAPA GƆD we na dɛn GƆD.

Lɛvitikɔs 20:5

dɛn nɔto di man nɔmɔ PAPA GƆD go dison, i go dison in famili ɛn ɔl udat de fala am pan wetin i de du we i de biev lɛk rare gyal to Molɛk we na ɔda gɔd.

1 Kɔrint 10:22

Una want mek Gɔd vɛks pan una? Una tink se una traŋa pas am?

Jɔn 15:18

“If di pipul dɛn na wɔl nɔ lɛk una, una fɔ jɛs mɛmba se na mi fɔs dɛn nɔ bin lɛk.

Jɔn 7:7

Di pipul dɛn na wɔl jɛs gɛt fɔ lɛk una, bɔt dɛn nɔ lɛk mi bikɔs a kin de tɛl dɛn se, dɛn de du bad.

Matyu 4:9

Setan se, “A go gi yu ɔl dɛn tin ya, if yu nil dɔŋ ɛn se mi na yu masta.”

Daniɛl 1:2

PAPA GƆD bin mek Nɛbyukadnɛza kapchɔ Jɛoiakim, Juda dɛn kiŋ, ɛn sɔm pan di oli tin dɛn we dɛn bin de yuz na PAPA GƆD in os. Nɛbyukadnɛza bin kɛr dɛn ɔl go nain gɔd in os na Shina, ɛn bin put di oli tin dɛn, na di ples we dɛn bin de kip dɛn gɔd in fayn fayn tin dɛn.

Izikɛl 8:3

I bin pul sɔntin na do we tan lɛkɛ an, ɛn es mi ɔp bay wan pan di dada na mi ed; ɛn di spirit kɛr mi go ɔp bitwin ath ɛn ɛvin, ɛn i briŋ mi insay PAPA GƆD in vishɔn dɛm kam na Jerusɛlɛm, usay fɔ pas go insay di get na di insay kɔt we tɔn to di nɔt, ɛn usay di imej we nem Jɛlɔs ɛn we de mek pipul dɛn jɛlɔs, sidɔm.

Prɔvabs 8:36

bɔt udat nɔ fɛn mi nainsɛf i de du; udat nɔ lɛk mi lɛk fɔ day.”

Di Sam Dɛm 78:58

Dɛn mek ples dɛn na il fɔ wɔship pegan gɔd, ɛn PAPA GƆD vɛks pan dat as na jɛlɔs PAPA GƆD.

Job 21:19

Una se PAPA GƆD go pɔnish dɛn pikin dɛn fɔ wetin dɛn du. Lɛ i pɔnish dɛnsɛf lɛ dɛn no se nain pɔnish dɛn.

2 Kronikuls 25:14

We Mazaya kɔmɔt kil di pipul dɛm na Idɔm, i briŋ di gɔd dɛm we di man dɛm na Seir bin de wɔship, ɛn mek dɛm inyon gɔd dɛm ɛn wɔship dɛm ɛn de mek sakrifays to dɛm.

2 Kiŋ 17:41

Ivin we dɛn bin de wɔship PAPA GƆD, dɛn bin de wɔship lay lay gɔd bak. Te tide dɛn pikin dɛn ɛn grampikin dɛn stil de wɔship lay lay gɔd lɛkɛ dɛn fɔstɛm-papa dɛn.

Di Jɔj Dɛm 2:19

Ɛnitɛm we ɛni jɔj day, dɛn kin go bak to di bad tin dɛn we dɛn bin de du; dɛn kin du wɔs pas wetin di wan dɛn we bin de bifo dɛn, bin de du; de sav ɛn butu to ɔda gɔd dɛn. Dɛn nɔ chenj atɔl.

Jɔshwa 23:16

Jɔshwa se if dɛn lɛf di Kɔvinant we dɛn mek wit PAPA GƆD we na dɛn PAPA GƆD ɛn go wɔship ɔda gɔd dɛn, PAPA GƆD go vɛks bad bad wan ɛn mek dɛn ɔl day kɔmɔt na di gud land we i dɔn gi dɛn.

Ditarɔnɔmi 32:41

if a shap mi shayn sɔd we a bigin gi jɔjmɛnt, a go rivɛnj pan mi ɛnimi dɛn, ɛn pɔnish di wan dɛn we et mi.

Jɔn 9:2

Di lanin bɔy dɛn aks Jizɔs se, “Ticha, udat sin we mek dis man ya bɔn blɛn? Na di man insɛf ɔ nain mami ɛn dadi dɛn?”

Ditarɔnɔmi 5:10

bɔt ɔl di wan dɛn we lɛk am ɛn de du wetin i se, kin ɛnjɔy in lɔv to di tawzin tawzin jɛnareshɔn sɛf..

1 Kiŋ 19:10

I ansa se in bin gɛt bɔku zil fɔ PAPA GƆD we na PAPA GƆD Ɔlmayti in wok. I se di Izrɛlayt dɛn dɔn brok di Kɔvinant wit PAPA GƆD ɛn di ɔlta, ɛn kil in prɔfɛt dɛn; dɔn in waŋren lɛf ɛn dɛn de fɛt fɔ kil insɛf.

Izikɛl 18:19

“Bɔt una de aks se, ‘wetin fɔ mek di bɔypikin nɔ sɔfa fɔ in papa in sin dɛm?’ Wɛn di bɔypikin dɔn du wetin tret ɛn rayt na di lɔ, ɛn i bin kiaful fɔ du ɔl wetin mi lɔ dɛn se, fɔ tru tru i go liv.

Izikɛl 20:7

Ɛn a bin tɛl dɛn se, lɛ dɛn ɔl trowe dɛn tin dɛn we a et bad bad wan we dɛn at de pan, ɛn lɛ dɛn nɔ dɔti dɛnsɛf na mi yay wit Ijipt dɛn laylay gɔd dɛn; Mi na PAPA GƆD we na una Gɔd.

Izikɛl 39:25

Fɔseka dat, na dis PAPA GƆD se; naw a go gi Jekɔb bak in richis dɛm ɛn a go sɔri fɔ di wanol Izrɛl pipul, ɛn a go jɛlɔs fɔ mi oli nem.

Di Nɔmba Dɛm 25:11

“Na Finɛas we na Ɛlieza in bɔypikin ɛn Erɔn in grampikin mek mi at kol; bikɔs i bin gɛt maynd ɛn nɔ want fɔ mek a gɛt bad nem so dat a nɔ go kil dɛn fɔseka mi traŋa at,

2 Kiŋ 5:18

I se in de aks PAPA GƆD fɔ fɔgiv am fɔ wan patikla tin; dat na, wɛn in yon kiŋ we in de sav go na Rimɔn in os fɔ go wɔship in gɔd, dɔn i liŋ nain an fɔ lɛ i baw wit am, wɛn in baw to Rimɔn, lɛ PAPA GƆD fɔgiv am fɔ dat.

2 Kiŋ 5:27

Ilaɛlsha tɛl am se fɔ wetin i dɔn du, Neman in bad sik nain bɔdi go transfa pan in ɛn in jɛnareshɔn dɛn sote go. Frɔm da momɛnt de nain di sik kam pan Gɛazi, in bɔdi ɔl kam chenj ɛn wayt lɛk shatin.

2 Kronikuls 7:19

“Bɔt if yu tɔn yu bak pan mi, ɛn nɔ obe mi kɔmandmɛnt we a dɔn se una fɔ de obe, ɛn go fala ɔda gɔd dɛm ɛn wɔship dɛm,

Izikɛl 18:2

wetin una min we una de tɔk tɔk dis parebul bɔt Izrɛl, se, ‘Di dadi dɛn dɔn it sawa greps, ɛn di pikin dɛn tit dɛn de kramp’?

Daniɛl 3:18

Bɔt if i nɔ bi so igen, wi wan lɛ yu no se, wi nɔ go wok fɔ yu gɔd dɛn ɔ wɔship di gold imej we yu dɔn bil.