Ɛksodɔs 20:4 - Krio Fɔs Oli Baybul

⁴ “Una nɔ fɔ mek nɔn aydɔl, ɔ ɛnitin we fiba sɔntin ɔp na ɛvin, ɔ dɔŋ na di wɔl, ɔ tin we de ɔnda wata ɔ ɔnda di grɔn.

Ɛksodɔs 20:4 Referans Kwoze

Lɛvitikɔs 26:1

Mozis tɛl di Izrɛlayt dɛn se dɛn nɔ fɔ mek ɛni dɛn smɔl smɔl gɔd fɔ de pre to ɛn put ɛnitin we dɛn mek fɔ fiba tin we gɛt layf fɔ de pre to ɔ ɛni pila nɔ fɔ tinap fɔ de pre to, ɛn nɔ fɔ mek ɛnitin we fiba tin fɔ wɔship na di land we dɛn go gɛt fɔ baw to ɛn wɔship; i se bikɔs nain na PAPA GƆD we na dɛn GƆD.

Ditarɔnɔmi 5:8

Izrɛl nɔ fɔ mek nɔn imej ɔ tin we fiba lɛkɛ ɛnitin we de ɔp na di skay, ɔ lɛkɛ ɛnitin we de na land ɔ ɔnda wata,

Di Sam Dɛm 97:7

Ɔl udat de wɔship dɛn ɔda gɔd dɛn, go shem dɛn we de kak, bikɔs dɛn min se dɛn na sɔntin go shem as di ɔda gɔd dɛn go butu ɛn wɔship PAPA GƆD.

Lɛvitikɔs 19:4

I se nɔ fɔ lɛf am go wɔship dɛn ɔda gɔd dɛn we nɔ min natin we dɛn mɛlt ayɛn fɔ mek bikɔs nain na PAPA GƆD we na dɛn GƆD.

Apɔsul Dɛn Wok 17:29

We wi na Gɔd in pikin dɛn, lɛ wi mɛmba se mɔtalman nɔ go ebul tek gold, silva, ɔ ston mek Gɔd.

Ditarɔnɔmi 27:15

“ ‘Ɛnibɔdi we go mek ɛnitin wit tik, ston ɔ ayɛn de wɔship am na kɔna, lɛ PAPA GƆD mek bad bad tin mit am. ‘Ɔlman fɔ ansa, Emɛn!’

Rɛvɛleshɔn 16:2

Di fɔs enjɛl go trowe di tin we de insay in kɔp pan di grɔn, na de plɛnti bad bad so bɔs pan dɛn wan we gɛt di wayl bif in mak ɛn dɛn wan we bin de pre to di tin we dɛn mek fɔ tek mɛmba ɛn rɛspɛkt am.

Lɛta Fɔ Rom 1:23

Bifo dɛn pre to Gɔd, dɛn de pre to dɛn tin we dɛnsɛf mek we fiba mɔtalman, bɔd, bif na bush, ɔ snek. Gɔd gɛt layf, bɔt dɛn tin ya nɔ gɛt layf.

Ayzaya 45:16

Dɛn ɔl shem ɛn kɔnfyus, di wan dɛn we de mek laylay gɔd de go wit kɔnfyushɔn togɛda.

Ayzaya 42:8

Na mi na PAPA GƆD, na dat na mi nem; a nɔ de gi mi glori to ɛni ɔda pɔsin, ɔ mi prez to dɛn laylay gɔd.

Izikɛl 8:10

So a go insay ɛn a si; ɛn dɛn bin drɔ ɔl kayn tin dɛn we de krip, nasti nasti bist dɛm, ɛn ɔl di Izrɛl pipul dɛn lay lay gɔd dɛm we dɛn de wɔship, rawnd di wɔl.

Rɛvɛleshɔn 9:20

Di ɔda mɔtalman dɛn we dɛn bad bad tin ya nɔ kil, nɔ bin tap fɔ pre to dɛn tin we dɛn bin mek fɔ dɛnsɛf. Dɛn nɔ bin tap fɔ pre to dɛn dɛbul ɛn dɛn tin we dɛn mek wit gold, silva, bras, ston ɔ wud, we nɔ de si, we nɔ de yɛri ɛn we nɔ de waka.

Ayzaya 42:17

Dɛn wan dɛn we abop pan dɛn laylay gɔd, we de tɛl dɛn laylay gɔd dɛn se, “una na wi gɔd dɛn,” go disgres bad bad wan, ɛn dɛn go drɛb dɛn.

2 Kronikuls 33:7

Mek lay lay gɔd ɛn di lay lay gɔd we i mek i put am na PAPA GƆD in os, da os we i tɔk to Devid ɛn Sɔlɔmɔn in bɔypikin se, “Insay dis os ɛn na Jerusɛlɛm we a dɔn pik pan ɔl di trayb dɛm na Izrɛl, a go put mi nem sote go,

1 Kiŋ 12:28

Wɛn i dɔn aks advays dɔn, i mek tu gold kaw, dɔn i tɛl di pipul dɛn se Jɛrusɛlɛm tu fa fɔ dɛn fɔ de go wɔship. I se in dɔn mek di gɔd dɛn we pul dɛn kɔmɔt na Ijipt.

Ɛksodɔs 34:17

“Una nɔ tek ɛni ayɛn mek gɔd dɛn ɛn wɔship dɛn.”

Ɛksodɔs 32:1

We di pipul dɛn si se Mozis dɔn te ɔp di mawnten ɛn nɔ kam dɔŋ, dɛn go mit Erɔn ɛn tɛl am se, as fɔ Mozis we pul dɛn kɔmɔt na Ijipt, dɛn nɔ no wetin dɔn apin to am; so, lɛ in di Erɔn mek gɔd fɔ dɛn we go de lid dɛn.

Ɛksodɔs 32:23

I se na dɛn tɛl am se lɛ i mek gɔd fɔ dɛn we go de lid dɛn, bikɔs da man Mozis we pul dɛn kɔmɔt na Ijipt, dɛn nɔ no wetin dɔn apin to am.

Ɛksodɔs 32:8

Dɛn dɔn kɔmɔt na di rod we a sho dɛn fɔ waka. Dɛn dɔn mek gold kaw ɛn de wɔship am, ɛn infakt sɛf ɔfa sakrifays to am ɛn tɔk se na di gɔd dat we pul dɛn kɔmɔt na Ijipt.

Di Nɔmba Dɛm 12:8

A de tɔk to am fes to fes, a nɔ de miks mi tɔk we a de tɔk to am. A de tɔk tret tɔk; i kin si aw a tan. Una nɔ de fred fɔ tɔk bɔt mi savant, Mozis?

Di Jɔj Dɛm 17:3

Mayka gi in mama di ilɛvin ɔndrɛd silva kɔpɔ bak. Nain Mayka in mama se in de gi PAPA GƆD di mɔni. Dɛn go yuz am fɔ mek bod imej ɛn kɔba am wit silva, we min se in dɔn gi di mɔni bak to PAPA GƆD.

2 Kiŋ 17:12

Dɛn bin de wɔship lay lay gɔd, ivin we PAPA GƆD bin dɔn wɔn dɛn nɔ fɔ du dat.

Di Sam Dɛm 78:58

Dɛn mek ples dɛn na il fɔ wɔship pegan gɔd, ɛn PAPA GƆD vɛks pan dat as na jɛlɔs PAPA GƆD.

Izikɛl 8:3

I bin pul sɔntin na do we tan lɛkɛ an, ɛn es mi ɔp bay wan pan di dada na mi ed; ɛn di spirit kɛr mi go ɔp bitwin ath ɛn ɛvin, ɛn i briŋ mi insay PAPA GƆD in vishɔn dɛm kam na Jerusɛlɛm, usay fɔ pas go insay di get na di insay kɔt we tɔn to di nɔt, ɛn usay di imej we nem Jɛlɔs ɛn we de mek pipul dɛn jɛlɔs, sidɔm.

Izikɛl 20:7

Ɛn a bin tɛl dɛn se, lɛ dɛn ɔl trowe dɛn tin dɛn we a et bad bad wan we dɛn at de pan, ɛn lɛ dɛn nɔ dɔti dɛnsɛf na mi yay wit Ijipt dɛn laylay gɔd dɛn; Mi na PAPA GƆD we na una Gɔd.

Ɛksodɔs 20:23

Dɛn nɔ fɔ tek silva mek gɔd ɛn se mi ɛn in na di sem. Dɛn nɔ fɔ tek gold sɛf mek gɔd.

Ɛksodɔs 32:4

Erɔn tek di gold yerin dɛn ɛn mɛlt am ɛn mek gold lay lay gɔd lɛkɛ kaw. Ɔl di Izrɛlayt bigin tɛl dɛn kɔmpin se na da kaw de na di gɔd we pul dɛn kɔmɔt na Ijipt.

Ditarɔnɔmi 16:22

I wɔn dɛn igen se dɛn nɔ fɔ put nɔn ston pila nia am bikɔs na dɛn tin dɛn de PAPA GƆD we na dɛn PAPA GƆD, et.