Ɛksodɔs 20:3 - Krio Fɔs Oli Baybul

³ Una nɔ fɔ wɔship nɔn ɔda gɔd, pas mi.

Ɛksodɔs 20:3 Referans Kwoze

Ditarɔnɔmi 5:7

Nain waŋren Izrɛl fɔ wɔship.

Matyu 4:10

Jizɔs se, “Kɔmɔt biɛn mi, Setan! Dɛn rayt na Gɔd in Buk se, ‘Pɔsin fɔ nil dɔŋ bifo Gɔd we nain Masta ɛn pre to am ɛn nain nɔmɔ i fɔ wok fɔ.’”

Di Sam Dɛm 81:9

Una nɔ fɔ gɛt ɛni ɔda gɔd; una nɔ fɔ pre to ɛni dɛn gɔd de.

Ayzaya 46:9

mɛmba dɛn lɔntɛm tin dɛm; bikɔs na Mi na Gɔd, ɛn nɔn ɔda wan nɔ de; na Mi na Gɔd ɛn nɔn nɔ tan lɛk mi,

Ditarɔnɔmi 6:5

dɛn fɔ lɛk PAPA GƆD wit ɔl dɛn at, wit ɔl dɛn sol ɛn wit ɔl dɛn trɛnk.

Jɛrimaya 25:6

una nɔ fɔ de biɛn ɔda gɔd dɛm fɔ go sav dɛm ɛn wɔship dɛm, ɔ prɔvok mi mek a vɛks wit wetin una de du. Datɛnde, a nɔ go am una.’

Ditarɔnɔmi 6:14

Mozis se dɛn nɔ fɔ wɔship nɔn ɔda gɔd; ivin dɛn fɔrina dɛn gɔd dɛnsɛf dɛn nɔ fɔ wɔship.

Jɛrimaya 35:15

A dɔn sɛn ɔl mi wokman dɛm we na di prɔfɛt dɛn to una ɛn a de sɛn dɛm ɔltɛm se, ‘Ɔlman fɔ lɛf in ivul we ɛn lɛf wetin una de du, ɛn nɔ de biɛn ɔda gɔd dɛm de sav dɛm, datɛnde una go tap na di land we a gi una ɛn una fɔstɛmpapa dɛm.’ Bɔt una nɔ ivin put una yes lisin to mi.

1 Kɔrint 8:6

wi stil no se na wangren Gɔd de, we na wi Papa, we mek ɔltin ɛn nain gɛt wi layf; ɛn wi no se na wangren Masta de, dat na Jizɔs Krays we mek ɔltin, ɛn we gi wi layf.

Rɛvɛleshɔn 19:10

Dɛn a fɔdɔm na di pɔsin, we de tɔk, in fut fɔ bigin prez am. Na de di pɔsin se, “Grap, nɔ du dat! Misɛf na Gɔd in savant lɛkɛ yu, ɛn misɛf na wan pan yu kɔmpin dɛn we bin biliv di tru wɔd we Jizɔs tɔk! Na Gɔd in fut yu fɔ fɔdɔm fɔ prez am!” Di tru wɔd we Jizɔs tɔk, nain dɛn prɔfɛt dɛnsɛf de tɔk.

Lɛta Fɔ Kɔlɔse 2:18

Una nɔ mek ɛnibɔdi we se in bɛtɛ pas una bikɔs Gɔd de mek i si tin dɛn na vishɔn, tɛl una se una nɔ de du rayt. Dɛn pipul ya de pin se pipul fɔ de fast ɛn dɛn fɔ de pre to enjɛl. Pipul lɛkɛ dɛn wan ya jɛs de mek prawd fɔ natin, na aw dɛn de tink wit dɛn yon mɔtalman sɛns de mek dɛn fil prawd.

Lɛta Fɔ Filipay 3:19

Bɔt dɛn pipul ya go go na ɛl, bikɔs dɛn tek ɔl wetin dɛn want fɔ dɛnsɛf tɔn dɛn to dɛn yon gɔd; ɛn dɛn tin we fɔ mek dɛn shem, nain dɛn de gladi fɔ. Dɛn put ɔl dɛn at pan dɛn tin we de na dis wɔl.

Lɛta Fɔ Ɛfisɔs 5:5

Una fɔ no se: pɔsin we liv fri layf, pɔsin we gɛt bad at, ɔ pɔsin we want ɔltin fɔ insɛf (we jɛs tan lɛkɛ pɔsin we de pre to dɛn tin we mɔtalman mek fɔ pre to) nɔ go de na di ples we Krays de rul ɛn we Gɔd de rul.

Ayzaya 26:4

Biliv pan PAPA GƆD sote go, bikɔs Papa Gɔd we na Gɔd na lɛk akpata we de sote go.

Ɛksodɔs 15:11

PAPA GƆD, uswan pan dɛn ɔda gɔd dɛn tan lɛkɛ yu? Uswan gɛt pawa fɔ ple wɔnda lɛkɛ yu? Udat oli lɛkɛ yu?

Ɛksodɔs 20:23

Dɛn nɔ fɔ tek silva mek gɔd ɛn se mi ɛn in na di sem. Dɛn nɔ fɔ tek gold sɛf mek gɔd.

Ayzaya 44:8

Una nɔ fred ɔ no kɔt at; a nɔ bin dɔn tɛl una lɔntɛm se i go bi? Ɛn una na mi witnɛs dɛm! Ɛni ɔda Gɔd de apat frɔm mi? Nɔn Rɔk nɔ de, a nɔ sabi ɛniwan.

Ayzaya 43:10

PAPA GƆD se, “Una na mi witnɛs dɛn, ɛn mi savant we a dɔn pik, mek yu go no ɛn biliv mi ɛn ɔndastand se na Mi na Im. Nɔn gɔd nɔ bin de bifo mi, ɛn nɔn ɔda wan nɔ go de afta mi;

Di Sam Dɛm 73:25

We a gɛt yu we de na ɛvin, a nɔ nid natin igen na wɔl.

Di Sam Dɛm 29:2

Una gi PAPA GƆD di prez we i fit fɔ gɛt; bikɔs in na big PAPA GƆD; mek una wɔship PAPA GƆD piɔ wan lɛkɛ insɛf.

Rɛvɛleshɔn 22:9

Bɔt i se, “Nɔ du dat! Misɛf de wok fɔ Gɔd lɛkɛ aw yu de wok fɔ am, ɛn lɛkɛ yu kɔmpin dɛn we na prɔfɛt ɛn ɔl dɛn wan we de du dɛn tin we rayt na dis buk. Na Gɔd in fut yu fɔ fɔdɔm fɔ prez am!”

1 Kɔrint 8:4

So, lɛkɛ aw a bin se, lɛ a kam tɔk bɔt dɛn it we dɛn kin sakrifays to dɛn tin we mɔtalman mek fɔ pre to: una no se dɛn tin we mɔtalman mek fɔ pre to nɔto Gɔd; wi no se na wangren Gɔd nɔmɔ de.

Ɛksodɔs 32:8

Dɛn dɔn kɔmɔt na di rod we a sho dɛn fɔ waka. Dɛn dɔn mek gold kaw ɛn de wɔship am, ɛn infakt sɛf ɔfa sakrifays to am ɛn tɔk se na di gɔd dat we pul dɛn kɔmɔt na Ijipt.

Ɛksodɔs 34:14

“Una nɔ fɔ wɔship ɛni ɔda gɔd bikɔs mi PAPA GƆD a de Jɛlɔs; mi na jɛlɔs PAPA GƆD.

Ayzaya 42:8

Na mi na PAPA GƆD, na dat na mi nem; a nɔ de gi mi glori to ɛni ɔda pɔsin, ɔ mi prez to dɛn laylay gɔd.

Jɛrimaya 7:9

Una go tif, kil pɔsin, kɔmit adɔltri, swɛ fɔ natin, bɔn insɛns to Beal, ɛn wɔship ɔda gɔd dɛm we una nɔ bin no,

Ozie 13:4

PAPA GƆD se nain na PAPA GƆD dɛn Gɔd frɔm di tɛm we dɛn de na Ijipt; I tɛl dɛn se nain nɔmɔ dɛn no bikɔs nain wan ebul pul dɛn pan trɔbul.

Ɛksodɔs 22:19

“Ɛni man we lidɔm wit animal, dɛn fɔ kil am.

Ɛksodɔs 23:24

Una nɔ fɔ butu to dɛn gɔd dɛn fɔ wɔship dɛn, ɛn una nɔ fɔ falamakata dɛn fɔ de wɔship lɛkɛ aw dɛn de wɔship. Una pwɛl pwɛl dɛn gɔd dɛn ɛn brok di ston pila dɛn we dɛn mek fɔ wɔship dɛn gɔd.

Di Jɔj Dɛm 6:10

I se, in bin tɛl dɛn se in na PAPA GƆD we na dɛn PAPA GƆD, so dɛn nɔ fɔ butu to di Amɔrayt dɛn we gɛt di land, dɛn gɔd dɛn. Bɔt dɛn nɔ gri du wetin i se.

1 Kiŋ 11:4

Aw Sɔlɔmɔn bin de ol na so in wɛf dɛn bin de tɔn in at fɔ wɔship ɔda gɔd dɛn; in at nɔ kam de to PAPA GƆD igen lɛkɛ aw in papa Devid in at bin de to PAPA GƆD.

Di Sam Dɛm 81:10

Mi na PAPA GƆD, di waŋren PAPA GƆD, we pul una kɔmɔt na Ijipt. If una du wetin a want, a go blɛs una.

Daniɛl 3:18

Bɔt if i nɔ bi so igen, wi wan lɛ yu no se, wi nɔ go wok fɔ yu gɔd dɛn ɔ wɔship di gold imej we yu dɔn bil.